नको ते धाडस पडलं महागात! सिंहासोबत सेल्फी घेणं तरुणाला चांगलंच भोवलं, पाहा VIDEO

गीर सोमनाथ, 09 मे : टिकटिकवर प्रसिद्ध होण्यासाठी वेगवेगळ्या आयडिया वापरुन व्हिडीओ तयार केले जातात. अशा व्हिडीओला सोशल मीडियावर तुफान प्रसिद्धीही मिळते. प्राण्यांसोबतचे अनेक व्हिडीओ सोशल मीडियावर व्हायरल होत असलेले आपण पाहातो पण आता एका तरुणानं थेट सिंहासोबत आधी सेल्फी आणि नंतर टिक टॉक व्हिडीओ तयार करून व्हायरल केला आहे. गीर सोमनाथ इथे या तरुणानं बसलेल्या सिंहासोबत सेल्फी घेतला आणि त्यानंतर टिकटॉक तयार केल्याचा व्हिडीओ सोशल मीडियावर तुफान व्हायरल झाला आहे.

हा व्हिडीओ व्हायरल झाल्यानंतर वन विभागाकडून या तरुणावर कारवाई करण्यात आली आहे. विशाल नावाच्या तरुणावं सिंहासोबत सेल्फी घेताना तर सावन नावाच्या तरुणानं त्यांची व्हिडीओ काढण्यासाठी मदत केल्याप्रकरणी दोघांविरुद्ध गुन्हा दाखल करण्यात आला आहे. सिंहानं जर काही केलं असतं तर त्याला जबाबदार कोण असा सवालही उपस्थित केला जात आहे. तर या दोन्ही तरुणांना अशा पद्धतीनं व्हिडीओ काढण्याची परवानगी दिली कोणी याची चौकशी सुरू आहे.

हे वाचा-चेष्टाच झाली राव! वाऱ्याने रौद्र रुप घेताच पूल झुलायला लागला, पाहा VIDEO

वाघासोबत टिकटॉक व्हिडीओ तयार करणं पडलं महागात... pic.twitter.com/F2a8abiSbO

— Kranti Kanetkar (@Krantikanetkar2) May 9, 2020

या व्हिडीओमध्ये आपण पाहू शकता तरुण कशा पद्धतीनं सिंहाला खेटून सेल्फी काढत आहे. सिंहानं त्याच्यावर हल्ला केला असता तर मोठा अनर्थ घडला असता.सिंहासोबत सेल्फी काढणं किंवा असे टिकटॉक व्हिडीओ तयार करणं हे कायद्यानं गुन्हा आहे. विना परवानगी सिंहासोबत फोटो काढणाऱ्यांवर कारवाई करण्यात येते. गीर सोमनाथ इथे अशा पद्धतीनं व्हिडीओ काढण्यास किंवा सेल्फी काढण्यासाठी मनाई असताना तरुणानं केलेल्या हा धाडसामुळे खळबळ उडाली आहे. या आधीदेखील या तरुणानं सिंहासोबत असे व्हिडीओ तयार केल्याची माहिती मिळाली आहे. त्यावेळी पोलिसांनी त्याच्यावर कारवाई केली होती.

हे वाचा-अबब! भलामोठा अजगर झाला शिकार, 15 फूट लांब किंग कोब्रानं बघताच क्षणी गिळलं