नवरा-बायकोचा मृतदेह आणि भवती 150 भुकेलेल्या मांजरी, त्याप्रकरणाने पोलिसही हादरले

मुंबई, 25 जून : जगभरात दिवसाला हजारो गुन्हे घडत असतात. पोलिसांना एकापेक्षा एक विचित्र प्रकारचे गुन्हे होताना किंवा झालेले पाहिले असेल. पण एक असं प्रकरण समोर आलं आहे की, जे पाहून पोलिस देखील हादरले आहेत. ज्यामुळे हे प्रकरण जगभरात पसरलं आहे. तसे पाहाता प्राणी पाळणे हे अगदी कॉमन आहे. अनेक घरात प्राणी पाळले जातात. यामध्ये कुत्रा किंवा मांजरीचा समावेश आहे. पण एका घरात इतकी धक्कादायक घटना घडली की ज्याबद्दल जाणून तुम्हालाही धक्का बसेल. एका घरात नवरा बायकोचा मृतदेह सापडला आहे. पण त्यावेळी त्यांच्या शरीराभवतो 150 भुकेलेल्या मांजरी देखील होत्या, या प्रकरणाने पोलिस हादरले आणि या प्रकाराला धक्कादायक वळण आलं. ही घटना अमेरिकेतील न्युयॉर्कमधली आहे. परिसरातील नागरिकांना या घटनेबद्दल समजताच तेथे भीतीचे वातावरण तयार झालं. त्या घरात असं काय झालं असेल असा प्रश्न लोकांना पडू लागला? या घटनेचे फोटो देखील फोटो सोशल मीडियावर चर्चेत आले आहेत. Shocking news : हनिमूनच्या दुसऱ्या दिवशी बेडवर नवरा-बायकोचा मृतदेह, Postmortem रिपोर्टमध्ये धक्कादायक खुलासा येथे स्थानिक पोलीस आणि प्राणी कल्याण संस्था (SPCA Westchester) टीमला घरात एक मृत जोडपे आणि 150 मांजरी दिसल्या. एसपीसीए वेस्टचेस्टरच्या सदस्यांच्या म्हणण्यानुसार, घरात सापडलेले मृतदेह पती-पत्नीचे आहेत. आश्चर्याची गोष्ट म्हणजे मृत्यूनंतरही या दोघांच्याही शरीराला सुमारे दीडशे भुकेल्या मांजरींनी घेरले होते. पोलिसांनी जेव्हा पाहिले तेव्हा त्यांना दिसते की घरातील मांजली उपासमारी आणि रोगांनी त्रस्त झाल्या होत्या. काही मांजरी जोडप्याच्या मृत शरीराभोवती बसल्या होत्या तर काही भिंतींवर चढण्याचा प्रयत्न करत होत्या. तर काही मांजरी मरुन पडल्या होत्या. या घटनेबद्दल अ‍ॅनिमल वेल्फेअर ऑर्गनायझेशनच्या इंस्टाग्राम पेजवर असे सांगण्यात आले की, मांजरी त्या गलिच्छ घरात घाणीत राहत होत्या, त्यांच्यासाठी अन्न नव्हते. घराच्या भिंती आणि छतासह प्रत्येक खोलीत अनेक मांजरी अडकल्या होत्या. त्यानंतर पोलिसांनी या मांजरींची सुटका केली. बिबट्या दररोज शेतात येऊन करतो काय? शेतकऱ्याने CCTV पाहिला आणि त्याला धक्काच बसला पोलिसांनी अद्याप मृत जोडप्याची ओळख उघड केलेली नाही. मात्र, एसपीसीए वेस्टचेस्टरने प्रसिद्ध केलेल्या छायाचित्रांनंतर अनेकांचे लक्ष या घटनेकडे गेले आहे. अ‍ॅनिमल वेल्फेअर ऑर्गनायझेशनच्या पोस्टनुसार, हे संपूर्ण प्रकरण काय आहे हे अद्याप स्पष्ट झालेले नाही. सध्या पोलीस तपासात गुंतले आहेत. अ‍ॅनिमल वेल्फेअर ऑर्गनायझेशनच्या म्हणण्यानुसार, खोलीतील काही मांजरींना त्वचेचा संसर्ग झाला होता, काहींच्या डोळ्यांना संसर्ग झाला होता, तर काही मांजरी कुपोषण आणि निर्जलीकरणाच्याही बळी ठरल्या होत्या. त्यांची अशी अवस्था पाहून त्या कित्येक दिवस घरात कोंडून असाव्यात असा अंदाज बांधला गेला आहे.

• Follow us on