Home /News /entertainment /

Tiger Shroff Birthday: स्टार किड असूनही एकेकाळी जमिनीवर झोपायची आली वेळ, मेहनतीच्या जोरावर कमावलं नाव

Tiger Shroff Birthday: स्टार किड असूनही एकेकाळी जमिनीवर झोपायची आली वेळ, मेहनतीच्या जोरावर कमावलं नाव

Tiger shroff

Tiger shroff

Tiger Shroff Birthday: बॉलिवूडचा अ‍ॅक्शन आणि डान्सिंग सुपरस्टार टायगर श्रॉफ आज 31 वर्षांचा झाला आहे. स्टार किड असूनही, बालपणात पैशाअभावी टायगरला जमिनीवर झोपावे लागले होत.

मुंबई, 02 मार्च : बॉलिवूडमध्ये (Bollywood) आपलं वेगळं स्थान निर्माण करण्यासाठी अथक मेहनत घ्यावी लागते. तेव्हा कुठं यश मिळतं. आपल्या कष्टाच्या बळावर या इंडस्ट्रीत आपलं स्थान निर्माण करणाऱ्या अभिनेत्यांपैकी एक आहे टायगर श्रॉफ (Tiger Shroff). टायगर श्रॉफ हा एक काळ गाजवलेल्या सुपरस्टार जॅकी श्रॉफचा (Jackie Shroff) मुलगा असूनही त्याचा बॉलिवूडमधील प्रवेश सहज नव्हता. टायगर श्रॉफनं स्वतःच्या कौशल्यावर आजचं यश मिळवलं आहे. 2014 मध्ये साजिद नाडियावालाच्या हिरोपंती (Hiropanti) चित्रपटातून टायगरनं बॉलिवूडमध्ये पदार्पण केलं. त्याच्या लुकवरून त्याची चेष्टाही झाली; त्यानंतर त्यानं आपली बॉडी, लूकवर मेहनत घेत स्वतःला पूर्ण बदलून टाकलं. नृत्य आणि अॅक्शन यामधील त्याचं कौशल्य वादातीत आहे. त्यामुळं आज तो आघाडीचा हिरो बनला आहे. आज यशाचं हे शिखर बघणाऱ्या टायगरनं बालपणी मात्र वाईट परिस्थितीचाही सामना केला आहे.
वयाच्या केवळ अकराव्या वर्षी त्यानं आर्थिक अडचणीमुळे कुटुंबावर ओढवलेल्या परिस्थितीचा अनुभव घेतला आहे. बालपणातला हा अनुभव तो आजही विसरू शकत नाही. सुपरस्टार जॅकी श्रॉफ आणि आएशा श्रॉफ यांचा मुलगा असलेला टायगर जन्माला आला तो तोंडात चांदीचा चमचा घेऊन; पण नंतर मात्र काही काळासाठी ओढवलेल्या बिकट परिस्थितीचाही त्यानं सामना केला. जीक्यू मॅगझिनशी बोलताना त्यानं ही आठवण सांगितली. 2003 मध्ये त्याची आई आयशा श्रॉफ यांनी ‘बूम’ नावचा चित्रपटाची निर्मिती केली होती. कतरिना कैफ हिचा हा पहिला चित्रपट होता. मात्र हा चित्रपट प्रदर्शित होण्यापूर्वीच काळ्या बाजारात उपलब्ध झाला आणि बॉक्स ऑफिसवर तो साफ कोसळला. त्यामुळं झालेल्या प्रचंड आर्थिक नुकसानामुळं आयशा आणि जॅकी श्रॉफ यांना आपलं बांद्रयातील घर विकावं लागलं आणि खारला रहायला जावं लागलं. त्या वेळी टायगर केवळ 11 वर्षांचा होता. एकेक करून घरातलं सगळं फर्निचर, आईची पेंटिंग्ज, दिवे सगळं विकावं लागलं. एक दिवस टायगरचा बेडही विकावा लागला. जमिनीवर झोपावं लागलं. ज्या वस्तू बघत बघत तो मोठा झाला त्या सगळ्या आपल्या डोळ्यांसमोर विकल्या गेलेल्या त्यानं पाहिल्या. त्याच्यासाठी हा मोठा धक्का होता. टायगर श्रॉफ म्हणतो, हा माझ्या आयुष्यातील सर्वात वाईट काळ होता. मला खूप वाईट वाटत होतं. परिस्थिती सुधारण्यासाठी काम करण्याची माझी इच्छा होती, पण मला माहीत होतं की मी काही करू शकत नाही. बालपणीच असा अनुभव घेतलेल्या टायगरचे पाय म्हणूनच आजही जमिनीवर आहेत. (हे वाचा -  आता सैनिकाच्या भूमिकेत दिसणार कंगना रणौत; 'या' चित्रपटाची जोरदार चर्चा) श्रद्धा कपूरबरोबर टायगर श्रॉफनं केलेला बागी चित्रपट हिट झाला होता. त्यानंतर ए फ्लाईंग जट्ट, बागी-3, स्टुड्न्ट ऑफ द इयर -2 आणि वॉर या चित्रपटांत त्यानी काम केलं आहे. वॉरमध्ये टायगरनं अभिनेता हृतिक रोशनबरोबर काम केलं आहे. या चित्रपटानं बॉक्स ऑफिसवर जोरदार कमाई केली होती. आता तो 2014 मधील हॉलिवूड चित्रपट रॅम्बोच्या रिमेकमध्ये दिसणार आहे. तसंच तो हिरोपंतीचा सिक्वल ‘हिरोपंती 2’ मध्ये ही दिणार आहे.
Published by:news18 desk
First published:

Tags: Birthday celebration, Bollywood, Tiger Shroff

पुढील बातम्या