‘काळजी करु नका महाराज निभावून नेतील’; दुखापतग्रस्त अमोल कोल्हेंचं चाहत्यांना आवाहन

मुंबई 25 जून: ‘स्वराज्यजननी जिजामाता’ (Swarajya Janani Jijamata) ही छोट्या पडद्यावरील सध्याच्या सर्वाधिक लोकप्रिय मालिकांपैकी एक म्हणून चर्चेत आहे. छत्रपती शिवाजी महाराजांच्या आई जीजाबाई भोसले यांच्या आयुष्यावर आधारित ही मालिका आहे. या मालिकेत डॉ. अमोल कोल्हे (Amol Ramsing Kolhe) यांनी महाराजांची भूमिका साकारली आहे. ही भूमिका साकारत असताना त्यांना अनेकदा घोडेस्वारी करावी लागते. काही खतरनाक अॅक्शन सीन्स देखील करावे लागतात. सध्या शाहिस्तेखानाचा वध या हा ट्रॅक मालेकत सुरु आहे. महाराज कशा प्रकारे लाल किल्ल्यात घुसून मुघलांवर सर्जिकल स्ट्राईक करणार हे या मालिकेच्या येत्या भागांमध्ये दाखवलं जाणार आहे. मात्र हे भाग चित्रीत करत असताना अमोल कोल्हे यांना थोडी दुखापत झाली. परिणामी चाहते त्यांची चिंता करत आहेत. फोन आणि मेसेजद्वारे त्यांच्याबाबत काळजी व्यक्त करत आहेत. मात्र अमोल कोल्हे यांनी देखील “कुठलीही काळजी करु नका महाराज निभावून नेतील” असा संदेश आपल्या चाहत्यांना दिला आहे. अभिनेत्री पायल रोहतगीला पोलिसांनी ठोकल्या बेड्या; मुलांना द्यायची हातपाय तोडण्याची धमकी

View this post on Instagram

A post shared by Dr. Amol Kolhe (@amolrkolhe)

त्यांनी आपल्या चाहत्यांसाठी एक खास पोस्ट शेअर केली आहे. यामध्ये ते म्हणाले, “...परवाच्या पोस्ट आणि बातमीनंतर अनेकांचे काळजी आणि सदिच्छा व्यक्त करणारे फोन व मेसेज आले.. आपल्या सर्वांच्या सदिच्छा आणि महाराजांचे आशिर्वाद यामुळे मी सुखरूप आहे. कोणतीही गंभीर दुखापत नाही. Michael Jackson Death Anniversary: ‘किंग ऑफ पॉप’चं 3 हजार कोटींचं घर आतून दिसतं कसं? पण परवा केलेल्या पोस्टवर कोणीतरी फार सुंदर प्रतिक्रिया दिली- महाराज निभावून नेतील! आणि काल आराम करताना अनेक प्रसंगांची मालिकाच डोळ्यासमोर तरळून गेली.. आणि वाटलं हो महाराजांनी निभावून नेलं. आभासी प्रतिरूप साकारताना आपण हातचं राखून ठेवलं नाही की "ते" चैतन्य निभावून नेण्यात हातचं राखत नाही! काहींनी हा व्हिडिओ पाहण्याची इच्छा व्यक्त केली म्हणून शेअर करतोय. विशेषतः शूटिंग विषयी किरकोळीत आणि शेलक्या विशेषणांसह व्यक्त होणाऱ्यांनी आणि एखाद्याच्या शिवशंभू भक्तीविषयी शंका उपस्थित करणाऱ्यांनी तर आवर्जून पहावा! दिसतं आणि वाटतं तेवढं सगळं सोपं नसतं! अर्थात कोणाच्या म्हणण्याने आपल्याला काहीच फरक पडत नाही.. महाराजांचं काम "ते" प्रेरणा देत राहतील तोवर सुरूच राहील! जय शिवराय!!!”