Home /News /explainer /

चार धाम प्रकल्प काय आहे? देशाच्या सुरक्षेच्या दृष्टीने किती महत्त्वाचा? पर्यावरणवाद्यांचा विरोध का?

चार धाम प्रकल्प काय आहे? देशाच्या सुरक्षेच्या दृष्टीने किती महत्त्वाचा? पर्यावरणवाद्यांचा विरोध का?

Char Dham Project: केंद्र सरकारची इच्छा आहे की चारधाम महामार्गातील रस्त्यांची रुंदी सध्याच्या 5.5 मीटरवरून 10 मीटरपर्यंत वाढवावी, जेणेकरून लष्कराची वाहने, उपकरणे भारत-चीन सीमेपर्यंत पोहोचणे सोपे होईल. 1962 च्या चीन युद्धानंतर रस्त्यांची स्थिती बदललेली नाही. हे रस्ते असे आहेत की त्यावरून दोन वाहनांना समोरासमोरून जाणे अवघड झाले आहे.

पुढे वाचा ...
    नवी दिल्ली, 14 डिसेंबर : सुप्रीम कोर्टाने (Supreme Court) काही दिवसांपूर्वी सुनावणी घेतल्यानंतर उत्तराखंडच्या (Uttarakhand) चारधाम प्रकल्पावरील निर्णय राखून ठेवला होता. आता आपल्या निर्णयात पर्यावरणाच्या आक्षेपांना बगल देत या प्रकल्पाला ग्रीन सिग्नल दिला आहे. काय आहे चार धाम प्रकल्प? (Chardham Project) चीनच्या सीमेवर भारताच्या संरक्षण गरजांसाठी तो किती महत्त्वाचा आहे. केंद्र सरकारला चारधाम महामार्गावरील रस्त्यांची रुंदी सध्याच्या 5.5 मीटरवरून 10 मीटरपर्यंत वाढवायची आहे, जेणेकरून लष्कराची वाहने, उपकरणे भारत-चीन सीमेपर्यंत पोहोचणे सोपे होईल. 1962 च्या चीन युद्धानंतर रस्त्यांची स्थिती बदललेली नाही. रस्त्याची स्थिती अशी आहे की त्यावरून दोन वाहनांना समोरासमोरून जाणे अवघड झाले आहे. उत्तराखंडमधील वातावरण आणि संवेदनशील पर्वत पाहता हे रस्ते रुंद करणे आवश्यक असले तरी ते इतके सोपे नाही. न्यायालयाने आधी काय सांगितलं? 8 सप्टेंबर 2020 रोजी न्यायालयाने पर्यावरणाच्या दृष्टीने उत्तराखंडमधील रस्त्यांच्या आकारात आणि प्रकारात कोणताही बदल न करण्याचे आदेश दिले होते. त्यानंतरच केंद्र सरकारला या निर्णयाविरोधात अपील करावे लागले. केंद्राच्या याचिकेला सिटीझन्स ऑफ ग्रीन दून या डेहराडूनस्थित एनजीओने आव्हान दिले होतं. पर्यावरणवादी का चिंतेत आहेत? पर्वतीय मार्गांची रुंदी वाढवून रस्ते अपग्रेड केले तर पर्वतांच्या पर्यावरणावर मोठ्या प्रमाणात परिणाम होईल. त्याचा विनाशकारी परिणाम भविष्यात दिसू शकतो, जसे गेल्या काही वर्षांत उत्तराखंडमध्ये अनेकदा दिसून आले आहे, असा युक्तिवाद ग्रीन दून एनजीओने केला आहे. रस्त्यांच्या रुंदीबाबत पर्यावरण समितीचं म्हणणं काय आहे? खरे तर सरकारने याबाबत पर्यावरण समिती स्थापन केली होती, मात्र त्यात दोन भिन्न मतप्रवाह समोर आले. समितीचे दोन भाग होते. दोघांनी स्वतंत्र अहवाल दिला. जिथे रस्ता बनवता येईल आणि पर्यावरणाची काळजीही घेता येईल, असे मोठ्या अहवालात म्हटले आहे. त्याच वेळी, तज्ञांच्या एका छोट्या पथकाने सांगितले की रस्त्याची रुंदी 5.5 मीटरपेक्षा जास्त वाढवू नये. ती तशीच ठेवली पाहिजे. एक छोटासा अहवाल सांगतो की जर आपण रस्ते रुंदीकरणाचा प्रकल्प हाती घेतला तर हिमालयातील लोकांप्रमाणेच सैनिकांच्या जीवालाही धोका होऊ शकतो. कारण हिमालय आता छेडछाड करण्याच्या स्थितीत नाही.

    औरंगजेब ते अहिल्याबाई होळकर, काशी विश्वनाथ मंदिर उभारणी आणि विध्वंसाची कहाणी

    चार धाम प्रकल्पाचा उद्देश काय आहे? चारधाम प्रकल्पाचा उद्देश यमुनोत्री, गंगोत्री, केदारनाथ आणि बद्रीनाथ या पर्वतीय राज्यांतील चार पवित्र स्थळांना सर्व हवामानात जोडण्याचा आहे. हा प्रकल्प पूर्ण झाल्यानंतर प्रत्येक हंगामात चार धाम यात्रा करता येणार आहे. यासोबतच लष्कराची रसद भारत-चीन सीमेपर्यंत पोहोचणे सोपे होणार आहे. तिबेटमध्ये चीनची प्रचंड लष्करी जमवाजमव पाहता 1962 सारखी दुर्घटना टाळण्यासाठी लष्कराला उत्तराखंडमध्ये रुंद रस्त्यांची गरज असल्याचा युक्तिवाद केंद्र सरकारने केला होता. सध्याची परिस्थिती कशी आहे? चीनसोबतच्या संपूर्ण प्रत्यक्ष नियंत्रण रेषेवर (LAC) महामार्ग, रस्ते आणि इतर पायाभूत सुविधांची गरज आहे यात शंका नाही. सर्वोच्च न्यायालयात याच प्रकरणाशी संबंधित सुनावणीत सरकारने म्हटले होते की, आम्ही आमची क्षेपणास्त्रे भारत-चीन सीमेवर डागण्याच्या किंवा अवजड यंत्रसामग्रीची वाहतूक करण्याच्या स्थितीत नाही. या प्रकल्पासाठी किती खर्च येईल? सरकारचा चार धाम प्रकल्प 900 किमी लांबीचा असून तो सर्व हवामानाच्या दृष्टीने विकसित करण्यासाठी सुमारे 12,000 कोटी रुपये खर्च येईल. यामुळे उत्तराखंड, यमुनोत्री, गंगोत्री, केदारनाथ आणि बद्रीनाथ ही चार धार्मिक स्थळे रस्त्याने एकमेकांशी जोडता येणार आहेत. सध्याच्या स्थितीत रस्ते वाहतुकीच्या लायकीचे राहिले नाहीत. डोंगरावर एक साधा अघोषित नियम आहे की वरून उतरणाऱ्या वाहनाला प्रथम प्राधान्य द्यावे. परिणामी यामुळे रस्ते अनेक तास बंद होतात. हा प्रकल्प कधी सुरू झाला? डिसेंबर 2016 मध्ये पंतप्रधान नरेंद्र मोदी यांच्या हस्ते या प्रकल्पाची पायाभरणी करण्यात आली होती. यामध्ये प्रवासाचे मार्ग ऋषिकेश येथून सुरू होऊन चार धामांपर्यंत जातील. पहिला मार्ग ऋषिकेशपासून सुरू होईल, जो धरसू नावाच्या ठिकाणापर्यंत जाईल. धरसू येथून दुसरा मार्ग यमुनोत्री आणि गंगोत्रीला जाईल. तिसरा मार्ग ऋषिकेशपासून सुरू होऊन रुद्रप्रयागपर्यंत जाईल.

    Cyber Attack | सायबर हल्ल्यांमुळे विमान आणि हेलिकॉप्टर क्रॅश होऊ शकतात का?

    रुद्रप्रयागपासून केदारनाथला गौरीकुंडपर्यंत एक रस्ता जाईल. चौथा, रुद्रप्रयागपासून एक रस्ता पुढे बद्रीनाथसाठी माना गावात जाईल. त्याचबरोबर टनकपूर ते पिथौरागढ या मार्गाचे हायवेमध्ये रूपांतर करण्यात येत आहे. या प्रकल्पांतर्गत 250 किमी रस्त्याचे रुंदीकरण करण्यात आल्याचे राज्य सरकारचे म्हणणे आहे. 400 किमी रस्त्याचे काम सुरू आहे, तर 239 किमी रस्त्याचे काम अद्याप सुरू व्हायचे आहे, कारण पर्यावरण मंजुरी मिळालेली नाही. याक्षणी सैन्यासमोर कोणती समस्या? रस्त्यांच्या सद्यस्थितीमुळे लष्कराला त्यांची अवजड वाहने, यंत्रसामग्री, शस्त्रे, क्षेपणास्त्रे, रणगाडे, सैन्य आणि अन्नसामग्री नेता येत नाही. ब्रह्मोस क्षेपणास्त्र 42 फूट लांब असून ते वाहून नेण्यासाठी आणखी मोठे वाहन आवश्यक आहे. जर युद्धाची परिस्थिती निर्माण झाली तर शस्त्रास्त्रे आणि रसद नसताना सैन्य कसे मुकाबला करणार? असा प्रश्न त्यांच्यासमोर आहे.
    Published by:Rahul Punde
    First published:

    Tags: Environment, Pm modi, Supreme court

    पुढील बातम्या