'लुडोला दिली ओसरी...' सुबोध भावेनं शेअर केलेल्या फोटोची काय आहे भानगड!
सध्या लॉकडाऊनच्या काळात अनेकजण टाइमपास म्हणून लुडो खेळताना दिसत आहेत. अशात सुबोधनं शेअर केलेला हा फोटो चर्चेचा विषय ठरला आहे.
- News18 Lokmat
- Last Updated :
मुंबई, 4 मे : मराठी अभिनेता सुबोध भावे सोशल मीडियावर बराच सक्रिय आहे. सध्या देशभरात सुरू असलेल्या लॉकडाऊनमुळे सुबोध सुद्धा त्याच्या फॅमिली सोबत टाईम स्पेन्ड करत आहे. तो नेहमीच त्याच्या सोशल मीडियावर लॉकडाऊनमधले मुलांसोबतचे फोटो शेअर करत असतो. सुबोधनं नुकताच एक फोटो त्याच्या सोशल मीडियावर शेअर केला आहे ज्याच्या अतरंगी कॅप्शननं सर्वांचं लक्ष वेधून घेतलं आहे.
सुबोध सध्या लॉकडाऊनचा पूर्ण काळ त्याच्या फॅमिलीला देत आहे. त्याच्या मुलांसोबत वेगवेगळे खेळत आहे. त्यांच्याशी गप्पा मारत आहे. त्यांना नव्या गोष्टी शिकवत आहे. पण त्यानं नुकताच त्याच्या इन्स्टाग्रामवर एक फोटो शेअर केला आहे आणि त्याला कॅप्शन दिलं, 'लुडोला दिली ओसरी लुडो हातपाय पसरी.'
'माझ्या गर्लफ्रेंडशी फ्लर्ट केलंस तर..' अनुष्काच्या फॅनला अभिनेत्यानं दिली धमकी
सुबोधनं यासोबत शेअर केलेल्या फोटोमध्ये त्याचा मुलगा मल्हार आणि कान्हा जमिनीवर झोपून लुडो खेळताना दिसत आहे आणि हा लुडो साधा लुडो नाही. तर भावे फॅमिलीनं संपूर्ण चादरीवरच लुडो बोर्ड बनवला आहे. सुबोधनं शेअर केलेल्या या फोटोवर अनेक मराठी स्टर्सच्या कमेंट पाहायला मिळत आहे. अनेकांनी यावर विनोदी कमेंट केल्या आहेत. सध्या लॉकडाऊनच्या काळात अनेकजण टाइमपास म्हणून लुडो खेळताना दिसत आहे. एवढंच नाही तर यावर अनेक मीम्स सुद्धा तयार करण्यात आले होते. ज्यात लुडोला जागतिक खेळाचा दर्जा द्यावा असं विनोदानं म्हणण्यात आलं होतं. त्यात आता सुबोधनं असा फोटो शेअर करत अधिकच रंगत आणली आहे. (संपादन- मेघा जेठे.) श्रेयस तळपदेला नक्की काय झालंय? एका डोळ्याला पट्टी पाहून चाहते चिंतेत हृतिक रोशन कापणार होता हाताचं सहावं बोट, ऑपरेशनची तयारी सुद्धा झाली, पण...View this post on Instagram
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Subodh bhave