• Home
  • »
  • News
  • »
  • coronavirus-latest-news
  • »
  • Corona Vaccination: 92 दिवसात 99 कोटी डोस! भारत साध्य करू शकेल का कोरोना लसीकरणाचं लक्ष्य?

Corona Vaccination: 92 दिवसात 99 कोटी डोस! भारत साध्य करू शकेल का कोरोना लसीकरणाचं लक्ष्य?

File photo

File photo

भारताला आपल्या 94 कोटी लोकसंख्येला लसीचे दोन्ही डोस पुरवायचे असतील तर सुमारे 188 कोटी डोसची आवश्यकता असेल. यापैकी 89 कोटी डोस म्हणजे 47 टक्के गेल्या 9 महिन्यांत घेतले गेले आहेत.

  • Share this:
    नवी दिल्ली 02 ऑक्टोबर : भारत सध्या आपल्या देशातील 94 कोटी तरुण आणि वयस्कर जनतेसाठी (Adult Population in India) कोरोना लसीकरण कार्यक्रम (Corona Vaccination in India) चालवत आहे. केंद्र सरकारनं 18 वर्षावरील सर्व नागरिकांचं डिसेंबर 2021पर्यंत लसीकरण करण्याचं ध्येय ठेवलं आहे. सप्टेंबर महिन्याच्या सुरुवातील केंद्रीय मंत्री जी किशन रेड्डी यांनी पुन्हा एकदा हीच बाब सांगितली होती. याआधी जून-जुलै महिन्याच्या सुरुवातीला, सरकारने सर्व प्रौढांच्या लसीकरणासाठी ब्लूप्रिंट सादर केली आहे. सध्या ज्या तीन लसींद्वारे देशात लसीकरण चालू आहे, त्यातील कोविशील्ड (Covishield)-कोव्हॅक्सिन (Covaxin)-स्पुतनिक व्ही (Sputnik V) या सर्व लसी दोन डोसच्या आहेत. ऑक्टोबर ते डिसेंबर दरम्यान कोविशिल्ड आणि कोव्हॅक्सिनचे 85 कोटी डोस उपलब्ध होतील, असं केंद्र सरकारनं सांगितलं होतं. यामध्ये देखील कोविशिल्डचा मोठा वाटा असणार आहे, या लसीचे दरमहा 23 कोटी डोस मिळण्याची शक्यता आहे. Corona Updates: ऑक्टोबर महिन्यात दररोज 1 कोटी जणांचं लसीकरण जर आपण आरोग्य मंत्रालयाची आकडेवारी बघितली तर सध्या देशातील एकूण प्रौढ लोकसंख्येच्या 25.5 टक्के लसीकरण (Vaccination Update) पूर्ण झाले आहे, म्हणजेच त्यांनी दोन्ही डोस घेतले आहेत. याचा अर्थ सुमारे 24 कोटी लोकांनी लसीचे दोन्ही डोस घेतले आहे. ज्यांना लसीचा एक डोस मिळाला आहे त्यांची संख्या सुमारे 41 कोटी आहे. जर आपण ही संपूर्ण संख्या जोडली तर याचा अर्थ असा आहे की अजूनही 29 कोटी लोक असे आहेत ज्यांना लसीचा एकही डोस मिळाला नाही. जर भारताला आपल्या 94 कोटी लोकसंख्येला लसीचे दोन्ही डोस पुरवायचे असतील तर सुमारे 188 कोटी डोसची आवश्यकता असेल. यापैकी 89 कोटी डोस म्हणजे 47 टक्के गेल्या 9 महिन्यांत घेतले गेले आहेत. याचा अर्थ असा की देशात 53 टक्के म्हणजेच 99 कोटी डोसचे लसीकरण पूर्ण करण्यासाठी आता फक्त 92 दिवस शिल्लक आहेत. सरकार हे पूर्ण करू शकेल का? नाही! हे शक्य नाही. डिसेंबरपर्यंत ध्येय गाठणं अवघड का? - याचं कारण लसींचा अभाव नाही, जो महामारीची दुसरी लाट पिकवर असताना होता. कारण आता कोविशील्ड आणि कोव्हॅक्सिनचे प्रचंड उत्पादन आहे. याशिवाय, Zydus Cadila आणि Sputnik चे 2.5-2.5 कोटी डोसही पाइपलाइनमध्ये आहेत. सीरम इन्स्टिट्यूट या महिन्यात नोव्हावॅक्स ही दुसरी लसही भारतात आणू शकतं. या व्यतिरिक्त, केंद्र सरकारने जैविक ई लस कॉर्बेव्हॅक्सच्या 300 दशलक्ष डोससाठी आगाऊ पैसे दिले आहेत. परवानगी मिळाल्यानंतर भारत बायोटेकची नेजल व्हॅक्सिनही उपलब्ध होऊ शकते. त्यामुळे लसीच्या तुटवड्याचा आता काही विषय नाही. जीवघेण्या कोरोनामुळेच जीवदान; कोविडने महिलेला मरणातून वाचवलं हे ध्येय गाठण्यासाठी सगळ्यात मोठी समस्या आहे दोन लसींमधील अंतर. कोविशिल्ड अशी लस आहे जिने भारतात दिलेल्या आतापर्यंतच्या लसींपैकी 88 टक्के कव्हर केलं आहे. म्हणजेच शंभरातील 88 डोस या लसीचे दिले गेले आहेत. पुढच्या तीन महिन्यांतही सर्वाधिक उत्पादन याच लसीचं असणार आहे. सध्याच्या नियमांनुसार या लसीच्या दोन डोसमधील अंतर तब्बल 84 दिवस म्हणजेच 12 आठवडे आहे. आकडेवारी पाहिली तर अजून 28 कोटी लोकांना लसीचा एकही डोस मिळालेला नाही. 88 टक्के या आकडेवारीनुसार पाहिल्यास पुढच्या तीन महिन्यात 25.5 कोटी लोकांना कोविशिल्डच मिळेल. अशात जर पुढच्या महिन्यात कोविशिल्डचा डोस या लोकांना दिला गेला तर त्यांचा दुसरा डोस जानेवारी 2022 पर्यंत मिळेल. ध्येय साध्य करण्यासाठी हा एक पर्याय आहे, की यातील टाईम गॅप कमी करता येईल. मात्र, सरकार सध्या या बाजूने नाही.
    Published by:Kiran Pharate
    First published: