ज्येष्ठ पौर्णिमेची माहिती
मुंबई, 01 जून : ज्येष्ठ पौर्णिमेला जेठ पौर्णिमा किंवा जेठ पूर्णमासी असेही म्हणतात. हिंदू धर्मात या तिथीला खूप महत्त्व आहे. यावेळी ज्येष्ठ पौर्णिमा 3 जून रोजी सकाळी 11.16 वाजता सुरू होत असून ती 4 जून रोजी सकाळी 9.11 वाजता समाप्त होईल. अशा स्थितीत 3 जूनलाच पौर्णिमा व्रत पाळले जाईल आणि 4 जूनला दान आणि स्नान केले जाईल. ज्योतिषशास्त्रानुसार या दिवशी काही विशेष उपाय केल्याने कुटुंबात सुख, समृद्धी आणि शांती वास करते, असे मानले जाते. पूजा-विधी - ज्येष्ठ पौर्णिमेच्या दिवशी देवी लक्ष्मीच्या मूर्तीवर 11 कवड्या अर्पण करून त्याला हळदीचा टिळा लावावा. त्यानंतर दुसऱ्या दिवशी या कवड्या लाल कपड्यात बांधून तिजोरीत किंवा पैसे ठेवलेल्या ठिकाणी ठेवाव्या. असे केल्याने देवी लक्ष्मीचा आशीर्वाद प्राप्त होतो आणि तिचा धनाच्या ठिकाणी निवास होतो, अशी धार्मिक श्रद्धा आहे. श्रीरामावरून बाळाची ही छानशी नावे ठेवू शकता; यापैकी एक तुम्हाला नक्की आवडेल पिंपळाचे झाड - असे मानले जाते की ज्येष्ठ पौर्णिमेच्या दिवशी देवी लक्ष्मी पिंपळाच्या झाडामध्ये निवास करते. जर तुम्हाला देवी लक्ष्मीला प्रसन्न करून तिचा आशीर्वाद मिळवायचा असेल तर या दिवशी सकाळी स्नान करून पिंपळाच्या झाडाला काही गोड पदार्थ अर्पण करून जल अर्पण करावे. असे केल्याने तुम्हाला आर्थिक समस्येचा सामना करावा लागणार नाही.
दान - ज्येष्ठ पौर्णिमेच्या दिवशी चंद्राशी संबंधित वस्तूंचे दान करणे खूप शुभ मानले जाते. या दिवशी पांढरे वस्त्र, साखर, तांदूळ, दही, चांदी, पांढरी फुले, मोती हे गरीब, गरजू किंवा ब्राह्मण यांना दान करावे. त्यामुळे व्यक्तीच्या कुंडलीत चंद्र बलवान असतो. Numerology: विश्वास पात्र असतात अशा व्यक्ती; निष्ठावान जोडीदारही बनू शकतात (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)