अनुराग सुतकर, प्रतिनिधी सोलापूर 27 मार्च : ग्रामीण भागातील मुलींना शिक्षणासाठी आजही संघर्ष करावा लागतो. शाळा शिकण्यासाठी त्यांना काही किलोमीटर अंतर पार करावे लागते. शाळेला जाणारा रस्ता हा लांब आणि गैरसोयीचा असल्यानं त्यांच्या शिक्षणात अडचणी निर्माण होतात. शाळेतील मुलींची संख्या घटण्याचं हे एक प्रमुख कारण आहे. सोलापूर जिल्ह्यातील जिल्हा परिषदेच्या शाळेतील शिक्षकानी मुलींची ही अडचण ओळखली. ही अडचण दूर करण्यासाठी त्यांनी एक उपाय देखील शोधला आहे. काय केला उपाय? सोलापूरमधील निमगावच्या जिल्हा परिषदेच्या शाळेतील शिक्षक सुहास उरवणे यांनी मुलींच्या शिक्षणातील अडचण दूर व्हावी म्हणून ‘सायकल बँक’ हा उपक्रम सुरू केला. त्यांच्या या उपक्रमासाठी सर फाऊंडेशनकडून त्यांना उत्कृष्ट शिक्षकाचा पुरस्कार देऊन गौरव करण्यात आला आहे. सोलापूरच्या मोनालीला मिळाली आईपासून प्रेरणा, पहिल्याच प्रयत्नात झाली न्यायाधीश, Video आमच्या शाळेतील 5 वी ते 8 वीच्या मुलींसाठी 51 सायकली सहभागातून उपलब्ध करण्याचा संकल्प आम्ही सर्व शिक्षकांनी केला. ‘संकल्प गुरुजनांचा सायकल बँक उभारण्याचा’ हे घोषवाक्य घेऊन आम्ही कामास सुरुवात केली. सुरुवातीच्या काळात अगदी 5 ते 10 सायकली जमा होतील असे वाटत असतानाच देणगीदारांचा आम्हाला इतका प्रतिसाद मिळत गेला जणूकाही ‘सायकल बँक’ हे त्यांचेच स्वप्न आहे. प्रत्येक दात्याचा फेटा बांधून होणारा सन्मान समाज माध्यमांमध्ये दिलेली प्रसिध्दी दात्यांचा केलेला व्हॉट्सअॅप ग्रुप यामुळे बघता बघता दोनच महिन्यात 36 सायकली आमच्या सायकल बँकेत जमा झाल्या,’ असं सुहास उरवणे यांनी सांगितले. मनोरंजनातून विद्यार्थ्यांना शिकवला मोठा धडा,शिक्षकाच्या कामाचा देशपातळीवर सन्मान, Video काय झाले फायदे? ‘संपूर्ण महाराष्ट्रासाठी पायलट प्रोजेक्ट ठरलेल्या या उपक्रमाचे आमच्या कल्पनेपेक्षा ही अधिक फायदे दिसून आले. आज संपूर्ण सोलापूर जिल्ह्यामध्ये 4 हजारहून अधिक सायकलींची ‘सायकल बँक’ तयार झाली आहे. शाळा पातळीवर अनेक फायदे दिसून आले, टअसं उरवणे यांनी स्पष्ट केलं. -शाळेचा पट 248 वरून 360 वर पोहचला म्हणजे 112 ने वाढला आहे. -3 ते 6 किलोमीटर अंतरावरून येणाऱ्या मुलींच्या प्रवासाची व्यवस्था झाली. -पालकांचा शाळेबद्दलचा आणि शिक्षकांबद्दलचा आदर वाढला. -पालकांच्या मनामध्ये मुलींच्या शिक्षणाबद्दल जन जागृती निर्माण झाली. -मुलींना शाळेत येण्यासाठी लागणारा प्रवासाचा वेळ कमी झाला. मुलींना प्रवासाबद्दल सुरक्षिततेची जाणीव झाली . -मुलींच्या वाचलेल्या वेळेचा गुणवत्तापूर्ण शिक्षणासाठी उपयोग झाला.