बायकोसाठी हायवोल्टेज ड्रामा; मोबाईल टॉवरवर चढला नवरा, ती खाली दिसताच...; VIDEO मध्ये पाहा काय घडलं

जयपूर, 12 जून : बायको (Wife) माहेरी गेली की आपली मजा असते, असे बहुतेक पुरुष (Husband and wife) म्हणतात. पण जेव्हा ती खरंच माहेरी जाते किंवा काही दिवस त्यांच्यापासून दूर होते. तेव्हा मात्र त्यांना बिलकुल करमत नाही. मग तिला घरी आणण्यासाठी ते काय काय नाही करत. सध्या असाच एक व्हिडीओ सोशल मीडियावर (Social media video) व्हायरल (Viral video) होतो आहे. ज्यात बायकोसाठी नवऱ्याने हायवोल्टेज ड्रामा (Highvoltage drama for wife) केला आहे. सोशल मीडियावर एका नवऱ्याचा व्हिडीओ व्हायरल (Husband on mobile tower for wife) होतो आहे. माहेरी गेलेल्या बायकोला परत आणण्यासाठी तो चक्क मोबाईल टॉवरवर चढला. ट्विटरवर हा व्हिडीओ पोस्ट करण्यात आला आहे.

कोटा - पत्नी वियोग में पति चढ़ा मोबाइल टावर पर, 3 घंटे चला ड्रामा -पुलिस ने मौके पर पीहर से बुलाई पत्नी, पत्नी को देखकर फिर नीचे उतरा पति ,,😂 pic.twitter.com/tB5ZeCXRJb

— Alok Kumar (@dmalok) June 12, 2021

व्हिडीओत पाहू शकता, एक व्यक्ती उंच मोबाईल टॉवरवर चढली आहे. ट्विटरवर दिलेल्या माहितीनुसार ही घटना राजस्थानच्या कोटामधील आहे. या व्यक्तीची बायको त्याला सोडून माहेरी गेली. पत्नी सोडून गेल्याने त्याला दुःख सहन झालं नाही. त्यामुळे तो थेट मोबाईल टॉवरवर चढला. तब्बल 3 तास त्याचा हा ड्रामा सुरू होता. अगदी शोलेतील बसंतीच्या वीरूलाही या नवरोबाने मागे टाकलं आहे. हे वाचा - आश्चर्य! व्हेलने शिकार केली; 40 सेकंदातच तिच्या जबड्यातून जिवंत आली व्यक्ती मोबाईल टॉवरवर बरेच लोक जमले. पोलीसही आले. त्या व्यक्तीला खाली उतरवण्याचा प्रयत्न करत होते. पण तो काही ऐकनाच. शेवटी पोलिसांनी त्याच्या पत्नीला माहेरून बोलावलं. त्याची पत्नी आपल्या नवऱ्याचा प्रताप समजताच धावत घटनास्थळी आली. बायको माहेरून परत आल्याचं पाहताच त्याच्या आनंदाला पारावर उरला नाही. पत्नीला भेटण्यासाठी लगेच ही व्यक्ती मोबाईल टॉवरवरून खाली उतरली. सुदैवाने त्याला कोणताही दुखापत झाली नाही.