सोनंच पाहिजे असं नाही, अक्षय तृतीयेला तुमच्या राशीनुसार हे धातू खरेदी करणं फायदेशीर

मुंबई, 29 एप्रिल : अक्षय तृतीयेच्या (Akshaya Tritiya) दिवशी सोने, चांदीसारखे महागडे धातू खरेदी करण्याची परंपरा आहे. अक्षय तृतीयेला धातूची रूपे देवी लक्ष्मीला आपल्या घरी आणतात, त्यामुळे या दिवशी मिळालेली संपत्ती, पुण्य इत्यादी नष्ट होत नाही, असं मानलं जातं. यावर्षी अक्षय तृतीया मंगळवार 3 मे रोजी साजरी होणार आहे. या दिवशी प्रत्येकाला आपल्या क्षमतेनुसार सोने, चांदी किंवा इतर दागिने खरेदी करायचे असतात. तथापि, अक्षय तृतीयेच्या निमित्ताने आपण राशीनुसार धातू खरेदी करू शकता, तुमच्या प्रगतीसाठी ते उपयुक्त ठरेल. काशीचे ज्योतिष चक्रपाणी भट्ट यांच्याकडून जाणून घेऊया अक्षय तृतीयेच्या दिवशी राशीनुसार कोणता धातू खरेदी करणे फायदेशीर (Akshaya Tritiya 2022) ठरेल. अक्षय तृतीयेला राशीनुसार धातूची खरेदी - मेष : मेष राशीच्या लोकांसाठी अक्षय तृतीयेच्या दिवशी तांबे किंवा सोने खरेदी करणे शुभ राहील. तुमच्या राशीचा स्वामी मंगळ ग्रहासाठी शुभ धातू तांबे आहे. वृषभ : तुमच्या राशीचा अधिपती ग्रह शुक्र आहे. अक्षय तृतीयेला चांदी खरेदी करणे तुमच्यासाठी शुभ राहील. हिरा हे शुक्राचे मुख्य रत्न मानले जाते. मिथुन : मिथुन राशीच्या लोकांचा अधिपती ग्रह बुध आहे. यामुळे अक्षय तृतीयेला मिथुन राशीचे लोक पितळेची भांडी किंवा दागिने खरेदी करू शकतात. कर्क : अक्षय तृतीयेच्या मुहूर्तावर कर्क राशीच्या लोकांनी चांदीची खरेदी करणे चांगले राहील. या राशीचा अधिपती ग्रह चंद्र आहे, त्यामुळे चांदी तुमच्यासाठी शुभ राहील. सिंह : सिंह राशीचा अधिपती ग्रह सूर्य आहे. या राशीच्या लोकांनी अक्षय तृतीयेला तांबे किंवा सोने खरेदी करावे. तांबे खरेदी करणे अधिक चांगले होईल. कन्या : कन्या राशीचा अधिपती ग्रह बुध आहे. या राशीच्या लोकांसाठी अक्षय तृतीयेला कांस्य खरेदी करणे देखील शुभ राहील. तूळ : तूळ राशीच्या लोकांनी अक्षय तृतीयेला चांदीची खरेदी करावी. या राशीचा शासक ग्रह शुक्र आहे. वृश्चिक : अक्षय तृतीयेच्या दिवशी वृश्चिक राशीच्या लोकांसाठी तांबे खरेदी करणे चांगले राहील. या राशीचा स्वामी मंगळ ग्रहाचा शुभ धातू तांबे आहे. हे वाचा -  मे महिना या 5 राशीच्या लोकांसाठी राहील खास; नोकरी-धंद्यात बक्कळ कमाईचे योग धनु : धनु राशीचा शासक ग्रह गुरू आहे. अक्षय तृतीयेच्या दिवशी या राशीच्या लोकांनी पितळ किंवा सोने खरेदी करणे चांगले राहील. मकर : अक्षय तृतीयेला मकर राशीच्या लोकांनी स्टील किंवा लोखंडी भांडी खरेदी करणे चांगले राहील, कारण या राशीचा अधिपती शनिदेव आहे. कुंभ : या राशीच्या लोकांनी देखील मकर राशीप्रमाणे स्टील किंवा लोखंडी भांडी खरेदी करावी. भगवान शनी देखील या राशीचा स्वामी आहे. हे वाचा -  व्यवस्थित पचन होत नाही? आयुर्वेदानुसार या छोट्या-छोट्या चुका आपण वेळीच सुधारा मीन : या राशीचा अधिपती ग्रह गुरू आहे. अक्षय तृतीयेच्या मुहूर्तावर मीन राशीच्या लोकांसाठी पितळ खरेदी करणे शुभ राहील. त्यांना हवे असल्यास ते सोनेही खरेदी करू शकतात. (सूचना : येथे दिलेली माहिती सामान्य ज्योतिषशास्त्राच्या माहितीवर आधारित आहे. न्यूज 18 लोकमत त्याची हमी देत नाही.)

• Follow us on