'काळी' म्हणून ट्रोल करणाऱ्यांना सुहाना खानचे चोख उत्तर, 'मी ब्राऊन आहे आणि त्यातच मला आनंद आहे'

मुंबई, 30 सप्टेंबर : किंग खान शाहरूख (Shahrukh Khan) आणि गौरी खान (Gauri Khan) यांची मुलगी सुहाना खान (Suhana Khan) सोशल मीडियावर सक्रीय आहे. ती विविध पोस्ट शेअर करत असते, मात्र तिला अनेकदा द्वेषपूर्ण कमेंट्समुळे ट्रोल केले जाते. दरम्यान या साऱ्याला कंटाळून सुहानाने एक पोस्ट केली आहे. यामध्ये तिने ट्रोलर्सना चोख शब्दात उत्तर दिले आहे. यामध्ये तिच्या फोटोंवर आलेल्या कमेंट्सचे स्क्रीनशॉट तिने शेअर केले आहेत. रंगभेद संपवण्याचे आवाहन तिने या पोस्टमधून केले आहे. तिच्या पोस्टमधून तिने हा सर्व प्रकार थांबवला जावा याबाबत आवाहन केले आहे.

तिने या पोस्टमध्ये असे म्हटले आहे की, 'सध्या खूप काही सुरु आहे आणि हा इश्यू लवकरच  आपल्याला ठीक करायला हवा. हे केवळ माझ्याविषयी नाही आहे, तर ज्या तरुण मुलामुलींनी त्यांचे आयुष्य दडपणाखाली घालवले त्यांच्याविषयी आहे. या माझ्याविषयी करण्यात आलेल्या काही कमेंट्स आहेत. मी 12 वर्षांची असल्यापासून माझ्या रंगामुळे मला कुरुप बोलण्यात आले, तेही प्रौढ स्त्री आणि पुरुषांकडून.'

(हे वाचा-सुशांतच्या अंत्यसंस्काराचा VIDEO पाहून भडकली अंकिता लोखंडे, म्हणाली...)

तिने तिच्या या पोस्टमध्ये #endcolourism असा हॅशटॅग वापरून असे म्हटले आहे की, 'या सर्व प्रौढ व्यक्ती आहेत याशिवाय वाईट हे आहे की ते सर्व भारतीय आहेत, म्हणजेच आम्ही सर्व 'Brown' आहोत- हो आमच्यामध्ये वेगवेगळ्या छटा आहेत पण तुम्ही कितीही प्रयत्न केला तरीही या Melanin पासून तुम्ही स्वत:ला वेगळे करू शकत नाही. स्वत:च्या माणसांचा द्वेष करणे याचा अर्थ एवढाच होतो की तुम्ही किती वेदनादायकरित्या असुरक्षित आहात'

(हे वाचा-नोरा फतेहीला 'चुकीच्या' ठिकाणी स्पर्श केल्याच्या आरोपाबाबत टेरेन्सचं स्पष्टीकरण)

सुहानाने ती स्वत: जशी आहे त्याबाबत ती आनंदी असल्याचे म्हटले आहे. तिने म्हटले आहे की, 'मला माफ करा जर सोशल मीडिया, इंडियन मॅचमेकिंग किंवा तुमच्या स्वत:च्या कुटुंबाने तुम्हाला असे पटवून दिले असेल की जर तुमची उंची 5'7 नाही किंवा तुम्ही गोरे नाहीत तर तुम्ही सुंदर नाही आहात. मी 5'3 आणि ब्राऊन आहे आणि मी याबाबत अत्यंत आनंदी आहे आणि तुम्हाला देखील हे माहित असणे गरजेचे आहे.

View this post on Instagram

There's a lot going on right now and this is one of the issues we need to fix!! this isn't just about me, it's about every young girl/boy who has grown up feeling inferior for absolutely no reason. Here are just a few of the comments made about my appearance. I've been told I'm ugly because of my skin tone, by full grown men and women, since I was 12 years old. Other than the fact that these are actual adults, what's sad is that we are all indian, which automatically makes us brown - yes we come in different shades but no matter how much you try to distance yourself from the melanin, you just can't. Hating on your own people just means that you are painfully insecure. I'm sorry if social media, Indian matchmaking or even your own families have convinced you, that if you're not 5"7 and fair you're not beautiful. I hope it helps to know that I'm 5"3 and brown and I am extremely happy about it and you should be too. #endcolourism

A post shared by Suhana Khan (@suhanakhan2) on Sep 29, 2020 at 9:10am PDT

शाहरुखप्रमाणे सुहानाला देखील अभिनय क्षेत्रात तिचा ठसा उमटवायचा आहे. सध्या ती अभिनयाचे धडे गिरवत आहे. तिने इंग्लंडच्या Ardingly College मध्ये फिल्स स्टडी पूर्ण केले आहे. तर सध्या न्यू यॉर्क युनिव्हर्सिटीमध्ये ती शिक्षण घेत आहे.