ट्रकचा भीषण अपघात
मुंबई, 9 जुलै, विजय वंजारा : मुंबईतील चुनाभट्टी परिसरात आज सकाळी एक भीषण अपघाताची घटना समोर आली आहे. एका भरधाव आरसीसी मिक्सर ट्रकनं चार वाहनांना धडक दिली. हा अपघात मुंबई ईस्टर्न एक्स्प्रेस हायवेजवळ घडला आहे. या अपघातामध्ये एकाचा मृत्यू झाला आहे. तर तीन जण गंभीर जखमी झाले आहेत. जखमींवर सायन रुग्णालयात उपचार सुरू आहेत. घटनेबाबत अधिक माहिती अशी की, मुंबईतील चुनाभट्टी परिसरात आज सकाळी हा भीषण अपघात झाला आहे. भरधाव आरसीसी मिक्सर ट्रकनं चार वाहनांना धडक दिली. हा अपघात इतका भीषण होता की, या अपघातामध्ये वाहनांचा चुराडा झाला आहे. या मिक्सर ट्रकनं दोन दोन ऍक्टिव्हा, एक मोटार सायकल आणि एक पीयुसी व्हॅनला धडक दिली. या अपघातामध्ये एकाचा मृत्यू झाला आहे, तर तीन जण जखमी झाले आहेत. जखमींना जवळच असलेल्या सायन रुग्णालयात उपचारासाठी हलवण्यात आलं आहे.
Mumbai News : रिक्षाचालकाच्या लेकीने सातासमुद्रापार केली सुवर्णपदकाची कमाई, असं गाठलं मुंबई ते बर्लिन!ट्रक चालक फरार दरम्यान अपघात घडल्यानंतर हा ट्रक चालक घटनास्थळावरून फरार झाला आहे. हा अपघात नेमका कसा झाला? याबाबत अद्याप माहिती समोर आलेली नाही. मात्र पावसामुळे रस्ता निसरडा झाल्याने हा अपघात झाला असावा असा प्राथमिक अंदाज आहे.