घरात वनस्पती लावण्याचे वास्तू नियम
मुंबई, 21 जुलै : झाडे आणि वनस्पती निसर्गाशी संबंधित आहेत, अनेकजण आपल्या घराचे वातावरण शुद्ध करण्यासाठी धार्मिक वृक्ष आणि वनस्पती लावतात. असे मानले जाते की, यामुळे हिरवाईसोबत समृद्धी येते. आजकाल लोक घराच्या आतही रोपे (इनडोअर प्लॅन्ट) लावू लागले आहेत, त्यामुळे घराचे सौंदर्य वाढते. ज्योतिषशास्त्रानुसार घरात पवित्र आणि धार्मिक वनस्पती लावल्यानं वास्तुदोषापासून मुक्ती मिळते. घरातील सुख-समृद्धी ही झाडे लावण्याशी देखील निगडित आहे, त्यामुळे घरामध्ये वनस्पती लावताना शास्त्रानुसार सांगितलेली पद्धत लक्षात ठेवावी, अन्यथा नुकसान होऊ शकते. ज्योतिषी पंडित कल्की राम सांगतात की, काही झाडे आणि वनस्पती पूजनीय असतात. आपण त्यांना घरामध्ये लावतो, परंतु विशेषतः काही झाडे घरात दक्षिण दिशेला लावू नयेत.
शमी - ज्योतिष शास्त्रानुसार शमीची वनस्पती शनिदेवाशी संबंधित आहे. शमीचे रोप घरांमध्ये लावल्यास शनिदेवाची कृपा राहते, मात्र शमीचे रोप दक्षिण दिशेला लावू नये. यासाठी पूर्व-ईशान्य कोन सर्वोत्तम मानला जातो. तुळशी- तुळशीचे रोप सनातन धर्मात पवित्र आणि पूजनीय आहे. घरामध्ये तुळशीचे रोप लावायचे असेल तर पूर्व किंवा उत्तर दिशा उत्तम मानली जाते. दक्षिण दिशेला तुळशीचे रोप लावल्यास लक्ष्मीचा कोप होतो. श्रावण सुरू होताच राशीनुसार करा या गोष्टी; शंभू-महादेव अडचणींमध्ये दाखवतील मार्ग केळी - धार्मिक मान्यतेनुसार केळीच्या रोपामध्ये भगवान श्री हरी विष्णू वास करतात. केळीचे रोप उत्तर किंवा पूर्व दिशेला लावता येते. केळीचे रोप दक्षिण दिशेला लावणे शुभ मानले जात नाही. रॉयल लाइफ जगण्याचे शौकीन असतात या राशीची माणसं; स्वप्न सत्यातही उतरवतात मनी प्लांट - ज्योतिषशास्त्रानुसार मनी प्लांटचा संबंध शुक्र ग्रहाशी आहे. घरात मनी प्लांट लावल्यास आर्थिक स्थिती मजबूत होते. पण, दक्षिण दिशेला लावल्याने धनाची कमतरता भासते. उत्तर किंवा पूर्व दिशेला लावा. रोझमेरी वनस्पती - असे मानले जाते की, रोझमेरीचे रोप घरांमध्ये लावल्याने शारीरिक आणि मानसिक समस्या दूर होतात. घरात हे रोप लावताना दिशेकडे लक्ष द्या. हे रोप फक्त पूर्व दिशेला लावावे. घरात पितृदोष असेल तर असे संकेत वारंवार दिसतात; सोमवती अमावस्येला करा हे उपाय (सूचना : येथे दिलेली माहिती ज्योतिषीय ज्ञानावर आधारित आहे. याला शास्त्रीय पुरावा नाही. न्यूज 18 लोकमत त्याची हमी देत नाही.)