)
मुंबई, 05 जानेवारी: बॉलीवूड अभिनेता सोनू सूदने लॉकडाऊन दरम्यान लोकांना मदत करून खूप लोकप्रियता मिळवली. लोकांच्या नजरेत तो देवापेक्षा कमी नव्हता. तो ट्विटवर लोकांना मदत करत असे. आज तो करत नाही असे नाही. आजही ते जनतेच्या सेवेत एका पायावर उभे आहेत. याबद्दल त्यांचे खूप कौतुकही होत आहे. पण आता त्याच्या व्हायरल होत असलेल्या व्हिडिओमुळे त्याच्यावर टीका होत आहे. गेल्या काही महिन्यांपासून तो अनेकदा लोकल ट्रेन किंवा एक्सप्रेसनं प्रवास करताना दिसतोय. या प्रवासातील फोटो, व्हिडिओही तो सोशल मीडियावर पोस्ट करत असतो. आता असाच एक व्हिडीओ पोस्ट करणं त्याला महाग पडलं आहे. खरं तर, डिसेंबर 2022 मध्ये सोनू सूदने ट्विटरवर एक क्लिप पोस्ट केली होती ज्यामध्ये तो चालत्या ट्रेनच्या दारात बसलेला दिसत आहे. ट्रेन पुढे जात असताना, सोनूने त्याच्या शेजारी हँडल धरले आणि चालत्या ट्रेनमध्ये हवेचा आनंद घेताना दिसतो. पण त्याचं हे वागणं अनेकांना खटकलं होतं. त्याने हा व्हिडीओ पोस्ट करताच नेटकऱ्यांनी त्याला फटकारलं होतं. पण आता रेल्वे प्रशासनानं देखील सोनू सूदच्या या व्हिडिओवर प्रतिक्रिया दिली आहे. हेही वाचा - Amruta Fadanvis: ‘अज मैं मूड…‘अमृता फडणवीसांच्या नवीन गाण्याचा टिझर पाहून नेटकरी सैराट; व्हिडीओ तुफान व्हायरल रेल्वे प्रशासनानं त्यांनी सोनू सूदचा हा व्हिडिओ रिट्विट करत लिहिलं आहे की, ‘प्रिय सोनू सूद, देशातील नव्हे तर, जगातील लाखो लोकांसाठी तुम्ही आदर्श आहात.ट्रेनच्या पायदानावर बसून प्रवास करणं घातक आहे. हा व्हिडिओ पाहून तुमच्या चाहत्यांमध्ये चुकीचा संदेश जातोय. कृपया असं करू नका. सहज आणि सुरक्षित प्रवासाचा आनंद घ्या.’ असं रेल्वे प्रशासनानं म्हटलं आहे.
प्रिय, @SonuSood
— Northern Railway (@RailwayNorthern) January 4, 2023
देश और दुनिया के लाखों लोगों के लिए आप एक आदर्श हैं। ट्रेन के पायदान पर बैठकर यात्रा करना खतरनाक है, इस प्रकार की वीडियो से आपके प्रशंसकों को गलत संदेश जा सकता है।
कृपया ऐसा न करें! सुगम एवं सुरक्षित यात्रा का आनंद उठाएं। https://t.co/lSMGdyJcMO
एका युजरने लिहिले सोनू सूदला ट्रोल करत लिहिलंय कि, ‘देशभरातील अनेक लोकांसाठी आदर्श असल्याने तुम्ही असे व्हिडिओ पोस्ट करू नये किंवा प्रोत्साहन देऊ नये! तुमच्या चाहत्यांनी अशा प्रकारे चालत्या ट्रेनच्या दारात बसून व्हिडिओ बनवायला सुरुवात केली तर त्यामुळे त्यांचा जीव धोक्यात येईल.’ तर दुसऱ्याने ‘सोनू सूद तुम्ही जे करताय ते धोकादायक आहे.’ अशा प्रतिक्रिया त्याच्या या व्हिडिओवर नेटकऱ्यांनी दिल्या आहेत.
हे ट्विट समोर येताच सोनू सूदने माफी मागितली आहे. सोनूने ट्विट करून लिहिले की, ‘माफी मागतो, मी तिथे बसून बघत होतो, त्या लाखो गरीब लोकांना कसे वाटत असेल ज्यांचे आयुष्य अजूनही ट्रेनच्या दरवाज्यातून जात आहे. या संदेशाबद्दल आणि देशाची रेल्वे व्यवस्था सुधारल्याबद्दल धन्यवाद’.
+6
फोटो
