वटपौर्णिमा व्रत 2023
मुंबई, 19 मे : यंदाची वटपौर्णिमा 3 जून 2023 रोजी आहे. हिंदू धर्मात हे व्रत अत्यंत महत्त्वाचे मानले गेले आहे. ज्येष्ठ महिन्यातील पौर्णिमेला वट सावित्री व्रत पाळले जाते. वटपौर्णिमेच्या दिवशी वडाच्या झाडाची पूजा केली जाते. वटवृक्षात ब्रह्मा, विष्णू आणि महेश हे त्रिमूर्ती वास्तव्य करतात असे मानले जाते. त्यामुळे वट सावित्रीच्या दिवशी वटवृक्षाची पूजा केल्याने या तिन्ही देवांचा आशीर्वाद मिळतो आणि पतीला दीर्घायुष्याचे वरदान मिळते, असे मानले जाते. वट सावित्रीच्या दिवशी वटवृक्षाची पूजा का केली जाते? पौराणिक कथेनुसार, देवी सावित्रीने पतीचे प्राण वाचवण्यासाठी कठोर तपश्चर्या केली. माता सावित्रीच्या भक्ती आणि पावित्र्यतेने प्रसन्न होऊन यमराजाने वटवृक्षाखालीच पती सत्यवानाचे प्राण परत केले. यासोबतच वटवृक्षाची पूजा करणाऱ्या विवाहित महिलेचा पती अकाली मरणार नाही आणि दीर्घायुष्य जगेल, असे वरदानही दिल्याचे मानले जाते. म्हणूनच या व्रताच्या दिवशी वडाच्या झाडाची पूजा केली जाते आणि व्रताचे नाव देखील वट सावित्री आहे. वट सावित्री व्रताच्या दिवशी हे काम करू नये - - वट सावित्री व्रताच्या दिवशी काळ्या किंवा निळ्या रंगाचे कपडे परिधान करू नका, यामुळे अशुभ परिणाम मिळतात. महिलांनी काळे-निळे कपडे घालून पूजा केली तर त्याचे फळही मिळत नाही. या दिवशी लाल, हिरवा, पिवळ्या रंगाच्या साड्या किंवा ड्रेस परिधान करा. काळ्या बांगड्या चुकूनही घालू नका.
- वट सावित्री व्रताच्या दिवशी वटवृक्षाला इजा करू नये, त्याची पाने किंवा फांदी तोडू नये. जर तुम्ही घरी वडाच्या फांदीची पूजा करणार असाल तर एक दिवस आधी फांदी तोडून घरी आणावी. - वट सावित्री व्रतामध्ये वटवृक्षाला प्रदक्षिणा घालतात आणि झाडाच्या खोडाभोवती कच्चे सूत गुंडाळतात. चुकून उलटी परिक्रमा होणार नाही, हे लक्षात ठेवा. - वट सावित्रीच्या दिवशी चुकूनही वडीलधाऱ्यांचा अपमान करू नका. त्याऐवजी या दिवशी पूजा केल्यानंतर ज्येष्ठांचे आशीर्वाद घ्या. यामुळे तुमच्या जीवनात सदैव समृद्धी राहील आणि तुमच्या मनोकामनाही पूर्ण होतील. घरात पितृदोष असल्यास वेळ नका घालवू; अशुभ घडण्यापूर्वी हे उपाय करून घ्या - जर गर्भवती स्त्रीने वट सावित्री व्रत पाळले असेल तर तिने वटवृक्षाची प्रदक्षिणा करू नये. फक्त वडाची पूजा करावी. - वट सावित्री व्रत कथा वाचल्याशिवाय किंवा ऐकल्याशिवाय अपूर्ण मानले जाते, म्हणून वट सावित्री व्रत कथा वाचावी किंवा ऐका. कथा वाचताना किंवा ऐकताना अर्धवट राहू देऊ नये पूर्ण करावी. अशी स्वप्नं पडणं शुभ संकेत असतात! देवी लक्ष्मीच्या कृपेनं धनलाभ होण्याचे योग (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)