अपघातामध्ये महिला वारकरी जखमी
बीड, 19 जून, सुरेश जाधव : जिल्ह्यातून मोठी बातमी समोर येत आहे. वारीमध्ये दुचाकी घुसली. या अपघातामध्ये चार महिला वारकरी गंभीर जखमी झाल्या आहेत. बीडच्या मोरगाव फाट्याजवळ हा अपघात झाला आहे. घटनेची माहिती मिळताच तात्काळ ग्रामस्थ घटनास्थळी दाखल झाले. ग्रामस्थांच्या मदतीनं जखमींना उपचारासाठी जिल्हा रुग्णालयात दाखल करण्यात आलं आहे. मुक्ताईच्या पालखीमध्ये अपघात घटनेबाबत अधिक माहिती अशी की, पंढरपूरच्या दिशेनं प्रवास करणाऱ्या मुक्ताईच्या पालखीमध्ये मध्यरात्री दुचाकी घुसल्यानं अपघात झाला. या घटनेत चार महिला वारकरी गंभीर जखमी झाल्या आहेत. ही घटना बीडच्या मोरगाव फाट्याजवळ घडली. गावकऱ्यांनी तातडीनं जखमींना उपचारासाठी जिल्हा रुग्णालयात दाखल केलं आहे.
परीक्षेत आलेल्या अपयशानं खचली; विद्यार्थीनीनं आयुष्यच संपवलं, बीडमधील धक्कादायक प्रकारजखमींची प्रकृती स्थिर अपघाताची माहिती मिळाल्यानंतर जिल्हा शल्य चिकित्सक डॉ. सुरेश साबळे यांनी उपचाराबाबत वैद्यकीय कर्मचाऱ्यांना आवश्यक त्या सूचना दिल्या, तसेच त्यांनी स्वत: जखमी महिला वारकऱ्यांवर उपचार केले. या वारकऱ्यांची प्रकृती आता स्थिर असल्याची माहिती डॉ. साबळे यांनी दिली आहे.