)
मुंबई, 08 मे: ‘द केरळ स्टोरी’ या चित्रपटाची सगळीकडेच चर्चा आहे. अनेक जण या चित्रपटाला विरोध करत आहेत तर अनेक प्रेक्षक हा चित्रपट पाहण्याची विनंती करत आहेत. हा चित्रपट सध्या बॉक्स ऑफिसवर देखील चांगलीच कमाई करताना दिसून येत आहे. पण आता ‘द केरळ स्टोरी’ हा चित्रपट वादात सापडला असून आता तामिळनाडू मल्टिप्लेक्स असोसिएशनने रविवारी चित्रपटाच्या प्रदर्शनावर बंदी घातली आहे. या चित्रपटाला विरोध आणि प्रदर्शनं होत असल्याचं कारण देत या चित्रपटावर बंदी घालण्यात आली आहे. या वृत्ताला दुजोरा देताना तामिळनाडू थिएटर्स अँड मल्टिप्लेक्स ओनर्स असोसिएशनचे अध्यक्ष एम सुब्रमण्यम म्हणाले की, काही मल्टिप्लेक्सने चित्रपटाच्या प्रदर्शनावर बंदी घालण्याचा निर्णय घेतला आहे. पीटीआयशी बोलताना त्यांनी सांगितले की, ‘हा चित्रपट भारताच्या काही मल्टिप्लेक्समध्ये, विशेषतः पीव्हीआरमध्ये दाखवला जात होता. चित्रपटात प्रसिद्ध स्टार नसल्याने हा चित्रपट प्रदर्शित न करण्याचा निर्णय स्थानिक मल्टिप्लेक्सने आधीच घेतला होता. कोइम्बतूरमध्ये आतापर्यंत फक्त दोनच शो झाले आहेत - एक शुक्रवारी आणि दुसरा शनिवारी. पण या शोलाही प्रेक्षकांचा प्रतिसाद मिळाला नाही. हे पाहूनच चित्रपटगृहाच्या मालकांनी हा चित्रपटावर बंदी घालण्याचा निर्णय घेतला आहे.
तामिळनाडू राज्यात ‘द केरळ स्टोरी’चे प्रदर्शन थांबवण्याच्या मागणीसाठी तमिलार कच्ची (NTK) ने केलेल्या विरोधानंतर 7 मे पासून चित्रपटाचे प्रदर्शन थांबवण्याचा निर्णय घेण्यात आला आहे. आंदोलकांनी तेथील लोकांना चित्रपट न पाहण्याचा आणि थिएटर मालकांना तो प्रदर्शित न करण्याचा इशाराही दिला असल्याचे वृत्त आहे. Kedar Shinde: महाराष्ट्रात ‘द केरळ स्टोरी’ मोफत दाखवणाऱ्या नेत्यांवर केदार शिंदें नाराज; म्हणाले ‘दुर्दैव…’ ‘न्यूज मिनिट’मधील एका अहवालात म्हटले आहे की, राज्य सरकारला या चित्रपटावर बंदी घालण्याचीही इच्छा नाही आणि तो चालवायचा नाही. मल्टिप्लेक्सवाल्यांनी आपल्या निर्णयामागे कायदा आणि सुव्यवस्थेचे कारण दिले असल्याचे बोलले जात आहे. रिपोर्टनुसार, मदुराईमधील एका थिएटर व्यवस्थापकाने आरोप केला आहे की पोलिसांनी चित्रपट प्रदर्शित न करण्याचा सल्ला दिला होता आणि सतर्क राहण्यास सांगितले होते. ‘द केरळ स्टोरी’ हा चित्रपट 5 मे रोजी देशभरातील अनेक चित्रपटगृहांमध्ये प्रदर्शित झाला आहे. अनेक प्रेक्षक या चित्रपटाचे कौतुक करताना थकत नसताना अनेकजण या चित्रपटाला प्रचारात्मक चित्रपट म्हणत आहेत. तथापि, निर्मात्यांचा दावा आहे की त्यांचा चित्रपट सत्य घटनांवर आधारित आहे. ‘द केरळ स्टोरी’ या चित्रपटात दावा करण्यात आला आहे की केरळमधील 32,000 हिंदू आणि ख्रिश्चन मुलींना इस्लाम स्वीकारल्यानंतर ISIS मध्ये सामील होण्यासाठी जबरदस्तीने सीरियात पाठवण्यात आले होते. या मुद्द्यावरून देशभरात वाद सुरू आहे.
+6
फोटो
