सुपरहिट अन्नियनचा येतोय रिमेक; हा बॉलिवूड अभिनेता साकारणार मुख्य भूमिका

मुंबई, 14 एप्रिल : बॉलिवूड अभिनेता (Bollywood actor)  रणवीर सिंग (Ranveer singh) हा एका नव्या चित्रपटात दिसणार आहे. तर हा (south film) चित्रपट साउथच्या ‘अन्नियन’ (Anniyan)  या चित्रपटाचा हिंदी रिमेक (hindi remake) असणार आहे. गेले अनेक दिवस या चित्रपटाच्या हिंदी रिमेकची चर्चा होती. पण चित्रपटाविषयी नेमकी माहिती समोर येत नव्हती. पण आता अभिनेता रणवीर सिंग याच्या नावावर शिक्कामोर्तब झालं आहे. दिग्दर्शक शंकर (shankar) यांचा अन्नियन हा चित्रपट आहे. फोटो शेअर करत शंकर यांनी रणवीर वर स्तुतीसुमनं उधळली आहेत. ‘अन्नियन बनवण्यासाठी अशाच एका उत्तम अभिनेत्याची गरज होती. रणवीर एक उत्तम कलाकार आहे. त्याने सिद्ध केलं आहे की त्याच्या अभिनयाने तो कोणत्याही भूमिकेला अस्मरणिय बनवू शकतो. मी पॅन इंडीयाच्या प्रेक्षकांसाठी अन्नियन बनवण्यासाठी उत्सुक आहे. आणि मला खात्री आहे की ही दमदार गोष्ट सगळ्यांच्याटच हृदयापर्यत पोहोचेल’.

View this post on Instagram

A post shared by Ranveer Singh (@ranveersingh)

2005 साली आलेला साउथचा अन्नियन हा चित्रपट विशेष लोकप्रिय ठरला होता. तर हिंदी मध्ये ‘अपरिचित’ (Aparichit)  हा हिंदी डब चित्रपट देखिल दाखवण्यात आला होता. त्याला ही प्रेक्षकांनी चांगली दाद दिली होती. मल्टीपल पर्सनालिटी डिसॉर्डर असलेल्या व्यक्तीची ही कहानी असून एक सायकोलॉजिकल थ्रिलर (psychological thriller) हा चित्रपट आहे. त्यामुळे या चित्रपटात रणवीर ला पाहण्यासाठी चाहते फारच उत्सुक आहेत.

हुमा कुरेशीनं हॉलिवूडमध्ये केलं पदार्पण; Army of the Dead चा दमदार ट्रेलर प्रदर्शित

या चित्रपटाशी रणवीरचं नाव जोडलं गेल्यामुळे चित्रपटाबद्दलची प्रेक्षकांची उत्कंठा आणखी वाढली आहे. रणवीर चित्रपटात असणं म्हणजे चित्रपट हीट ठरणार हे जणू एक समीकरणच बनलं आहे. रामलीला, बाजीराव मस्तानी, पद्मावत, गली बॉय अशा चित्रपटांतून रणवीर ने आपली अभिनयाची जादू दाखवून दिली आहे. तेव्हा आता या नव्या नव्या चित्रपटात रणवीरला पाहणं ओत्सुक्याचं ठरेल.