लग्नाच्या रिसेप्शनसाठी तयार व्हायला गेलेले नवरी-नवरदेव; काही वेळाने मृतावस्थेत आढळले, कारण हादरवणारं

रायपूर 22 फेब्रुवारी : लग्न हा प्रत्येकाच्या आयुष्यातील एक अतिशय महत्त्वाचा भाग असतो. मात्र लग्नानंतर तीन दिवसातच एका व्यक्तीने जे काही केलं ते जाणून तुम्हीही हादराल. ही घटना छत्तीसगडच्या रायपूरमधून समोर आली आहे. यात एकाच खोलीत नवरदेव आणि नवरीचा मृतदेह आढळल्याने एकच खळबळ उडाली. यात रिसेप्शन पार्टीसाठी तयार होण्यासाठी खोलीत गेलेल्या नवरदेवाने आधी आपल्या पत्नीची चाकूने भोसकून हत्या केली आणि त्यानंतर स्वतःही आत्महत्या केली. ही घटना रायपूरच्या टिकरापारा परिसरातील आहे. रायपूरच्या टिकरापारा भागात एका खोलीत वधू-वरांचे मृतदेह सापडले आहेत. 19 फेब्रुवारीला दोघांचं लग्न झालं होतं, त्यानंतर दोघंही 21 फेब्रुवारीला रिसेप्शन पार्टीसाठी तयार होण्यासाठी रूममध्ये गेले. दरम्यान, दोघांमध्ये काही गोष्टीवरून वाद झाला, त्यानंतर अस्लमने आपल्या कहकाशा बानोवर चाकूने वार केले. आफताफपेक्षाही किळसवाणं कृत्य, 6 वर्ष लिव्ह इनमध्ये; शेवटी आगीत दिलं झोकून या हल्ल्यात नवरी गंभीर जखमी झाली, त्यानंतर अस्लमने स्वतःवरही वार केले. , दोघांनाही गंभीर अवस्थेत रुग्णालयात दाखल करण्यात आलं, तिथे दोघांचा मृत्यू झाला. पोलिसांनी मृतदेह ताब्यात घेऊन पोस्टमॉर्टमसाठी पाठवले असून पुढील तपास सुरू आहे. मिळालेल्या माहितीनुसार, संतोषी नगर नई बस्ती येथील रहिवासी असलमने 19 फेब्रुवारीला राजातालाब येथील रहिवासी कहकशा बानोसोबत लग्न केलं होतं. 21 फेब्रुवारीला दोघांचं लग्नाचं रिसेप्शन होतं. यासाठी दोन्ही घरातील सदस्य तयारी करत होते. दरम्यान, दोघंही तयार होण्यासाठी खोलीत गेले असता दोघांमध्ये काही गोष्टीवरून वाद झाला. काही वेळातच हे प्रकरण इतकं वाढलं की वराने वधूवर चाकूने वार केले आणि नंतर स्वतःलाही चाकूने वार करून जखमी केलं. लग्नाचा वाढदिवस विसरला, मुंबईचा नवऱ्यासोबत पत्नीचं भयानक कृत्य, माहेरच्यांना बोलावलं अन्… या घटनेची माहिती इतरांना मिळताच एकच गोंधळ उडाला. दोघांनाही जखमी अवस्थेत रुग्णालयात दाखल करण्यात आलं. मात्र दोघांचाही मृत्यू झाला. दोघांनी हे पाऊल नेमकं का उचललं याची नेमकी माहिती अद्याप समोर आली नाही. पोलीस सध्या या प्रकरणाचा अधिक तपास करत आहेत.

• Follow us on