मुलाला आणण्यासाठी गेलेल्या भाजप नगरसेवकावर अज्ञाताने केला हल्ला, सांगलीतील धक्कादायक घटना
असिफ मुरसल, प्रतिनिधी सांगली, 17 मार्च : सांगलीमधून एक धक्कादायक बातमी समोर आली आहे. जत तालुक्यामध्ये भाजपा नगरसेवकाची गोळ्या झाडून हत्या करण्यात आली आहे. हल्लेखोर एवढ्यावरच थांबले नाहीतर डोक्यात सुद्धा दगड घातला. विजय ताड असं भाजप नगरसेवकाचे नाव आहे. जत मधल्या सांगोला रोडवरील अल्फोंसो स्कूलजवळ ही घटना घडली आहे. या घटनेमुळे परिसरात एकच खळबळ उडाली आहे. पोलिसांनी दिलेल्या माहितीनुसार, जत नगरपालिकेचे भाजपचे नगरसेवक विजय ताड यांच्यावर अज्ञातांनी गोळ्या झाडून ताड यांची हत्या केली आहे. नगरसेवक ताड हे आपल्या इनोव्हा गाडीतून सांगोला रोडवरील असणाऱ्या स्कूल या ठिकाणी आपल्या मुलांना शाळेतून आणण्यासाठी निघाले होते. (भावाच्या मेव्हुणीसोबत करायचं होतं लग्न, घरच्यांनी नाही सांगितलं, घडलं भयंकर) अल्फान्सो स्कूलच्या जवळ पोहोचले असता ताड यांचा पाठलाग करणाऱ्या अज्ञात हल्लेखोरांनी ताडे यांची ईनोवा गाडी अडवली आणि त्यांच्या गाडीवर हल्ला करत ताड यांच्यावर थेट गोळ्या झाडल्या. त्यानंतर डोक्यात दगड घालण्यात आला आहे, ज्यामध्ये ताड यांचा जागीच मृत्यू झाला. (आई रक्ताच्या थारोळ्यात, वडिलांचा मुलावर हल्ला अन् नंतर हल्लेखोर बापाचा गूढ मृत्यू: घटनेनं नाशिक हादरलं) या घटनेमुळे जत शहरासह जिल्ह्यामध्ये एकच खळबळ उडाली आहे. मात्र हा हल्ला नेमका कोणत्या कारणातून आणि कोण्ही केला आहे हे मात्र समजू शकले नाही,या घटनेची माहिती मिळताच जत पोलिसांनी घटनास्थळी तातडीने धाव घेतली आहे. तसेच ताड समर्थकांनी या ठिकाणी मोठे गर्दी केली आहे, तर घटनेचे गांभीर्य ओळखून सांगलीचे पोलीस अधीक्षक बसवराज तेली देखील जतकडे रवाना झाले आहेत. खुनाचे कारण अद्याप समोर येऊ शकले नाही. पोलीस अधिक तपास करत आहे.