प्रतिकात्मक फोटो
मुंबई, 15 जून : आजकाल देशात बहुतांश लोक स्वयंचलित कार वापरतात, परंतु तरीही मॅन्युअल गिअरबॉक्स असलेल्या कारची संख्या अजूनही जास्तच आहे. पण मॅन्युअल गिअरबॉक्सची कार चालवताना अनेक लोक चुका करतात. या चुका दिसायला अगदी लहान आणि सामान्य वाटतात, पण त्यामुळे होणारं नुकसान मात्र मोठ्याप्रमाणावर असू शकतं. तर आम्ही तुम्हाला अशाच 3 चुकांबद्दल सांगणार आहोत, ज्या तुम्ही मॅन्युअल गिअरबॉक्ससह कार चालवताना कधीही करू नये. गियर वर हात मॅन्युअल गियरसह कार चालवताना, बहुतेक लोक एक हात स्टीयरिंग व्हीलवर ठेवतात आणि दुसरा गियर लीव्हरवर ठेवतात. गीअर लीव्हरवर हात सतत ठेवणे योग्य नाही. खरं तर, आपण फक्त गियर लीव्हर पाहू शकतो, परंतु त्यामागील कार्य दृश्यमान नाही. वाऱ्याच्या वेगाने धावणाऱ्या कारमध्ये चुकून रिवर्स गेअर टाकला तर काय होईल? असं करण्यामागचं कारण असं की तुम्ही सतत त्यावर हात ठेवल्याने कधीकधी तुमचा मेंदू कार गिअर वेगाने बदलण्याचे संकेत देत नाही. अशा स्थितीत, सतत हात धरल्यामुळे, तुम्ही ज्या मोडमध्ये गीअर बदलणार आहात त्याच मोडमध्ये कारचे ट्रान्समिशन सतत तयार असते. त्यामुळे गाडी चालवताना स्टीयरिंग व्हीलवर हात ठेवा, म्हणजे तुम्ही आणि तुमची कार दोघेही सुरक्षित राहाल. क्लच पेडल वर पाय ठेवा कार चालवताना, बरेच लोक सतत त्यांचे पाय क्लच पेडलवर ठेवतात. एक लक्षात ठेवा की, तुम्ही असे केल्याने इंधनाचा वापर वाढतो. ज्यामुळे गाडीचं मायलेज कमी होतं. याशिवाय, असे केल्याने गाडीचेही नुकसान होण्याचा धोका आहे. तुम्हाला अचानक ब्रेक लावण्याची गरज भासल्यास, घाबरून तुम्ही ब्रेकऐवजी क्लच पेडल दाबू शकता, ज्यामुळे अपघात होऊ शकतो. गाडीमधील एक्ट्रा टायरला स्टेपनी का म्हणतात? काही गाड्यांमध्ये आपल्या पायाला रेस्ट करण्यासाठी एक डेड पेडल असतो, त्यावर तुमचा पाय तुम्ही रेस्ट करण्यासाठी ठेवू शकता. सिग्नलवर गाडी गिअरमध्ये ठेवू नका स्टॉप सिग्नलवर कार गिअरमध्ये ठेवू नका. जर तुम्हाला इंजिन बंद करायचे नसेल, तर कारला न्यूट्रल मोडमध्ये ठेवणे हा उत्तम पर्याय आहे. स्टॉप सिग्नलवर गाडी गीअरमध्ये ठेवून चुकून जरी क्लच सुटला तरी गाडी पुढे जाऊ लागण्याची शक्यता असते. अशा परिस्थितीत अपघात होऊ शकतो.