Sushant Singh Rajput Suicide : एकुलत्या एक मुलाच्या जाण्याने पूर्णपणे कोलमडून गेलेत सुशांतचे वडील

मुंबई, 25 जून : बॉलिवूड अभिनेता सुशांत सिंह राजपूत (Sushant Singh Rajput) च्या जाण्याचा धक्का अजूनही त्याचा मित्रपरिवार, कुटुंबीय, सहकलाकार आणि चाहते सहन करू शकले नाही आहेत. वयाच्या अवघ्या 34व्या वर्षी सुशांतने जगाचा निरोप घेतला. दरम्यान अनेकजण त्याला सोशल मीडियाच्या माध्यमातून श्रद्धांजली वाहत आहेत. तसच यानंतर बॉलिवूडमधील नेपोटिझमवर देखील बोलण्यास अनेकांनी सुरुवात केली आहे. सुशांतचे काही जुने फोटो, व्हिडीओ सोशल मीडियावर व्हायरल होत असल्याने, वारंवार त्याच्या जाण्याचे दु:ख उभारून येत आहे. चाहत्यांना सुशांतबद्दल खूप आपुलकी वाटते आहे, तर विचार करा ज्या वडिलांनी आपला एकुलता एक मुलगा गमावला आहे, त्यांची अवस्था काय असेल?

(हे वाचा-बॉलिवूडपासून दूर राहून या स्टार किड्सनी बनवली स्वतःची वेगळी ओळख! पाहा PHOTOS)

सुशांत सिंह राजपूच्या जाण्याने त्याचे वडील केके सिंह (KK Singh) पूर्णपणे कोलमडून गेले आहेत. सोशल मीडियावर नुकताच त्यांचा एक  फोटो व्हायरल होत आहे. हार घातलेल्या सुशांतच्या फोटोसमोर ते उद्विग्न अवस्थेत बसले आहेत.

View this post on Instagram

Father pays homage OM Shanti #SushantSinghRajput prayer meet at his house in #patna #ripsushantsinghrajput #instalove ##movies 🙏❤️

A post shared by Manav Manglani (@manav.manglani) on Jun 24, 2020 at 11:11am PDT

प्रसिद्ध फोटोग्राफर मानव मंगलानीने हा फोटो इन्स्टाग्रामवर शेअर केला आहे. सुशांतच्या फोटोला घातलेला हार पाहून अनेकाच्या डोळ्यात पाणी तरळले आहे. आपले दु:ख व्यक्त करण्यासाठी आणि केके सिंह यांना सहारा देण्याऱ्या अनेक कमेंट्स लोकं या फोटोवर करत आहेत. सुशांत हा त्याच्या 4 बहिणींमध्ये एकटा भाऊ होता.

(हे वाचा-सुशांत आत्महत्या प्रकरण : गळा दाबल्याची जखम नाही, 5 डॉक्टरांच्या टीमचा खुलासा)

सुशांतच्या जाण्याने त्याच्या चाहतेवर्गामध्ये प्रचंड नाराजी आणि रागाची भावना निर्माण झाली आहे. झारखंड, पटना, मुंबई तसच देशातील काही ठिकाणाहून बॉलिवूडबाबत राग व्यक्त केला जात आहे. नुकताच सुशांत सिंह राजपूतचा पोस्टमार्टम रिपोर्ट समोर आला आहे, ज्यामध्ये पुन्हा एकदा सांगण्यात आले आहे की, गळफास लावल्यामुळे श्वास कोंडून सुशांतचा मृत्यू झाला. याप्रकरणात वांद्रे पोलीस आता विसरा अहवालाची वाट पाहत आहे. या प्रकरणाच्या मुळाशी जाण्यासाठी पोलिसांनी आतापर्यंत 23 जणांचा जबाब नोंदवला आहे.