JOIN US
मराठी बातम्या / महाराष्ट्र / ...म्हणून पंतप्रधानांची पदवी संसद भवनाच्या प्रवेशद्वारावर लावावी; राऊतांचा मोदींना खोचक टोला!

...म्हणून पंतप्रधानांची पदवी संसद भवनाच्या प्रवेशद्वारावर लावावी; राऊतांचा मोदींना खोचक टोला!

शिवसेना ठाकरे गटाचे नेते संजय राऊत यांनी पंतप्रधान नरेंद्र मोदी यांना जोरदार टोला लगावला आहे. त्यांनी ट्विट करत मोदींवर निशाणा साधला आहे.

जाहिरात

संजय राऊतांचा पुन्हा एकदा पंतप्रधान मोदींवर निशाणा

संबंधित व्हिडिओ
जाहिरात
News18 लोकमत व्हॉट्सअ‍ॅप चॅनलला फॉलो करा

मुंबई, 3 एप्रिल, गेल्या काही दिवासांपासून पंतप्रधान नरेंद्र मोदी यांच्या पदवीवरून आरोप प्रत्यारोप सुरू आहेत. यातील एका प्रकरणात गुजरात हाय कोर्टानं दिल्लीचे मुख्यमंत्री अरविंद केजरीवाल यांना 25 हजारांचा दंड ठोठवला आहे. अरविंद केजरीवाल यांनी पंतप्रधान नरेंद्र मोदी यांचं शिक्षण किती झाली आहे, पदवी दाखवा अशी मागणी केली होती. मात्र या प्रकरणात सुनावणी करताना काही दिवसांपूर्वी गुजरात हाय कोर्टानं केजरीवाल यांना चांगलंच फटकारलं. तसेच त्यांना 25 हजारांचा दंड देखील ठोठावण्यात आला आहे. उच्च न्यायालयाच्या या निर्णयावर केजरीवाल यांनी नाराजी व्यक्त केली आहे.

संबंधित बातम्या

राऊतांचा खोचक टोला आता यावरून शिवसेना ठाकरे गटाचे नेते संजय राऊत यांनी पंतप्रधान नरेंद्र मोदी यांना जोरदार टोला लगावला आहे. त्यांनी ट्विट करत मोदींवर निशाणा साधला आहे. ‘काही लोक माननीय पंतप्रधानांची पदवी खोटी असल्याचं म्हणत आहेत. पण पंतप्रधानांची पॉलिटिकल सायन्समधील पदवी ऐतिहासिक आणि क्रांतिकारी आहे, यावर माझा प्रामाणिक विश्वास आहे. त्यामुळे आता ती पदवी आमच्या नवीन संसद भवनाच्या भव्य प्रवेशद्वारावर प्रदर्शित केली जावी, जेणे करून लोक शंका उपस्थित करणार नाहीत’ असं राऊत यांनी आपल्या ट्विटमध्ये म्हटलं आहे.

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

फोटो

महत्वाच्या बातम्या