)
बंगळुरू, 11 ऑगस्ट : कर्नाटकचे उद्योगपती श्रीनिवास गुप्ता यांनी नुकतेच आपल्या नव्या बंगल्यात गृहप्रवेश केला. मात्र हा गृहप्रवेशाची देशभरात चर्चा केली जात आहे. याचे कारण म्हणजे श्रीनिवास यांनी नव्या घरात आपल्या पत्नीच्या मेणाच्या पुतळ्यासह प्रवेश केला. जुलै 2017 मध्ये त्यांची पत्नी माधवी यांचे कार अपघातात निधन झाले. पत्नीची आठवण सोबत असावी आणि तिचे स्वप्न पूर्ण व्हावे, यासाठी त्यांनी आर्किटेक्टच्या मदतीने हा पुतळा तयार केला. हा मेणाचा पुतळा हुबेहुब दिसत आहे. या पुतळ्याचे फोटो आणि व्हिडीओ सोशल मीडियावर मोठ्या प्रमाणात व्हायरल होत आहेत. तीन वर्षांपूर्वी माधवी आपल्या मुलींसोबत तिरुपतीला जात असताना, त्यांचा अपघात झाला. यात त्यांचा जागीच मृत्यू झाला. माधवी यांचे स्वप्न होते की, आपला एक बंगला असावा. अखेर श्रीनिवास यांनी तीन वर्षांनी आपल्या पत्नीचे स्वप्न पूर्ण केले. एवढेच नाही तर कुटुंब पूर्ण करण्यासाठी आपल्या पत्नीचा मेणाचा पुतळाही तयार केला. वाचा- कमाल! आजीनं केला 85 फूट उंच पोलवर डान्स, काळजचा ठोका चुकवणारा VIDEO
वाचा- अमिताभ यांची नात आराध्या आजोबांसारखी बोलते हिंदी; ऑनलाईन शाळेचा VIDEO VIRAL श्रीनिवास गुप्ता यांनी याबाबत सांगिते की, ‘माझ्या पत्नीला पुन्हा माझ्या घरात पाहून मला आनंद झाला. बेंगळुरू कलाकार श्रीधर मूर्ती यांना माझ्या पत्नीचा पुतळा बनवण्यासाठी एक वर्षाचा कालावधी लागला’. हा पुतळा तयार करण्यासाठी सिलिकॉनचा वापर करण्यात आला आहे.
वाचा- सेरेब्रल पाल्सी असलेल्या चिमुकलीने गाठली यशाची ‘पायरी’ VIDEO VIRAL दरम्यान, सध्या सोशल मीडियावर या पुतळ्याचे फोटो व्हायरल झाले आहे. लोकांनी श्रीनिवास यांचे कौतुक केले आहे.
+6
फोटो
