प्रतिकात्मक फोटो
भरतपूर, 20 फेब्रुवारी : देशात दिवसेंदिवस गुन्हेगारीच्या संख्येत मोठी वाढ होत आहे. अनैतिक संबंधातून हत्या तसेच आत्महत्येच्या घटना सातत्याने समोर येत आहेत. त्यातच आता आणखी एक धक्कादायक बातमी समोर आली आहे. राजस्थानमधील भरतपूरमध्ये विवाहबाह्य संबंधातून खून झाल्याची खळबळजनक घटना समोर आली आहे. येथे एका व्यक्तीच्या पत्नीने प्रियकराला सुपारी देऊन पत्नीची हत्या केली. याहूनही आश्चर्याची बाब म्हणजे या कृत्यात तिचा मुलगाही सहभागी होता. या हत्येप्रकरणी पोलिसांनी तिघांना अटक केली आहे. पत्नी गुपचूप अंतिम संस्कार करणार होती - ही घटना उद्योग नगर पोलीस ठाण्याच्या हद्दीतील अजान गावाशी संबंधित आहे. येथे 15 फेब्रुवारी रोजी नथुरामचा मृतदेह शेतात पडलेला आढळून आला होता. पोलिस घटनास्थळी पोहोचले तेव्हा त्याची पत्नी गुप्तपणे अंतिम संस्कार करणार होती. यानंतर महिलेच्या कटाचा पर्दाफाश झाल्यावर सर्वांनाच धक्का बसला. आजतकने याबाबतचे वृत्त दिले आहे. विवाहबाह्य संबंधात नथुरामचा अडथळा - पोलिसांनी संशयाच्या आधारे तपास सुरू केला असता, नथुरामची दुसरी पत्नी रानिया हिचे त्याच गावातील बहिणीचा दीर सुखबीरसोबत अनैतिक संबंध असल्याचे निष्पन्न झाले. या विवाहबाह्य संबंधात रानियाला तिचा पती नथुरामचा अडथळा होता. दुसरीकडे, नथुरामच्या पहिल्या पत्नीचा मुलगा दीपक याला जमीन विकायची होती पण वडिलांनी तसे करण्यास नकार दिला. याबाबत त्याच्या मनात राग होता. यामुळे रानियाने पतीला संपवण्यासाठी सावत्र मुलाचाही चांगला वापर केला. हेही वाचा - लग्नाच्या 6 महिन्यातच पती-पत्नीमध्ये वाद, प्रकरण कोर्टात अन् घडलं भयानक 2 लाख रुपयांत पतीच्या हत्येचा सौदा - पोलिसांनी दिलेल्या माहितीनुसार, रानियाने आपल्या पतीला हटवण्याचा कट रचला. तिला तिच्या पतीला आपल्या रस्त्यातून हटवून सुखबीरसोबतचे अनैतिक संबंध सुरू ठेवायचे होते. दुसरीकडे, वडिलांच्या मृत्यूनंतर जमीन विकून आपण सुखी राहू, असे दीपकला वाटत होते. त्यामुळे रानियाने प्रियकराशी दोन लाख रुपयांत पतीची हत्या करण्याचा सौदा केला. कट आखल्यानुसार, सुखबीरने नथुरामला गळफास लावून शेतात नेले आणि त्याचा गळा आवळून खून करून मृतदेह कालव्याच्या काठावर फेकून दिला. यानंतर दीपकला याबाबत माहिती देण्यात आली. त्यानंतर दीपकने ही गोष्ट रानियाला सांगितली. पुरावे नष्ट करण्यासाठी आरोपींनी त्याच्यावर अंत्यसंस्कार करण्याचा प्रयत्न केला. मात्र, माहिती मिळताच पोलीस घटनास्थळी पोहोचले. उद्योग नगर पोलीस स्टेशनचे प्रभारी महेंद्र राठी यांनी सांगितले की, अजान गावात राहणाऱ्या एका व्यक्तीचा मृतदेह सापडला आहे. त्याच्या मानेवर जखमेच्या खुणा होत्या. त्याची दुसरी पत्नी आणि पहिल्या पत्नीच्या मुलाने मिळून ही हत्या केल्याचे तपासात उघड झाले आहे. याप्रकरणी महिलेसह तिघांना अटक करण्यात आली आहे.