उद्योगपतीनं केली दोन लग्नं, आता दोन्ही बायका एकत्र गायब, पोलीसही चक्रावले

विदिशा, 31 मार्च : ‘दोन बायका आणि फजिती ऐका’ ही म्हण आपण सर्वांनीच ऐकलेली असते. एकीकडं काही जणांचं एकदा लग्न जमणंही कठीण झालेलं असतं. तर, काही लोकांनी एकाहून अधिक लग्न केल्यानं त्यांची त्रेधातिरपीट उडालेली पहायला मिळतं. अशाच एका व्यावसायिकानं आपल्या दोन बायका (two wives of a businessman) असून त्या दोघीही एकत्रच हरवल्याची तक्रार पोलिसात दिली, तेव्हा पोलीसही चक्रावले. या व्यावसायिकाच्या एका बायकोचं वय 26 तर, दुसरीचं वय 23 आहे. या दोघी त्यांच्या माहेरच्या घरी जात असल्याचं सांगून एकत्र घरातून निघून गेल्या होत्या. त्या त्यांच्या मुलीलाही सोबत घेऊन निघून गेल्या होत्या. नवऱ्यानं बायकांविषयी चौकशी केली, तेव्हा कळलं की त्या त्यांच्या माहेरच्या घरातून पतीकडे निघाल्या होत्या. पण घरी पोहोचल्या नाहीत. त्यानंतर पतीनं याप्रकरणी पोलीस ठाण्यात तक्रार केली. पोलिसांकडून मिळालेल्या माहितीनुसार, पीडित पती विदिशा (मध्य प्रदेश) येथील दुर्गा नगर परिसरात इलेक्ट्रिकल वस्तूंचा घाऊक व्यापारी आहे. त्यांनी सिव्हिल लाइन्स पोलिस ठाण्यात दोन पत्नी बेपत्ता झाल्याची तक्रार दाखल केली आहे. हे वाचा - 15 वर्षीय भारतीय मुलानं युक्रेनियन निर्वासितांसाठी बनवलं अ‍प, जाणून घ्या याविषयी पहिल्या पत्नीचे मामा करोड गावात असल्याचं पती सांगतात. त्यांना एक मुलगीही आहे. मुलगी बऱ्याच दिवसांपासून आजीकडे जाण्यासाठी हट्ट करत होती. त्यानंतर पत्नीनं आपल्या माहेरच्या घरी जाण्याचा बेत आखला. दुसरी पत्नीही त्यांच्यासोबत निघून गेली. त्या तिघीही त्यांच्या माहेराहून सोबतच निघाल्या. मात्र, त्या विदिशाला पोहोचल्याच नाहीत. बायका माहेरून परतल्या, पण घरी पोहोचल्याच नाहीत व्यावसायिकाचं म्हणणं आहे की, त्याच्या दोघी पत्नी 27 मार्च रोजी संध्याकाळी पहिल्या पत्नीच्या माहेरी विदिशाला निघाल्या होते. त्यांच्यासोबत त्यांची मुलगीही होती. मात्र, त्या घरी परतल्या नाहीत. रात्री उशिरापर्यंत तिघीही जणी घरी न पोहोचल्यानं त्यांचा शोध सुरू झाला, मात्र त्यांचा कुठेही पत्ता लागला नाही. बायका कुठेच न मिळाल्याने या प्रकरणाची पोलिसांत नोंद करण्यात आली. नवऱ्याचं म्हणणं आहे की, दोघीही पत्नी आणि त्यांची मुलगी स्कूटीनं गेल्या होत्या. आता त्याचा फोनही बंद असल्याचं समजत आहे. हे वाचा - बदली झालेलं सामान परत मिळवण्यासाठी जुगाड; पठ्ठ्याने IndiGo ची वेबसाईटच केली हॅक पत्नी आणि मुली बेपत्ता झाल्यानंतर पतीनं याप्रकरणी पोलिसांत तक्रार केली. सध्या पोलिसांनी तिघांचाही शोध सुरू केला आहे. पण पोलिसांनी असा प्रश्न उपस्थित केलाय की, या माणसाला दोन बायका कशा असू शकतात? दोघी एकत्र कसे जाऊ शकतात? आता मुलीसह कुठे गायब झाल्या असतीत? सध्या पोलिसांनी या तिघींनाही शोधण्यावर फोकस केला आहे.

• Follow us on