महिला पोलिसाचा ‘बाहुबली’ अवतार, बेशुद्ध नागरिकाला घेतलं खांद्यावर; Video पाहून वाटेल अभिमान

चेन्नई, 11 नोव्हेंबर: पुराच्या पाण्यात बेशुद्ध झालेल्या (Lady police picks flood victim on her shoulder to send him to hospital video goes viral) नागरिकाला स्वतःच्या खांद्यावर उचलून उपचारासाठी पाठवणाऱ्या महिला पोलिसाचं सध्या देशभर कौतुक होत आहे. पुराच्या पाण्यात अडकल्यामुळे बेशुद्ध झालेल्या या व्यक्तीला बऱ्याच (No one was helping) वेळापासून कुणी मदत करत नव्हतं. पोलीस स्टेशनला याची माहिती मिळाल्यानंतर घटनास्थळी पोहोचत महिला पोलीस कर्मचाऱ्यानं त्याला तातडीनं खांद्यावर घेत रिक्षात बसवलं आणि उपचारांसाठी पाठवून दिलं. या घटनेचा व्हिडिओ काही (Video goes viral) नागरिकांनी शूट केला आणि सोशल मीडियावर टाकला.

Inspector E. Rajeshwari of the Chennai Police just being the badass she always has been. Seen here rescuing a man found unconscious in the flooded city. Salute! pic.twitter.com/3tfte9AdTR

— Shiv Aroor (@ShivAroor) November 11, 2021

पूरग्रस्ताला केली मदत

चेन्नईतील इन्स्पेक्टर राजेश्वरी यांना किलपुल स्मशानभूमीतून एक फोन आला. तिथे एक माणूस बेशुद्ध पडल्याचं त्यांना समजलं. त्यानंतर राजेश्वरी या सहकाऱ्यांसोबत तिथं पोहोचल्या. त्या ठिकाणी उदयकुमार नावाची व्यक्ती बेशुद्धावस्थेत पडली होती. ही व्यक्ती मुळातच अशक्त असल्यामुळे तिला उठता येत नव्हतं. पुराचं पाणी नाकातोंडात गेल्यामुळे ती बेशुद्ध झाली होती. मात्र त्या व्यक्तीचा श्वास सुरु असल्याचं समजताच बिलकूल वेळ न दवडता त्याला हॉस्पिटलमध्ये नेण्याची गरज असल्याचं राजेश्वरी यांच्या लक्षात आलं.

खांद्यावर उचलून ठेवलं रिक्षात

खांद्यावर उचलून त्यांनी उदयकुमार यांना एका रिक्षात ठेवलं आणि उपचारांसाठी तातडीनं हॉस्पिटलला पाठवन दिलं अनवाणी पायानं एकाचा जीव वाचवण्यासाठी राजेश्वरी यांनी दाखवलेल्या जिगरबाजपणाचं सोशल मीडियावर जोरदार कौतुक होत आहे.

हे वाचा- 'बीफ खाण्यास चुकीचं मानत नव्हते सावरकर, गायीला माता मानण्याच्याही होते विरोधात'

व्हिडिओ होतोय व्हायरल

राजेश्वरी यांनी दाखवलेल्या धैर्याचा व्हिडिओ सध्या सोशल मीडियावर जोरदार व्हायरल होत आहे. अनेक नेटिझन्सकडून राजेश्वरी यांचं कौतुक करत त्यांना सलाम केला जात आहे. आजकाल ज्यांच्या कामाचं कौतुक करावं, असे फारच कमी लोक पाहायला मिळत असल्याची प्रतिक्रिया नेटिझन्स देत आहेत.