China Vs USA | चीन आता अंतराळातही अमेरिकेला टक्कर देणार! काय आहे ड्रॅगनचा मास्टर प्लॅन?

बिजिंग, 10 जानेवारी : अंतराळ संशोधनातील स्पर्धा दिवसेंदिवस वाढत आहे. चीनने (China) या वर्षी स्वतःचे आंतरराष्ट्रीय अंतराळ स्थानक (International Space Station) पूर्णपणे तयार करण्याचा संकल्प केला आहे. या वर्षी ते अंतराळात 40 प्रक्षेपण करून अमेरिकेच्या (USA) वार्षिक अवकाश प्रक्षेपणाच्या जवळ जाणार असल्याचे त्यांनी सांगितले. अंतराळ क्षेत्रात जगातील महासत्तांमध्ये गणले जाण्याची चीनची महत्त्वाकांक्षा आहे. यासाठी तो अतिशय वेगाने काम करत असून त्यात यशही मिळत आहे. अशा अनेक मोहिमा आहेत ज्या त्यांच्याशिवाय जगात कोणीही करू शकले नाही. चीनची अधिकृत वृत्तसंस्था शिन्हुआने दिलेल्या माहितीनुसार, चायना एरोस्पेस सायन्स अँड टेक्नॉलॉजी कॉर्पोरेशन (CASC) ने नुकतीच याची घोषणा केली आहे. या प्रमुख मोहिमा असतील चीनच्या या वर्षीच्या प्रमुख अंतराळ प्रक्षेपणांमध्ये दोन शेन्झो क्रू मिशन्स, दोन टियांझो कार्गो स्पेसक्राफ्ट आणि स्पेस स्टेशनच्या दोन अतिरिक्त मॉड्यूल्सचा समावेश असेल. दोन वैज्ञानिक मॉड्यूल, मेंगटान आणि वेंटियन, तिआन्हे कोर मॉड्यूलमध्ये सामील होतील जिथे तीन अंतराळवीर आधीच कार्यरत आहेत. अमेरिकेच्या जवळ चीनच्या पारंपारिक आणि काळजीपूर्वक तयार केलेल्या योजना अंतराळ संशोधनात कशी प्रगती करत आहेत हे या प्रक्षेपणांच्या कार्यक्रमावरुन लक्षात येईल. अमेरिकाही या वर्षी तितक्याच अंतराळ प्रक्षेपणाची योजना आखत आहे. गेल्या वर्षी, कोविड-19 मुळे, त्याच्या लॉन्च कार्यक्रमांची गती मंदावली होती. नासाची वेग का कमी झाला? साथीच्या काळात अमेरिकेतील संगणक चिप्सच्या (Computer Chips) पुरवठ्यावर सर्वात वाईट परिणाम झाला. याशिवाय रॉकेटमध्ये इंधन म्हणून वापरला जाणारा द्रव ऑक्सिजन कोविड-19 च्या रुग्णांसाठी गेला होता, ज्यामुळे प्रक्षेपण कार्यक्रमात व्यत्यय आला. ही दोन मुख्य कारणे होती ज्याचा नासाच्या वार्षिक कार्यक्रमावर परिणाम झाला. ‘हे’ देश आहेत अमेरिकेचे कट्टर शत्रू! काही लहान असूनही देतायेत आव्हान या वर्षीही नासाचे मोठे प्रक्षेपण गेल्या वर्षी, नासाच्या आर्टेमिस मिशनचा पहिला टप्पा लाँच होऊ शकला नाही, जो यावर्षी मार्चमध्ये होण्याची शक्यता आहे. ही स्पेस लॉन्च सिस्टीम हे आतापर्यंतचे सर्वात मोठे रॉकेट आहे ज्याचा वापर मानवाला चंद्रावर पाठवण्यासाठी केला जाईल. हे 1010 मीटर लांब रॉकेट प्रवाशाशिवाय चाचणी म्हणून मार्चमध्ये चंद्रावर जाईल. चीनचे स्पेस स्टेशन इंटरनॅशनल स्पेस स्टेशनमध्ये सहभागी होण्यास अमेरिकेच्या आक्षेपानंतर चीनचा लष्करी अंतराळ कार्यक्रम थांबवण्यात आला. यानंतर चीनने स्वतःचे आंतरराष्ट्रीय अंतराळ स्थानक तयार करण्याचा निर्णय घेतला. आता तिआंगॉन्ग स्पेस स्टेशन प्रोग्रामचे मुख्य मॉड्यूल अंतराळात कार्यरत आहे, जे तीन अंतराळवीर चालवतात. 2003 मध्ये पहिला चिनी प्रवासी अंतराळात गेला होता सध्या सहा महिन्यांची मोहीम शेन्झोऊ-13 ही चीनची पहिलीच एवढी लांब अंतराळ मोहीम आहे. 2003 मध्ये चीनने पहिला अंतराळवीर अंतराळात पोहचवला होता. त्यावेळी अमेरिका आणि रशियानंतर असे करणारा तो जगातील तिसरा देश झाला होता. गेल्या वर्षी अंतराळात प्रक्षेपित केलेल्या स्पेस स्टेशनचे एकूण वजन 66 टन असेल, तर 1997 च्या आंतरराष्ट्रीय अंतराळ स्थानकाचे वजन 450 टन आहे. ट्रम्प अमेरिकेत धर्माला राष्ट्रवादाचे रूप देत आहेत का? आतापर्यंत चीनची कामगिरी सध्या स्पेस स्टेशनच्या क्रूने महिला चिनी अंतराळवीरासह दोन स्पेसवॉक केले आहेत. याशिवाय स्टेशनच्या रोबोटिक सर्व्हिस आर्मचीही चाचणी घेण्यात आली आहे. यावर, पहिल्यांदाच अंतराळात गेलेले तियानझो-2 मालवाहू वाहनही अंतराळ स्थानकाशी यशस्वीपणे जोडले गेले आहे. चीन या वर्षी चंद्रावर एक अंतराळ यान देखील पाठवणार आहे, ज्याच्या मदतीने ते चंद्राच्या मागील बाजूस युटू 2 नावाचे रोव्हर पाठवेल. चीन सुद्धा अतिशय गुप्तपणे एक अंतराळ विमान विकसित करण्यात गुंतला आहे. त्यासोबतच त्याच्या खूप मोठ्या क्षमतेच्या रॉकेटची चाचणी देखील सुरू आहे.

• Follow us on