सुशांत सिंह राजपूत आत्महत्या प्रकरण! 'त्या' पार्ट्यावरून भाजप नेत्यानं केलं मोठं वक्तव्य

सुशांत सिंह राजपूत आत्महत्या प्रकरण! 'त्या' पार्ट्यावरून भाजप नेत्यानं केलं मोठं वक्तव्य

सामान्य माणूस आपल्या आईच्या अंत्यसंस्कारालाही पोहचू शकत नव्हता. तेव्हा अशा पार्ट्या कोणाच्या आशीर्वादाने सुरु होत्या?

  • Share this:

मुंबई, 2 ऑगस्ट: बॉलिवूड अभिनेता सुशांत सिंह राजपूत (Sushant Singh Rajput) आत्महत्या प्रकरणानं आता वेगळं वळण घेतलं आहे. आता या प्रकरणात राजकीय नेत्यांनी उडी घेतली आहे. सुशांतच्या बॉडीगार्डनं रिया चक्रवर्तीबाबत एक धक्कादायक खुलासा केल्यानं खळबळ उडली आहे.

'सुशांत सर बेशुद्ध अवस्थेमध्ये खाली असणाऱ्या खोलीमध्ये असायचे तेव्हा वरच्या मजल्यावरील खोलीत पार्टी सुरू असायची. या बड्या पार्टींचं आयोजन रिया मॅम करायच्या ज्यामध्ये त्यांची आई, भाऊ आणि मित्र येत असत', असा गौप्यस्फोट सुशांतच्या बॉडीगार्डनं केला आहे.

हेही वाचा...नाशकात खळबळ! कोविड हॉस्पिटल शिवसेनेच्या पुढाकारानं मात्र, उद्घाटन NCP नेत्याच्या हस्ते...

सुशांत आत्महत्येच्या पोलिस चौकशीबाबत भाजपचे नेते आणि आमदार आशिष शेलार यांनी मोठं वक्तव्य केलं आहे. ते म्हणजे, सुशांत सिंह राजपूतच्या प्रकरणात वारंवार सेलिब्रिटी पार्ट्यांचा उल्लेख होत आहे. लॉकडाऊनच्या काळात सामान्य माणूस आपल्या आईच्या अंत्यसंस्कारालाही पोहचू शकत नव्हता. तेव्हा अशा पार्ट्या कोणाच्या आशीर्वादाने सुरु होत्या? मंत्र्यांच्या? असा सवाल आमदार आशिष शेलार यांनी एक ट्वीट करून उपस्थित केला आहे.

आमदार आशिष शेलार म्हणाले की, सुशांत सिंह राजपूतच्या प्रकरणात वारंवार सेलिब्रिटी पार्ट्यांचा उल्लेख होत आहे. जेव्हा लॉकडाऊनमध्ये सामान्य माणूस आपल्या आईच्या अंत्यसंस्काराला ही पोहचू शकत नव्हता तेव्हा अशा पार्ट्या कोणाच्या आशीर्वादाने सुरु होत्या? मंत्र्यांच्या? अधिकाऱ्यांच्या? असा सवाल करत आशिष शेलार यांनी या प्रकरणाची सीबीआय चौकशी झाली पाहिजे, अशी मागणी केली आहे.

दरम्यान, सुशांत सिंह राजपूतच्या मृत्यू प्रकरणात दररोज नवनवीन खुलासे समोर येत आहेत. सुशांतच्या मृत्यूनंतर समोर आलेल्या पोस्टमार्टम रिपोर्टनंतर ही आत्महत्या असल्याचे मुंबई पोलिसांकडून सांगण्यात आले होते. मात्र, सुशांतचे वडील केके सिंह यांनी याप्रकरणी रिया चक्रवर्ती आणि तिच्या कुटुंबीयांविरोधात एफआयआर दाखल केली आहे. बिहार पोलीस मुंबईत चौकशी करत आहेत. ते एका वेगळ्या अँगलने याप्रकरणाचा तपास करत आहेत. अभिनेता सुशांत सिंह राजपूतच्या बॉडीगार्डने रिया चक्रवर्तीवर करण्यात आलेल्या सर्व आरोपांबाबत त्याची प्रतिक्रिया दिली आहे. त्याने काही धक्कादायक वक्तव्य याप्रकरणाबाबत केली आहेत.

सुशांतच्या बॉडीगार्डने एका खासगी टीव्ही चॅनेलला दिलेल्या मुलाखतीमध्ये या प्रकरणाबाबत भाष्य केले आहे. सुशांतच्या वडिलांनी याप्रकरणी जी पावलं उचलली आहेत, तर यामध्ये काहीतरी तथ्य असणार, असं तो म्हणाला. 'सुशांत सर बेशुद्ध अवस्थेमध्ये खाली असणाऱ्या खोलीमध्ये असायचे तेव्हा वरच्या मजल्यावरील खोलीत पार्टी सुरू असायची. या बड्या पार्टींचं आयोजन रिया मॅम करायच्या ज्यामध्ये त्यांची आई, भाऊ आणि मित्र येत असत', असा गौप्यस्फोट बॉडीगार्डनं केला आहे.

बॉडीगार्डच्या मते, या पार्ट्यांमध्ये कधी सुशांतचे वडील दिसायचे नाहीत. हे सर्व उगाचच केलेले खर्च होते, ज्यामध्ये सुशांत सहभागी नाही व्हायचा, अशी प्रतिक्रिया त्याने दिली आहे. त्याने अशी देखील माहिती दिली की रियाने सुशांतचा सर्व जुना स्टाफ बदलला होता, केवळ मीच शिल्लक राहिलो होतो जो त्यांच्याबरोबर होतो.

बॉडीगार्डने अशी माहिती दिली की, 2019 मध्ये सुशांत रियाला भेटला होता. त्यानंतर दोघे युरोप ट्रीपवर देखील गेले होते. तिथून परतल्यानंतर सुशांत सारखा आजारी पडत होता. त्याआधी सुशांत खूप सक्रीय होता. जिम, स्विमिंग, डान्स हे सर्व तो करायचा. मात्र, त्यानंतर तो अधिकतर बेडवरच राहू लागला होता.

हेही वाचा...सुशांतच्या EX-मॅनेजरच्या घरी पोहोचले बिहार पोलीस,अभिनेत्याआधी संपवलं होत जीवन

सुशांतच्या औषधांबाबत बोलताना हा बॉडीगार्ड म्हणाला, 'औषधांबाबत मला जास्त माहिती नाही. मात्र जेव्हा कधी मी औषधे आणण्याासाठी मेडिकलमध्ये जात असे, तेव्हा मला विचारण्यात येत असे की औषधे कुणासाठी आहेत? कुणी मागवली आहेत? या प्रश्नांवरून वाटायचे की काहीतरी भयंकर औषधे आहेत, ज्यामुळेच साहेब नेहमी झोपून असतात.'  सुशांतच्या बॉडीगार्डनं दिलेल्या माहितीवरून रियाच्या अडचणीत वाढ होण्याची शक्यता नाकारता येत नाही.

Published by: Sandip Parolekar
First published: August 2, 2020, 3:04 PM IST

ताज्या बातम्या

corona virus btn
corona virus btn
Loading