नवी दिल्ली, 09 फेब्रुवारी: अनेक गोष्टींवर उपचार करण्यासाठी निसर्गोपचार म्हणजेच नॅचरोपॅथी (Naturopathy) हा सर्वोत्तम पर्याय आहे. यामुळे समस्या मुळापासून दूर होतात आणि त्यांचा कोणताही दुष्परिणाम होत नाही. अशीच एक थेरपी म्हणजे मड थेरपी. होय, मड थेरपी (Mud Therapy) हा एक निसर्गोपचार आहे, ज्यामध्ये चिकणमातीच्या लेपच्या मदतीने समस्या दूर केल्या जातात. सोप्या भाषेत, अंगावर चिखल लावून किंवा मातीच्या पट्ट्या लावून जे उपचार केले जातात, त्याला मड थेरपी म्हणतात. मड थेरपीद्वारे अनेक रोगांवर उपचार केले जातात. या थेरपीच्या माध्यमातून त्वचेशी संबंधित ताणतणाव, वेदना, अस्वस्थता या समस्या मुळापासून दूर केल्या जातात. मड थेरपी कशी काम करते TOI च्या वृत्तानुसार, आयुर्वेदाचा (aayurved) विश्वास आहे की आपले शरीर पृथ्वी, पाणी, वायू, अग्नि आणि आकाश या पाच घटकांनी बनलेले आहे. म्हणून, माती म्हणजेच पृथ्वीमध्ये शरीराला आतून बरे करण्याची आणि कोणतेही असंतुलन सुधारण्याची क्षमता आहे. चिकणमातीमध्ये अशी अनेक खनिजे असतात जी शरीराला डिटॉक्स (detox) करतात आणि अनेक आरोग्यदायी फायदे देतात. चला तर मग जाणून घेऊया मड थेरपीबद्दल. कोणत्या प्रकारची माती वापरली जाते मड थेरपीसाठी एक विशेष प्रकारची माती वापरली जाते, जी जमिनीपासून सुमारे 4 ते 5 फूट खालून काढली जाते. या मातीत अ‍ॅक्टिनोमायसीटीस नावाचा जीवाणू आढळतो, जो आरोग्यासाठी अनेक प्रकारे फायदेशीर आहे. हा जीवाणू ऋतूनुसार त्याचे स्वरूप बदलतो आणि जेव्हा तो पाणी (water) आणि मातीमध्ये (soil) मिसळतो तेव्हा त्यातून एकप्रकारचा वास येतो, ज्याचा आपल्याला मानसिक फायदा देखील होतो. मड थेरपीचे फायदे 1. मासिक पाळीच्या त्रासामध्ये आराम महिलांमध्ये अनियमित मासिक पाळी (periods) येण्याच्या समस्येमुळे गर्भाशय, हात, पाय, कंबर आणि स्तनात वेदना होतात. भूक न लागणे, थकवा जाणवणे, वजन वाढणे, बद्धकोष्ठता अशा समस्या उद्भवू लागतात. अशा परिस्थितीत मड थेरपी खूप प्रभावी ठरू शकते. मासिक पाळीच्या दुखण्यापासून आराम मिळण्यासाठी पोटावर कोमट मातीची पट्टी ठेवा, त्यामुळे वेदना कमी होतील. याउलट ज्या महिलांना मासिक पाळीत जास्त रक्तस्राव होत असेल त्यांनी ओल्या मातीची पट्टी पोटाच्या खालच्या भागावर ठेवल्यास आराम मिळतो. तसेच, अनियमित कालावधीसाठी मड बाथ थेरपी घ्या. 2. पचनक्रिया सुधारते ही चिकणमाती पोटावर लावल्यास पचनक्रिया चांगली होते. याशिवाय हे मेटाबॉलिज्म वाढवण्याचे काम करते. 3. त्वचेच्या समस्येवर उपाय मड थेरपी घेऊन त्वचेशी संबंधित समस्यांवर (skin problems) मात करता येते. मड थेरपीमुळे सुरकुत्या, पुरळ, त्वचेचा कोरडेपणा, डाग, पांढरे डाग, कुष्ठरोग यापासून आराम मिळतो. मड थेरपी घेतल्याने त्वचेची चमक वाढते आणि त्वचा मुलायमही होते. 4. डोकेदुखी आणि तापामध्ये फायदेशीर जर तुम्हाला तीव्र डोकेदुखी होत असेल तर तुम्ही या खास मातीच्या पेस्टच्या मदतीने डोकेदुखीमध्ये आराम मिळवू शकता. याशिवाय, ताप कमी करण्यासाठी तुम्ही मड थेरपी देखील घेऊ शकता. 5. डोळ्यांसाठी फायदेशीर कॉम्प्युटरवर जास्त काम केल्यामुळे डोळ्यात दुखत असेल तर तळव्यांना मातीची पेस्ट लावावी. असे केल्याने डोळ्यांना खूप आराम मिळेल. अशा प्रकारे तुम्ही कोणत्याही दुष्परिणामांशिवाय मड थेरपीचा अवलंब करू शकता.