Dabangg 3 : सलमान खानसोबत सई मांजरेकरचा फर्स्ट लुक आला समोर, Photo Viral

मुंबई, 22 सप्टेंबर : बॉलवूड अभिनेता सलमान खान सध्या त्याचा आगामी सिनेमा दबंग 3च्या शूटिंगमध्ये बीझी आहे. हा सिनेमा यावर्षी 20 डिसेंबरला रिलीज होत आहे. सलमान खान पुन्हा एकदा चुलबुल पांडेच्या धमाकेदार अवतारात दिसणार आहे. या सिनेमातील खास गोष्ट अशी की, मराठी सिने दिग्दर्शक महेश मांजरेकर यांची मुलगी सई मांजरेकर या सिनेमातून बॉलिवूड पदार्पण करत आहे. नुकत्याच पार पडलेल्या IIFA अवॉर्ड सोहळ्यात सईनं सलमानसोबत एंट्री घेतली होती. त्यानंतर आता सलमाननं तिच्यासोबतचा एक फोटो सोशल मीडियावर शेअर केला आहे.

सलमाननं त्याच्या इन्स्टाग्राम अकाउंटवर सई सोबतचा एक फोटो शेअर केला आहे. या फोटोला त्यानं, 'दबंग 3 च्या लोकेशनवर' असं कॅप्शन दिलं आहे. या फोटोमध्ये सलमान आणि सई एका नदीच्या किनाऱ्यवर उभे असलेले दिसत आहेत. सई पीच कलरच्या पंजाबी सूटमध्ये तर सलमान ग्रे कलरच्या शर्टमध्ये दिसत असून सध्या हा फोटो सोशल मीडियावर खूप व्हायरल होत आहे. मागच्या बऱ्याच काळापासून सईच्या फर्स्ट लुकची प्रेक्षकांना उत्सुकता होती. तो अखेर समोर आला आहे.

VIDEO : सलमान खान अजूनही कतरिनावर फिदा, भर कार्यक्रमात तिचं नाव ऐकलं आणि...

 

View this post on Instagram

 

On location #dabangg3 . . . @saieemmanjrekar

A post shared by Salman Khan (@beingsalmankhan) on Sep 21, 2019 at 6:04am PDT

नुकत्याच समोर आलेल्या काही रिपोर्टनुसार सलमाननं स्वतः दबंग 3 साठी काही संवाद लिहिले आहेत. तसेच त्याच्या सांगण्यावरून सिनेमाच्या काही डायलॉग्समध्येही बदल करण्यात आले आहेत. सलमान नेहमीच सेटवर इनपुट्स देत असतो. ज्याचा सिनेमाच्या स्क्रिप्टमध्ये समावेश केला जातो. याशिवाय या सिनेमात तो हाय ऑक्टेन अ‍ॅक्शन सीनच्या कोरिओग्राफीमध्येही महत्त्वाची भूमिका पार पाडत आहे.

Oscar Award : 'अपना टाइम आ गया', भारतातून 'Gully Boy' मिळालं तिकीट

 

View this post on Instagram

 

Aa Rahe Hain! Chulbul Robinhood Pandey. Theek 100 din baad. Swagat Toh Karo Humara! #100DaystoDabangg3 @arbaazkhanofficial @aslisona @saieemmanjrekar @prabhudheva @kichchasudeepa @nikhildwivedi25 @skfilmsofficial @saffron_bm @kjr_studios #AdityaChowksey @sureshproductions #GlobalCinemasLLP

A post shared by Salman Khan (@beingsalmankhan) on Sep 10, 2019 at 10:30pm PDT

काही दिवसांपूर्वीच या सिनेमाचं मोशन पोस्टर रिलीज झालं. त्यानंतर चाहत्यांना या सिनेमाच्या ट्रेलरची उत्सुकता लागून राहिली आहे. हा सिनेमा हिंदी सोबतच तमिळ, तेलुगू आणि कन्नड या भाषांमध्ये रिलीज होणार आहे. विशेष म्हणजे सलमान स्वतःच या तिन्ही भाषांमध्ये हा सिनेमा डब करणार आहे. या सिनमाचं दिग्दर्शन साउथ स्टार प्रभूदेवा करत आहे. 'दबंग 3' व्यतिरिक्त सलमानकडे 'किक 2' , 'टायगर जिंदा है सिक्वेल', 'नो एंट्री मे एंट्री' आणि 'शेरखान' हे सिनेमा आहेत.

रामायणाच्या प्रश्नावरून ट्रोल झाली सोनाक्षी, आता म्हणते...

=================================================================

VIDEO: 'लफडी केली तर सहन करा'; राष्ट्रवादी सोडून गेलेल्या नेत्यांची पवारांनी घेतली फिरकी