सलमान खाननं एक्स गर्लफ्रेंडसोबत केलं New Year सेलिब्रेशन, PHOTO VIRAL
संबंधित बातम्या
मुंबई, 02 जानेवारी : बॉलिवूडचा दबंग सलमान खान एक असा अभिनेता आहे. ज्याच्या सिनेमांसोबतच त्याचं खासगी जीवनही चर्चेत राहिलं. जेवढा सलमानचा राग सर्वांना परिचित आहे तेवढंच त्याचं नाती जपणंही सर्वांना माहित आहे. त्यामुळे नातं तुटल्यावरही सलमानची त्याच्या एक्स गर्लफ्रेंडसोबत चांगली मैत्री आहे. यावर्षी न्यू ईयरला असंच काहीसं चित्र दिसलं. सलमानची एक्स गर्लफ्रेंड संगीता बिजलानी खान फॅमिलीसोबत नव्या वर्षांचं सेलिब्रेशन करताना दिसली. सलमानच्या न्यू ईयर पार्टीचे काही फोटो सोशल मीडियावर व्हायरल झाले त्यात संगीता बिजलानी सुद्धा खान फॅमिलीसोबत एन्जॉय करताना दिसत आहे.
यंदा सलमाननं न्यू ईयरची पार्टी त्याच्या पनवेलच्या फार्म हाऊसवर दिली. खरंतर सलमान दरवर्षी त्याच्या वाढदिवसाची पार्टी या ठिकाणी देतो मात्र यंदा अर्पिताच्या डिलिव्हरीमुळे सलमाननं ग्रँड पार्टीचा प्लान रद्द करत सोहेल खानच्या घरीच एक छोटीशी पार्टी दिली. त्यामुळे त्यानं यंदा न्यू ईयरची पार्टी सलमाननं त्याच्या पनवेलच्या फार्म हाऊसवर दिली.
...आणि अवॉर्ड फंक्शनमध्ये सर्वांसमोर दीपिकानं रणवीरला भरला दम, पाहा VIDEO
सलमानच्या या पार्टीमध्ये बॉलिवूडच्या अनेक कलाकारांनी हजेरी लावली. ज्यात सलमानच्या जवळच्या मित्रपरिवाराचा समावेश होता. या पार्टीत सलमानची एक्स गर्लफ्रेंड संगीता बिजलानी सुद्धा दिसली. सलमानच्या पनवेल फार्म हाऊसवरचे काही फोटो सोशल मीडियावर व्हायरल झाले ज्यात सलमान आणि संगीता दिसत आहेत. पार्टी एन्जॉय केल्यानंतर दुसऱ्या दिवशी ती तिच्या मैत्रिणींसोबत वॉकसाठी गेलेली दिसली. तिच्यासोबत डेझी शाह आणि साजिद नाडियाडवालाची पत्नी वर्धा नाडियाडवाला ही सुद्धा होती. अभिनेत्री नीना गुप्तांचा 'हा' सिनेमा Oscar च्या शर्यतीत, ट्विटरवर लिहिलं...
तर दुसरीकडे सलमान खान फार्म हाऊसच्या लॉनवर फिरत फोनवर बोलताना स्पॉट झाला. पण सलमानच्या पार्टीचे इनसाइड फोटो अद्याप समोर आलेले नाहीत. सध्या सलमान खान खूप खूश आहे. कारण एकीकडे त्याच्या दबंग 3नं चांगली कमाई केली आहे तर दुसरीकडे सलमानची बहीण अर्पिता खाननं त्याच्या वाढदिवशीच गोंडस मुलीला जन्म देत त्याला एक गोड भेट दिली. 27 डिसेंबरला अर्पितानं सी सेक्शन डिलिव्हरीच्या मदतीनं मुलीला जन्म दिला. काय आहे हृतिक रोशनच्या फिटनेसचं रहस्य, जाणून घ्या त्याचा Diet Plan
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Bollywood, Salman khan