Gold Price in Nagpur : पुणे, नाशिकनंतर नागपूरमध्ये घसरलं सोनं, पाहा काय आहे आजची किंमत?
विशाल देवकर, प्रतिनिधी नागपूर, 6 मे : महाराष्ट्राची उपराजधानी नागपूरमध्ये उन्हाच्या झळा वाढत असतानाच सोन्यानंही घाम फोडला आहे. गेल्या काही काळात सोन्याच्या दरात सातत्याने वाढ होत होती. आज आठवड्याच्या शेवटी मात्र नागपूरकरांना काहीसा दिलासा मिळाला आहे. सोन्याचे दर आज 800 रुपयांनी घटले आहेत. त्यामुळे नागपुरात 24 कॅरेट सोन्यासाठी आता प्रतितोळा 61 हजार 300 रुपये मोजावे लागणार आहेत. तर 22 कॅरेट सोन्यासाठी प्रतितोळा 58 हजार 200 रुपये द्यावे लागतील. चांदीच्या दरात झाली घट सोन्यासोबतच चांदीच्या दागिन्यांनाही मोठी मागणी असते. गेल्या महिन्याभराचा विचार करता चांदीचे दरही झपाट्याने वाढले आहेत. तसेच या आठवड्यातही चांदीच्या दरात सातत्याने वाढ होत आहे. शुक्रवारी चांदीच्या दरात लक्षणीय वाढ झाली होती. मात्र आज शुक्रवारच्या तुलनेत चांदीच्या दरातही तब्बल 1,100 रुपयांची घट झाली आहे. त्यामुळे आज चांदी 77 हजार रुपये प्रतिकिलो मिळणार आहे.
सोनं गुंतवणुकीचा चांगला पर्याय भारतीय लोकांना सोन्या-चांदीचं मोठं आकर्षण आहे. सण, उत्सव आणि घरगुती समारंभात लोक आवर्जुन सोनं खरेदी करतात. तसेच सोन्याकडे गुंतवणुकीसाठी एक उत्तम पर्याय म्हणूनही पाहिलं जातं. त्यामुळे अनेकजण सोन्यात गुंतवणूक करत असतात. त्यातच पुढील काळात सोन्याची किमती आणखी वाढण्याची शक्यता असल्याने सोनं गुंतवणुकीचा सल्ला दिला जात आहे. Gold Price in Nashik : सोनं खरेदीसाठी आजचा दिवस चांगला, ‘इथं’ चेक करा नाशिकमधील दर नागपूर शहरातील आजचे सोन्याचे दर (10 ग्रॅम) 10 ग्रॅम 24 कॅरेट - 61,300 10 ग्रॅम 22 कॅरेट- 58,200 10 ग्रॅम 20 कॅरेट- 54,900 10 ग्रॅम 18 कॅरेट- 49,000 नागपूर शहरातील सोन्याचे दर (1 ग्रॅम) 1 ग्रॅम 24 कॅरेट - 6,130 1 ग्रॅम 22 कॅरेट- 5,820 1 ग्रॅम 20 कॅरेट- 5,490 1 ग्रॅम 18 कॅरेट-. 4,900 चांदीचे दर प्रतिकिलो - 77,000 प्लॅटिनम 40,000 नागपूर शहरातील कालचे सोन्याचे दर (10 ग्रॅम) 10 ग्रॅम 24 कॅरेट - 62,100 10 ग्रॅम 22 कॅरेट- 58,900 10 ग्रॅम 20 कॅरेट- 56,100 10 ग्रॅम 18 कॅरेट- 50,600 नागपूर शहरातील सोन्याचे दर (1 ग्रॅम) 1 ग्रॅम 24 कॅरेट - 6,210 1 ग्रॅम 22 कॅरेट- 5,890 1 ग्रॅम 20 कॅरेट- 5,610 1 ग्रॅम 18 कॅरेट-. 5,060 चांदीचे दर प्रतिकिलो - 78,100 प्लॅटिनम 40,000 (टीप : सोन्याच्या पेढ्यांमधील मजुरी, जकात शुल्क, राज्य कर, वाहतूक खर्च, GST या सारख्या वेगवेगळ्या कारणांनुसार सोन्याची किंमत प्रत्येक दुकानामध्ये वेगळी असू शकते. आम्ही शहरातील सर्वसाधरण भाव देत आहोत.)