प्रतीकात्मक फोटो
नवी दिल्ली, 21 फेब्रुवारी : जेव्हाही आपण लग्न करण्याचा विचार करतो तेव्हा आपल्या मनात पहिला विचार येतो की, आपला होणारा जोडीदार परफेक्ट असेल का? जोडीदाराबद्दल सर्व काही जाणून घेण्यासाठी आपण आणि आपल्या कुटुंबातील सदस्य प्रत्येक स्तरावर चौकशी करतो. तरुणी आपल्या जीवनसाथीबद्दल निर्णय घेण्यापूर्वी त्याचा व्यवसाय, व्यक्तिमत्व, कौटुंबिक पार्श्वभूमी यासारख्या गोष्टींचा विचार करते. नंतर लग्न मोडतात, म्हणूनच हे आवश्यक पुरुषांना त्यांचा जीवनसाथी अॅक्टीव, सुंदर आणि सांस्कृतिक असणं आवडतं. परंतु, बहुतेक लोक लग्नापूर्वी त्यांच्या जोडीदाराची आर्थिक शिस्त पाहण्याचा प्रयत्न करत नाहीत. या कारणामुळं परदेशात खराब क्रेडिट म्हणजेच सिबिल स्कोअरच्या (Cibil score) आधारे विवाह (Marriage) तुटत आहेत. झी न्यूज ने दिलेल्या बातमीनुसार, आर्थिक शिस्तीचा (Financial discipline) अर्थ असा होतो की, तुमचा क्रेडिट स्कोअर चांगला आहे आणि तुम्ही कोणत्याही प्रकारच्या कर्जासाठी अर्ज केल्यास हा स्कोअर अडथळा ठरू नये. उदाहरणार्थ, क्रेडिट कार्ड किंवा वैयक्तिक कर्जावर डिफॉल्टर असलेल्या जोडीदाराशी तुमचे लग्न झाले असेल आणि तुम्हाला नवीन घरासाठी त्याच्यासोबत संयुक्त गृहकर्ज घ्यायचे असेल, तर खूप कठीण परिस्थिती उद्भवू शकते. म्हणजेच जोडीदाराच्या क्रेडिट स्कोअरमुळे तुमचे स्वतःच्या घराचे स्वप्न अपूर्ण राहू शकते. हे वाचा - Relationship Tips: तुमच्याही बायकोचा स्वभाव तापट/चिडचिडा आहे? या 5 पद्धतींनी आरामात सोडवाल गुंता आर्थिक सवयी समजून घेणं आवश्यक लग्न करण्याचा निर्णय घेण्यापूर्वी एकमेकांच्या खर्च करण्याच्या सवयी आणि कर्ज पेलवण्याविषयीची माहिती जाणून घेणं आवश्यक आहे. एक जोडपं म्हणून तुम्ही क्रेडिट हिस्ट्री नियमितपणे तपासली पाहिजे. यामुळे तुम्हाला आर्थिक आघाडीवर आपण कुठे कमी पडत आहोत, हे जाणून घेण्यास मदत होईल आणि भविष्यासाठी एकत्रितपणे योजना बनविण्यात मदत होईल. भावी जोडीदार म्हणून तुम्ही एकमेकांना काही प्रश्न विचारता. उदाहरणार्थ, तुम्ही दोघे आर्थिकदृष्ट्या स्थिर आहात का? याशिवाय तुम्ही कर्ज वेळेवर भरत आहात की तुमच्यावर कर्जाचा बोजा आहे. तसेच तुमच्याकडे क्रेडिट कार्डची थकबाकी जास्त आहे का? या प्रश्नांची एकत्रित उत्तरे दिल्यास मार्ग सुकर होईल आणि तुम्ही भविष्यात बँकेचे कर्ज घेऊ शकाल. हे वाचा - Black Walnuts: काळे अक्रोड म्हणजे पोषक घटकांचा खजिना; अनेक आजार रोखण्यास आहे फायदेशीर CIBIL स्कोर म्हणजे काय? CIBIL स्कोअर तुमच्या क्रेडिट इन्फॉर्मेशन रिपोर्ट (CIR) च्या आधारे निर्धारित केला जातो. या अहवालात तुम्ही आतापर्यंत घेतलेल्या कर्ज आणि क्रेडिट कार्डची संपूर्ण माहिती असते. त्याच वेळी, तुम्ही तुमच्या कर्जाचा EMI, क्रेडिट कार्डचा वापर आणि त्यांची बिले कशी भरता. या आधारावर तुमचा क्रेडिट स्कोअर तयार केला जातो. तुमचा क्रेडिट स्कोर (Credit Score) काय आहे. तुम्ही हे दोन ते पाच मिनिटांत सहज शोधू शकता. यामध्ये तुम्ही अनेक वेबसाइटची मदत घेऊ शकता.