Viral होतोय सर्वात महागड्या मिठाईचा VIDEO, किंमत ऐकूनच भरेल पोट!

नवी दिल्ली, 9 जानेवारी: एका अत्यंत सुंदर, चविष्ट, तोंडाला पाणी (Tasty and yummy sweet) सुटणाऱ्या पण सर्वात महाग (Costly) असणाऱ्या मिठाईचा व्हिडिओ (Video of sweet item) सोशल मीडियात (Social Media) जोरदार व्हायरल (Viral) होत आहे. मिठाई हा अनेकांच्या आवडीचा विषय आहे. गोड खायला आवडणाऱ्यांचं प्रमाण भारतात मोठं आहे आणि त्यामुळेच भारतात मिठाईचे सर्वाधिक प्रकार तयार केले जातात. लग्न असो, समारंभ असो, एखादं निमित्त असो किंवा फक्त मूड असो, अनेकजण मिठाईच्या दुकानात धाव घेऊन आपल्या जिभेचे चोचले पुरवताना दिसतात. सध्या अशीच एक मिठाई व्हायरल होत आहे, ती तिच्या किंमतीवरून. अशी आहे मिठाई व्हायरल होत असलेल्या या व्हिडिओत एका हलवाई मिठाई तयार करत असल्याचं दिसतं. अगोदर तो मिठाईवर सोन्याचा वर्ख चढवतो. एकामागून एक वर्ख चढवून पूर्ण मिठाई वर्खने झाकली जाते. त्यानंतर ही मिठाई एका प्लेटमध्ये घेऊन सुरीनं त्याचे एकसारखे काप केले जातात. त्यानंतर त्यावर केशराचे बारीक बारीक तुकडे तो अलगदपणे सोडतो आणि ही मिठाई खाण्यासाठी आणि सर्व्ह करण्यासाठी तयार असल्याचं सांगतो.  

शेवटी दिसते किंमत ही मिठाई तयार झाल्यानंतर व्हिडिओत या मिठाईची किंमत दिसते. मिठाईची किंमत आहे 16 हजार रुपये किलो. आता ही किंमत ऐकून अऩेकांची तोंडं कडू झाल्याचे अनुभव सांगितले जात आहेत. तर अनेकांनी मिठाई खाण्याची इच्छाच किंमत ऐकून संपल्याचं म्हटलं आहे. मिठाई खाण्याची आवड असली, तरी या मिठाईची एवढी किंमत नेमकी कशामुळे, असा प्रश्नही अनेकांनी उपस्थित केला आहे. तर मिठाई खाण्यापेक्षा गूळ खाऊनच आपली इच्छा पूर्ण करावी, असं या मिठाईची किंमत ऐकल्यावर वाटत असल्याची प्रतिक्रिया एकानं दिली आहे. एकाने तर अख्ख्या महिन्याचा पगारच या मिठाईवर खर्च करावा लागेल, असं म्हटलं आहे. हे वाचा -  काळीज पिळवटून टाकणारं कारण व्हिडिओ होतोय व्हायरल सध्या या मिठाईचा व्हिडिओ सोशल मीडियात जोरदार व्हायरल होत असून साडेआठ लाखांपेक्षा अधिक जणांनी तो पाहिला आहे. अद्यापही चाहते हा व्हिडिओ पाहत असून त्यावर वेगवेगळ्या कमेंट्स देत आहेत.

• Follow us on