दुग्धजन्य पदार्थ खाल्ल्याने खराब कोलेस्ट्रॉल वाढते का? नेमकी माहिती जाणून घ्या

नवी दिल्ली, 08 ऑक्टोबर : दुग्धजन्य पदार्थांचे सेवन केल्याने आपल्या आरोग्यावर वाईट परिणाम होऊ शकतो का? यामुळे शरीरातील खराब कोलेस्टेरॉलचे प्रमाण वाढू शकते का? आणि जर तुम्हाला खराब कोलेस्ट्रॉलपासून मुक्ती मिळवायची असेल, तर तुम्हाला दुग्धजन्य पदार्थांचे सेवन पूर्णपणे बंद करावे लागेल? तज्ज्ञांच्या मते याची अजिबात गरज नाही. सर्वसाधारणपणे, जर तुम्ही दुग्धजन्य पदार्थ वापरत असाल तर त्याचा तुमच्या कोलेस्ट्रॉलवर वाईट परिणाम होणार नाही. पण, कोणत्याही गोष्टीचा अतिरेक वाईट असतो आणि दुग्धजन्य पदार्थांच्या बाबतीतही तेच सत्य आहे. जर तुम्ही ही उत्पादने जास्त प्रमाणात वापरत असाल तर ते तुमच्यासाठी फायदेशीर ठरण्याऐवजी हानिकारक ठरू शकतात. आणि तुमच्या शरीरावर वाईट परिणाम होऊ शकतो. जाणून घेऊया, दुग्धजन्य पदार्थांमुळे शरीरात खराब कोलेस्ट्रॉल वाढू शकते (Dairy Products in High Cholesterol) का? दुग्धजन्य पदार्थांच्या सेवनाने खराब कोलेस्ट्रॉल वाढू शकते? यासाठी आधी समजून घेतले पाहिजे की, कोलेस्ट्रॉल म्हणजे काय? सामान्यतः आपण ऐकले असेल की कोलेस्ट्रॉल खराब आहे, पण तसे अजिबात नाही. कोलेस्ट्रॉलचे दोन प्रकार आहेत. हे वाचा - बद्धकोष्ठतेमुळे राहता त्रस्त? रात्री दुधासोबत प्या हा पदार्थ, त्रास होईल दूर Healthline.com च्या मते, लो-डेन्सिटी लिपोप्रोटीन्स म्हणजे LDL आणि इतर हाय-डेन्सिटी लिपोप्रोटीन्स म्हणजे HDL. एचडीएल कोलेस्ट्रॉल हे “चांगले” कोलेस्ट्रॉल मानले जाते. तर एलडीएल हे खराब कोलेस्ट्रॉल मानले जाते. जेव्हा रक्तात LDL चे प्रमाण वाढते तेव्हा ते आपल्या रक्तवाहिन्यांना नुकसान पोहोचवते. हे वाचा - फिजिकल रिलेशन हे Cervical cancer चं मोठं कारण; दरवर्षी 67 हजार महिलांचा मृत्यू आता दुग्धजन्य पदार्थांबद्दल बोलूया, असे पदार्थ खराब कोलेस्ट्रॉलचे प्रमाण वाढवतात का? दुग्धजन्य पदार्थ आपले शरीर मजबूत करत असले तरी कोलेस्ट्रॉलच्या बाबतीत आपल्याला काही गोष्टी माहीत असणे आवश्यक आहे. ज्या दुग्धजन्य पदार्थांमध्ये चरबी जास्त असते ते तुमच्यासाठी हानिकारक असतात. ते तुमची LDL कोलेस्ट्रॉल पातळी वाढवतात, ज्यामुळे तुमच्या आरोग्यावर वाईट परिणाम होऊ शकतो. जर तुम्हाला नियमितपणे दुग्धजन्य पदार्थ वापरायचे असतील तर कमी चरबीयुक्त पदार्थांचा वापर करावा. कमी चरबीयुक्त दुग्धजन्य पदार्थ तुमच्या आरोग्यासाठी चांगले असतात आणि त्यांचा शरीरावर कोणताही वाईट परिणाम होत नाही किंवा वाईट कोलेस्ट्रॉलचे प्रमाण वाढत नाही.

(सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही. अधिक माहितीसाठी वैदयकीय तज्ज्ञांचा सल्ला घ्या.)

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

Tags: health , Health Tips