Maharashtra SSC Result 2023 Date : News18 Lokmat वर दिसेल अवघ्या काही सेकंदांत दिसेल दहावीचा निकाल; ही घ्या डायरेक्ट लिंक

मुंबई, 01, जून: महाराष्ट्र स्टेट बोर्डाच्या दहावीची परीक्षा दिलेल्या विद्यार्थ्यांसाठी सर्वात मोठी बातमी समोर आली आहे. आताच समोर आलेल्या माहितीनुसार, उद्या दहावीचा निकाल जाहीर होणार आहे. उद्या म्हणजे 02 जून 2023 रोजी राज्यातील दहावीचा निकाल लागेल. राज्यातील सर्व विभागांचे दहावी निकाल (Maharashtra SSC Result 2023 Date)  आणि बारावी बोर्डाचे निकाल हे येत्या काही दिवसातच जाहीर होतील अशी माहिती देण्यात आली होती. त्यानुसार उद्या म्हणजेच 02 जूनला दहावीचा निकाल लागणार आहे. News 18 लोकमत थेट बघता येईल निकाल बारावीच्या निकालादरम्यान विद्यार्थ्यांना निकाल बघण्यास अडचण होऊ नये म्हणून दहावीच्या निकालाच्या दिवशी आमच्या वेबसाईटवर हा निकाल तुम्ही बघू शकणार आहात. विशेष म्हणजे हा निकाल तुम्ही News 18 लोकमतच्या ऑफिशिअल वेबसाईटवर थेट बघू शकणार आहात. त्यामुळे निकालाच्या वेबसाईटच सर्व्हर डाऊन असेल तरी तुम्हाला तुमचा निकाल बघता येणार आहे. यासाठी तुम्हाला काय करावं लागणार आहे हे आज आम्ही तुम्हाला सांगणार आहोत त्यामुळे नोट डाऊन करून ठेवा.

अशा पद्धतीनं बघा तुमचा निकाल सुरुवातीला https://lokmat.news18.com/news/career/board-results-maharashtra-board/ ही लिंक ओपन करा. यानंतर तुम्हाला बातमीच्या मध्ये एक बॉक्स दिसेल. यात तुम्हाला तुमचा रोल नंबर टाकायचा आहे. यांनतर आईचं नाव लिहायचं आहे. यानंतर तुम्हाला तुमचा क्लास म्हणजे दहावी की बारावी हे सिलेक्ट करायचं आहे. यानंतर खाली देण्यात आलेल्या गणिताच्या कोड्याचं उत्तर द्यायचं आहे. यांनतर तुम्हाला तुमचा निकाल थेट वेगवान पद्धतीनं बघता येणार आहे. यानंतर हा निकाल तुम्हाला सेव्हही करता येणार आहे. SSC Result 2023: लक्ष द्या! 10वीनंतर फक्त 12वी हाच पर्याय नाही; ‘हे’ शॉर्ट टर्म कोर्सेस करूनही होऊ शकता मालामाल सर्व माहिती तपासा निकाल जाहीर झाल्यानंतर ऑनलाईन निकाल बघताना तुमचा रोल नंबर, आईचं नाव, वडिलांचं नाव, तुमचं नाव, तसंच सर्व गुणांची बेरीज आणि टक्केवारी एकदा नक्की तपासून घ्या. तसंच तुमच्या आणि वडिलांच्या पूर्ण नावाचं स्पेलिंगही तपासून घ्या. जेणेकरून तुम्हाला कुठेही प्रवेश घेण्यात अडचण होणार नाही.

निकालानंतर ‘ही’ कागपत्रं असतील आवश्यक गुणपत्रिका (Board Marksheet) स्थलांतर प्रमाणपत्र. (Migration Certificate) उत्तीर्ण प्रमाणपत्र (Passing Certificate) कॉलेज सोडल्याचा दाखला (Leaving Certificate) आधार कार्ड (Aadhar card) जातीचा दाखला (Caste Certificate) रहिवासी दाखला (Address Proof) पासपोर्ट साईझ फोटो (Passport Size Photos)

• Follow us on