)
आज दिनांक 04 नोव्हेंबर 2022. वार शुक्रवार. आज प्रबोधिनी एकादशी . कार्तिक महिन्यातील या एकादशीचं फार महत्त्व असून पंढरपूर येथे आज यात्रा भरते. चंद्राचे भ्रमण सायंकाळपर्यंत कुंभ राशीत राहिल. पाहूया आजचे बारा राशींचे भविष्य. मेष आज लाभ चंद्र कौटुंबिक कामासाठी प्रवास योग घडवून आणेल. शुभ गुरूचे गोचर आनंद देईल. आर्थिक लाभ संभवतो. संतती सुखी राहिल. कौटुंबिक समारंभ होतील. दिवस शुभ. वृषभ आज दशम स्थानातील चंद्र कार्यालयात, कुटुंबासाठी काही विशेष घडामोडी, आनंद आणि गृह सौख्य देईल. धार्मिक समारंभात भाग घ्याल. सामाजिक जीवनात प्रतिष्ठा लाभेल. उत्तम दिवस. मिथुन राशीच्या भाग्य स्थानातील चंद्र मंगळाशी नवपंचम योग करत आहे. अध्यात्मिक अनुभव येतील. घरात भरपूर वेळ घालवाल. खर्च वाढेल. आनंददायी दिवस चांगला जाईल. कर्क अष्टम स्थानात चंद्र काही विचित्र अनुभव देईल. आर्थिक बाजू उत्तम राहिल. मन स्थिर होईल. मित्र मंडळ भेटेल. प्रकृती मध्यम राहिल. दिवस मध्यम जाईल. सिंह आज चंद्र मंगळ योग आहे. आर्थिक लाभ झाल्यामुळे आनंदी राहाल. तसंच कुटुंबसुख लाभेल. प्रकृती नाजूक राहिल. जोडीदाराला वेळ द्या. व्यवसायासाठी प्रवास घडेल. दिवस शुभ. कन्या आज चंद्र षष्ठ स्थानात आहे. तुमच्यावर कुटुंबाबाबत निर्णय घेण्याची वेळ येईल. सामाजिक जीवनात प्रसिद्धीच्या झोतात याल. गुरू जोडीदाराची मदत करेल. आरोग्य जपा. दिवस शुभ. तूळ आज राशीच्या पंचम स्थानात चंद्र उच्च फळ देण्यास सज्ज आहे. गृह आणि धार्मिक क्षेत्रात यश मिळेल. प्रकृती ठिक राहिल. खर्च होतील. संततीसाठी दिवस शुभ. वृश्चिक आज घरात आनंदात राहण्याचा दिवस. चंद्र प्रकृतीसंबंधी चांगलं फळ देईल. घरामध्ये काही विशेष घटना घडतील. गृहसौख्य मिळेल. दिवस शुभ आहे. धनु आज जीवनातील एक चांगला दिवस आहे. कार्यक्षेत्रात देखील चांगला अनुभव देईल. अचानक आर्थिक लाभ होतील. बंधू भेट होईल. गुरू घरामध्ये शुभ फळ देईल. दिवस आनंदात जाईल. मकर चंद्र धन स्थानात आहे. काही प्रकृतीचे त्रास, आर्थिक चिंता असतील तर आज कमी होतील. आनंद निर्माण होईल. कुटुंबाकडे लक्ष द्या. कार्यालयीन कामकाज वाढेल. नातेवाईक भेट संभवते. उत्तम दिवस. कुंभ चंद्र मंगळ योग आज सांभाळून दिवस घालवा असं सुचवत आहे. संततीकडे लक्ष द्या. खर्च टाळा. धार्मिक स्थानाला भेट देण्याचे योग. घरामध्ये विशेष घटना घडतील. दिवस शुभ. मीन आज चंद्र आर्थिकदृष्ट्या घडामोडी घडवेल. व्यय होईल. घरामध्ये काही आनंददायक घटना घडतील. प्रकृती जपा. धार्मिक स्थानाचा प्रवास होईल. दिवस शुभ आहे. शुभम भवतू!!
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
