तुम्हाला असतील ‘या’ 5 सवयी तर, वेळची व्हा सावध नाहीतर Kidney होईल फेल

दिल्ली,09 जुलै :  आपल्या चांगल्या किंवा वाईट सवयी आपल्या आयुष्याचा इतका भाग होऊन जातात की, त्याचा आपल्या बॉडीवर काय परिणाम (Body Effect) होतो याचं भानच आपल्याला राहत नाही. एखादं मोठं नुकसान (Loss) झाल्यानंतर आपण आपल्या सवयी (Habits) बदलण्याचा प्रयत्न करतो मात्र, या सर्व चुका वेळीच माहिती झाल्या तर, आपण अशा सवयींच्या आहारी न जाता आपलं नुकसानही टाळू शकतो. काही जणांना खुप जास्त जंकफूड (Junk Food) खायची आवडते. काहींना खूप जास्त गोड पदार्थ आवडतात. काहींना वेळीअवेळी कधी खायला आवडतं तर बरेचजण खाण्यापिण्याच्या वेळा पाळत नाहीत. कोणत्याही वेळी झोपायचं कोणत्याही वेळी उठायचं, पाणी कमी प्यायचं अशा कितीतरी वाईट सवयी आपल्याला असतात आणि या सगळ्याचा हळूहळू आपल्या किडनीवर वाईट परिणाम (Bad Effect on Kidney) होत असतो. किडनी आपलं रक्त साफ करून त्यापासून यूरिन (Urine) तयार करते. त्यामुळेच शरीरामध्ये किडनीचं काम अतिशय महत्त्वाचं असतं. आपल्या शरीरातली घाण आणि अनावश्यक घटक बाहेर फेकण्याचं काम किडनी करते. काही वाईट सवयींमुळे किडनी फेल (Kidney Fail) होऊ शकते. कोणत्या आहेत या वाईट सवयी जाणून घेऊयात.

(झटपट नाश्त्यासाठी खाताय White Bread? 'किडनी फेल'चा ओढवून घ्याल धोका)

नॉनव्हेज खाण्याची सवय

आपला आहार नेहमीच बॅलन्स असायला हवा. पण, काही लोकांना दररोज नॉनव्हेज खायला आवडतं. चिकन, मटण किंवा एखादं अंड तरी ते खातातच. पण अतिरिक्त प्रमाणामध्ये मांसाहारी पदार्थाने किडनीवरती परिणाम होत असतो. या पदार्थांमुळे शरीरामध्ये किडनी स्टोन (Kidney Stone) तयार होऊ शकतो. मांसाहारी पदार्थांमुळे शरीरात युरिक ऍसिड (Uric Acid) वाढत जातं. त्यामुळे अतिप्रमाणामध्ये मांसाहारी पदार्थ खाऊ नयेत.

(पावसाळ्यातले आजार पळवाचे असतील तर; हे 2 पदार्थ एकत्र खा! लगेच होईल फायदा)

लघवीस न जाणं

पोटामध्ये युरिन किंवा लघवी साठत राहणं आपल्या आरोग्याला हानिकारक असतं. जास्त प्रमाणामध्ये युरिन साठल्यानंतर किडनीवर दबाव येतो. शरीरात विषाक्त पदार्थ वाढायला लागतात आणि त्याचा उलटा प्रभाव किडनीवरच होतो.

(अरे बापरे! तुम्हीही पाणी उभ्याने पिता का? आधी हे काळजीपूर्वक वाचा)

पाणी कमी पिणे

बऱ्याच लोकांना अतिशय कमी पाणी पिण्याची सवय असते. फार तहान लागली तरी एकदोन घोट पाणी पिऊन ते केवळ घसा ओला करतात. मात्र तज्ज्ञांच्या मते किमान 8 क्लास तरी दिवसभरात पाणी प्यायला हवं. योग्य प्रमाणात शरीरात पाणी नसेल तर, किडनीवर दबाव पडतो. पाणी कमी असल्यामुळे विषाक्त पदार्थ शरीरात साठायला लागतात आणि मग अनेक आजार वाढायला लागतात. यामुळे किडनीवर जास्त परिणाम होतो.

डॉक्टरांच्या सल्ल्याशिवाय पेनकिलर खाणं

डोकंदुखी, अंगदुखी यासारख्या क्षुल्लक कारणांसाठी बरेच लोक पेनकिलर खातात. मात्र पेनकिलरचे आपल्या शरीरावर साईड इफेक्ट होतात. पेन किलरने किडनीवरती वाईट परिणाम होतो. डॉक्टरांच्या सल्ल्याशिवाय पेनकिलर किंवा अँटिबायोटिक घेऊ नयेत.

(अतिशय घातक आहेत ही Food Combinations; आयुर्वेदानुसार पाहा काय होतो परिणाम?)

बीपी कंट्रोलमध्ये नसणं

हाय ब्लड प्रेशरमुळे रक्त पुरवठा करणाऱ्या पेशींवर दबाव पडत असतो. यामुळे किडनीवरही निगेटिव्ह परिणाम होतो. त्यामुळे आपला बीपी कंट्रोलमध्ये राहायला हवा. ब्लड प्रेशर वाढतोय असं लक्षात आल्याबरोबर डॉक्टरांचा सल्ला घ्यावा.