)
मुंबई, 25 जून : बॉलिवूड अभिनेता सुशांत सिंह राजपूत (Sushant Singh Rajput)च्या जाण्याने अनेकांना धक्का बसला आहे. 14 जून रोजी त्याने त्याच्या मुंबईतील घरी गळफास लावून आत्महत्या केली. ही घटना सर्वांसाठीच धक्कादायक होती. सुशांत इतक्या टोकाचा निर्णय घेईल असे कुणालाच वाटले नव्हते. नैराश्यातून त्याने हे पाऊल उचलल्याचे बोलले जाते. आपल्या आवडत्या कलाकारने वयाच्या 34व्या वर्षी एक्झिट घेतल्याने चाहतेवर्ग दु:खी झाला आहे. दरम्यान अनेकजण त्याला सोशल मीडियाच्या माध्यमातून श्रद्धांजली वाहत आहेत. या दरम्यान त्याचे अनेक व्हिडीओ सोशल मीडियावर शेअर केले जात आहेत. सुशांतच्या जुन्या मुलाखतीमधील एक व्हिडीओ देखील व्हायरल होत आहे. त्याच्या फॅनपेजने हा व्हिडीओ अपलोड केला आहे. एका एंटरटेनमेंट पोर्टलबरोबरच्या मुलाखतीमधील हा व्हिडीओ आहे. यावेळी सुशांतला विचारण्यात आले की, त्याला कशाची भीती वाटते. सुरुवातीला सुशांतने असे उत्तर दिले की त्याला कशाचीही भीती वाटत नाही पण नंतर त्याने उत्तर बदलून ‘मृत्यू’ असे दिले. (हे वाचा- एकुलत्या एक मुलाच्या जाण्याने पूर्णपणे कोलमडून गेलेत सुशांतचे वडील )
सुशांत सिंह राजपूत हा चेहरा ‘पवित्र रिश्ता’ (Pavitra Rishta) या बालाजी टेलिफिल्म्सच्या मालिकेच्या माध्यमातून घराघरात पोहोचला. यामध्ये त्याने मानव ही मुख्य भूमिका निभावली होती. त्याआधी 2008 मध्ये त्याने बालाजीची ‘किस देश मे रहता है मेरा दिल’ या मालिकेतून अभिनयाची सुरूवात केली होती. कालांतराने लोकप्रियता मिळवल्यानंतर सुशांतने ‘काय पो चे’च्या माध्यमातून बॉलिवूडमध्ये पदार्पण केले. यानंतर मागे वळून न बघणाऱ्या सुशांतने अनेक दर्जेदार चित्रपट केले. सुशांतने ‘काय पो चे’, ‘शुद्ध देसी रोमान्स’, ‘एम. एस. धोनी- द अनटोल्ड स्टोरी’, ‘पीके’, ‘राबता’, ‘केदारनाथ’, ‘सोनचिडिया’ या चित्रपटात काम केले आहे. त्याने साकारलेला धोनी सर्वांच्या स्मरणात राहील. (हे वाचा- आत्महत्येपूर्वी सुशांत खेळत होता प्लेस्टेशनवर गेम? व्हायरल VIDEO मुळे खळबळ ) सुशांत सिंह राजपूतच्या आत्महत्येचा (Sushant Singh Rajput Suicide) तपास मुंबई पोलिसांच्या हाती आहे. मुंबई पोलीस हरतऱ्हेने हा प्रकरणाचा तपास करत आहेत. या प्रकरणातील प्रत्येक धागेदोरे शोधण्यात येत आहेत. दरम्यान नुकत्याच हाती आलेल्या पोस्टमार्टम रिपोर्टमध्ये त्याचा मृत्यू गळफास घेतल्याने श्वास कोंडून झाल्याने नमूद करण्यात आले आहे.
+6
फोटो
