)
मुंबई, 10 जानेवारी : आपण प्रसिद्ध व्हावं, असं प्रत्येकाला वाटत असतं. सध्या प्रसिद्ध होण्याचं सहजसोपं माध्यम म्हणजे सोशल मीडिया. पण तरी सोशल मीडियावर (Social media) प्रसिद्ध होण्यासाठीही खूप मेहनत घ्यावी लागतो. रातोरात कुणीच फेमस होत नाही. सोशल मीडियावर फेमस होण्यासाठी लोक काय काय नाही करत. कुणी आपल्या सौंदर्याची जादू दाखवतं, तर कुणी आपल्यातील कौशल्य. कुणी काहीतरी मजेशीर करतं तर कुणी विचित्र. पण तुम्हाला आश्चर्य वाटेल, तुम्हाला फोटोत दिसणारं हे एक साधं अंडं (An Egg becomes the most liked picture), तसं पाहायला गेलं तर त्यात काहीच नाही. तरी या अंड्याचा फोटो सोशल मीडियावर चर्चेत आहे (Egg photo on Instagram). सोशल मीडियावर लोकांना कधी काय आणि कसं आवडेल सांगू शकत नाही. तुम्हाला धक्का बसेल पण या अंड्याच्या फोटोला सोशल मीडियावर आता 55 दशलक्ष लाइक्स आहेत. लाइक्सच्या बाबतीत या अंड्याने तर प्रसिद्ध मॉडेललाही मागे टाकलं आहे (Most Liked Picture on Instagram). तुम्ही जर फोटो पाहिला तर या अंड्यात तसं काही खास नाही. म्हणजे आपण एरवी जे अंड पाहतो, ज्याचं आपण ऑमलेट करतो, अंडा करी करतो, बुर्जी करतो अगदी तसंच हे अंड आहे. फक्त त्याचा रंग थोडा वेगळा आहे पण तरी त्याला इतके लाइक्स मिळतील यावर आपला विश्वासच बसणार नाही. हे वाचा - बापरे! ही रेस्टॉरंटमधील सर्वात महागडी डिश आहे? किमतीऐवजी पदार्थ पाहूनच फुटेल घाम गिनीज बुक ऑफ रेकॉर्डच्या (Guinness World Records) ट्विटर अकाऊंटवर या अंड्याचा फोटो पोस्ट करण्यात आला आहे. या पोस्टमध्ये दिलेल्या माहितीनुसार इन्स्टाग्रामवर आतापर्यंक सर्वाधिक लाइक्स मिळणाऱ्या फोटोत या साध्या अंड्याचा फोटो सर्वात पुढे आहे. त्यातही शॉकिंग म्हणजे या फोटोने लाइक्सच्या बाबतीत जगातील सर्वात प्रसिद्ध मॉडल काइली जेनरच्या (Kylie Jenner Picture) फोटोलाही मागे टाकलं आहे.
The World Record Egg was posted three years ago today and is STILL the most liked picture on Instagram with 55.5 million likes!https://t.co/iUBaYADG08
— Guinness World Records (@GWR) January 4, 2022
2019 साली या अंड्याचा फोटो World_record_egg इन्स्टाग्रामवर पोस्ट करण्यात आला होता. 3 वर्षांपूर्वी इन्स्टाग्रामवर पोस्ट करण्यात आलेल्या या फोटोने एक वेगळाच रेकॉर्ड बनवला आहे. त्यावेळी सर्वाधिक लाइक मिळालेल्या काइली जेनरच्या फोटोलाही लाइक्सच्या बाबतीत मागे टाकलं आहे. आतापर्यंत या फोटो 55.5 दशलक्ष लाइक्स मिळाले आहेत. विशेष म्हणजे ज्या इन्स्टाग्राम अकाऊंटवरून हा फोटो पोस्ट करण्यात आला आहे. त्या अकाऊंटवर फक्त हा एकच फोटो आहे. त्याच्याआधी आणि त्याच्यानंतर दुसरा कोणताच फोटो पोस्ट करण्यात आलेला नाही. हे वाचा - Viral होतोय सर्वात महागड्या मिठाईचा VIDEO, किंमत ऐकूनच भरेल पोट! गिनीज वर्ल्ड रेकॉर्डने दिलेल्या माहितीनुसार ज्यावेळी या अंड्याचा फोटो पोस्ट करण्यात आला त्यावेळी काइली जेनरच्या फोटोला सर्वात जास्त लाइक होते. काइली जेनरच्या पोस्टला मागे टाकण्यासाठी या अंड्याचा फोटो पोस्ट करण्यात आला होता. या अंड्याला जास्तीत जास्त लाइक्स करावे, असं आवाहनही नेटिझन्सना करण्यात आलं होतं. त्यानंतर अंड्याच्या फोटोला लाइक करण्याची जणू मोहीमच सुरू झाली. आता इन्स्टाग्रामवर सर्वाधिक लाइक मिळालेला हा फोटो आहे.
+6
फोटो
