)
मुंबई, 22 ऑगस्ट : सध्या बॉलिवूडच्या चित्रपटांना कोणाची तरी दृष्ट लागली आहे, असे म्हणावे लागेल. कारण मोठमोठ्या कलाकारांचे चित्रपट बॉक्स ऑफिसवर प्रेक्षकांना आकर्षित करण्यात सपशेल अपयशी ठरले आहेत. या चित्रपटांमध्ये सगळ्यात जास्त चर्चा झाली ती आमिर खानच्या ‘लाल सिंग चड्ढा’ चड्ढा’ या चित्रपटाची. हा चित्रपट बॉक्स ऑफिसवर अपयशी झाला आहे. या चित्रपटातून आमिर खान तब्बल चार वर्षांनी पुन्हा एकदा मोठ्या पडद्यावर झळकणार होता. आमिर खानचा चित्रपट असल्याने तो बॉक्स ऑफिसवर तुफान कामगिरी करेल अश्या आशा चित्रपटाचे निर्माते, कलाकार आणि दिग्दर्शकांना होत्या. मात्र या चित्रपटाने सगळ्यांचीच निराशा झाली. बॉक्स ऑफिसवर हा चित्रपट चांगलाच अपयशी झाल्यानंतर चित्रपटाच्या निर्मात्यांना अजून एक धक्का बसला आहे. एकीकडे सोशल मीडियावर आणि चित्रपटगृहात ‘लाल सिंग चड्ढा’ या चित्रपटाला प्रेक्षकांनी बॉयकॉट केलेलं असताना या चित्रपटालाअजून एक धक्का बसला आहे. आता नेटफ्लिक्सनेही या चित्रपटाचे हक्क खरेदी करण्यास नकार दिला असल्याचं कळतंय. आमिरच्या या चित्रपटासोबतचा करार त्यांनी रद्द केल्याची माहिती समोर येत आहे. गेल्या काही वर्षांत ओटीटी प्लॅटफॉर्मवर अनेक चित्रपट प्रदर्शित झाले. आता चित्रपट निर्माते प्रथम त्यांचे चित्रपट थिएटरमध्ये प्रदर्शित करतात आणि काही काळानंतर ते ओटीटीवर प्रदर्शित केले जातात. आमिर खानच्या ‘लाल सिंह चड्ढा’ चित्रपटाचे निर्मातेही असंच काही करण्याचा प्रयत्न करत होते, पण नेटफ्लिक्सने हा करार रद्द केला आहे. हेही वाचा - Pankaja Munde : ‘जिथे महिलांचा सन्मान होणार, तिथे मी येणार’; सभेतल्या भाषण बाजीनंतर पंकजा मुंडे झळकणार नवीन भूमिकेत नेटफ्लिक्सने आमिर खानसोबतचा करार रद्द का केला याच कारण आता समोर आलं आहे. आमिर खान आणि वायकॉमला ‘लाल सिंह चड्ढा’च्या डिजिटल अधिकारांसाठी सुमारे 200 कोटी रुपये हवे होते. यासोबतच आमिर खानने नेटफ्लिक्सकडे थिएटर आणि ओटीटी रिलीजमध्ये तीन महिन्यांचं अंतर ठेवण्याची मागणीही केली होती. मात्र बॉक्स ऑफिसवर या चित्रपटाने फारशी कामगिरी न केल्याने नेटफ्लिक्सला आता या चित्रपटात रस राहिलेला नाही आणि यामुळेच नेटफ्लिक्सने हा चित्रपट प्रदर्शित करण्यास नकार दिल्याचं कळत आहे.
एवढाच नाही तर ‘लाल सिंग चड्ढा’ हा चित्रपट नेटफ्लिक्सने प्रदर्शित करण्यास नकार दिल्यानंतर इतर OTT प्लॅटफॉर्मने सुद्धा हात वर केले आहेत. त्यांनीही हा चित्रपट प्रदर्शित करण्यास नकार दिला आहे अशी माहिती समोर येतेय. आमिर खानच्या चित्रपटाने आतापर्यंत 11 दिवसांत केवळ 55.89 कोटी रुपयांची कमाई केली आहे. चित्रपटाची बॉक्स ऑफिसवरील कमाई पाहता हा चित्रपट येत्या काही दिवसांत सर्वच चित्रपटगृहांतून गायब होईल असं दिसतंय. लाल सिंग चड्ढा हा ‘फॉरेस्ट गम्प’ या हॉलिवूड चित्रपटाचा हिंदी रिमेक आहे. यामध्ये आमिरसोबत करीना कपूर, मोना सिंग आणि नाग चैतन्य यांच्याही भूमिका आहेत.
+6
फोटो
