फक्त पाणी पिऊनही High BP नियंत्रित ठेवता येते, ही सोपी पद्धत समजून घ्या

नवी दिल्ली, 01 ऑक्टोबर : आजकाल प्रत्येक तिसरा व्यक्ती उच्च रक्तदाबाच्या समस्येने त्रस्त आहे. उच्च रक्तदाब हा लोकांच्या जीवनशैलीचा एक भाग बनला आहे, त्यावर नियंत्रण ठेवण्यासाठी आरोग्यदायी आहारासोबतच औषधांचीही काळजी घ्यावी लागते. रक्तदाबाची समस्या कोणत्याही वयात उद्भवू शकते, परंतु वाढत्या वयात हाय बीपी हृदयाच्या समस्यांना उत्तेजन देऊ शकते. उच्च रक्तदाब नियंत्रित करण्याचे अनेक मार्ग आहेत, त्यापैकी सर्वात महत्त्वाचे म्हणजे निरोगी जीवनशैली.

नियमित व्यायाम केल्याने हृदय निरोगी राहते आणि तणावाची पातळी कमी होते. आरोग्यदायी आहारासोबत पाणी पिऊन आणि हायड्रेटेड राहूनही उच्च रक्तदाब कमी करता येतो. पुरेशा प्रमाणात पाणी प्यायल्याने शरीरातील रक्ताभिसरण सुरळीत राहते, त्यामुळे हृदयविकाराचा त्रास होण्याची शक्यता कमी होते. जाणून घेऊया उच्च रक्तदाब कमी करण्यासाठी किती पाणी आवश्यक आहे.

निर्जलीकरण आणि रक्तदाब -

निरोगी आरोग्यासाठी हायड्रेटेड राहणे खूप महत्त्वाचे आहे. व्हेरीवेल हेल्थच्या माहितीनुसार, डिहायड्रेशन आणि रक्तदाब यांचा परस्पर संबंध आहे. जेव्हा शरीर योग्यरित्या हायड्रेटेड असते तेव्हा हृदय प्रभावीपणे पंप करण्यास सक्षम असते. त्यामुळे रक्ताभिसरण बरोबर राहते. डिहायड्रेशनच्या बाबतीत, हृदयाला पंप करण्यासाठी खूप प्रयत्न करावे लागतात, ज्यामुळे रक्ताचे प्रमाण कमी होऊ लागते. जेव्हा रक्ताचे प्रमाण कमी होते तेव्हा रक्तदाब आणि हृदय गती दोन्ही उच्च होतात.

हे वाचा - ‘एंझायटी अ‍ॅटॅक’ का येतो?; जाणून घ्या त्याची कारणं, लक्षणं आणि उपचार

पाणी आणि हृदय आरोग्य -

हृदय व रक्तवाहिन्यासंबंधी आरोग्य सुधारण्यासाठी पुरेसे पाणी पिणे महत्त्वाचे आहे. एका अभ्यासानुसार, कॅल्शियम आणि मॅग्नेशियमयुक्त पाणी पिल्याने उच्च रक्तदाब कमी होण्यास मदत होते. या पोषक तत्वांचे पाण्याद्वारे सेवन केल्याने शरीर त्यांना सहज शोषून घेऊ शकते. व्हिटॅमिन्स आणि मॅग्नेशियमसाठी पुदिना, काकडी, लिंबू आणि जामुन पाण्यात टाकता येते.

हे वाचा - काय येतो जिममध्ये हार्ट अटॅक? सलमानच्या बॉडीगार्डचाही यामुळेच मृत्यू

रक्तदाब नियंत्रित ठेवण्यासाठी पाण्याचे प्रमाण -

महिलांसाठी - महिलांनी दररोज सुमारे 11 कप किंवा 2.7 लिटर पाणी प्यावे. पुरुषांसाठी- पुरुषांनी दररोज 15 कप म्हणजेच 3.7 लिटर पाणी प्यावे.