अमेरिकेत भारतीय वंशाचा रेल्वेचालक ठरला हिरो; 'असा' वाचवला एकाचा जीव

अमेरिका, 31 मे: अमेरिकेत (USA) न्यूयॉर्कमध्ये (New York) एका भारतीय वंशाच्या रेल्वेचालकाचं (Indian Origin Train Operator) सध्या सगळीकडे कौतुक होत आहे. टोबिन मडाथिल (Tobin Madathil) असं या चालकाचं नाव असून, त्यानं प्रसंगावधान दाखवल्यानं सबवे ट्रॅकवर ढकलण्यात आलेल्या एका आशियाई माणसाचा जीव वाचला आहे. यामुळे 29 वर्षांचा टोबिन मडाथिल ‘हिरो’ (Hero) ठरला आहे. इंडियन एक्स्प्रेसनं दिलेल्या वृत्तानुसार, अमेरिकेत सध्या आशियाई लोकांच्या द्वेषातून (Asian Hate Crimes) होणाऱ्या गुन्ह्यांची संख्या वाढत आहे. त्यातूनच एका आशियाई व्यक्तीला रेल्वे ट्रॅकवर ढकलण्याची अमानुष घटना घडली. मात्र टोबिन मडाथिलच्या प्रसंगावधानामुळे हा अपघात टळला. सोमवारी सकाळी तो चालवत असलेली ट्रेन ट्वेंटी फर्स्ट स्ट्रीट क्वीन्सब्रिज स्थानकात प्रवेश करत असताना टोबिननं सबवेवर ट्रॅकवर काहीतरी पडल्याचं बघितलं. त्याच्या मनानं धोक्याची नोंद घेतली आणि त्यानं क्षणाचाही विचार न करता रेल्वेला ब्रेक लावला आणि ट्रॅकवर पडलेल्या एका माणसापासून सुमारे 30 फूट अंतरावर त्याची एफ ट्रेन (F Train) थांबविण्यात यश मिळवलं.

Let’s find him. This morning at the Queensbridge F station, the pictured male did push a 35 year old male onto the tracks causing serious physical injury. https://t.co/lQiYx9cCo6

— Asian Hate Crimes Task Force (@NYPDAsianHCTF) May 25, 2021

न्यूयॉर्क पोस्टला या प्रसंगाची माहिती देताना टोबिन मडाथिल म्हणाला, ‘मी वेळेत ट्रेन थांबवू शकलो आणि त्या माणसाचा जीव वाचवू शकलो याचा मला अतिशय आनंद आहे. माझी ट्रेन स्टेशनमध्ये शिरत असतानाच लोक माझ्याकडे बघून हातवारे करत होते. ते बघून मी तातडीनं ट्रेन इमर्जन्सी मोडमध्ये टाकली आणि ती वेळेत थांबली. ट्रेन थांबल्यावर मी ट्रॅकवर पडलेल्या व्यक्तीकडे गेलो आणि बघितलं तर त्याच्या डोक्यातून रक्त वाहत होतं. लोकांच्या मदतीनं मी त्याला प्लॅटफॉर्मवर आणलं. लोक सतर्क असल्यानं त्यांनी वेळेत मला इशारा केल्यानं हे घडलं.’ हेही वाचा- “हॅलो, मी नरेंद्र मोदी बोलतोय”;तुम्ही कसे आहात? त्या जखमी व्यक्तीला माउंट सिनाई मेडिकल सेंटरमध्ये नेण्यात आलं असून त्याच्यावर उपचार सुरू आहेत. दरम्यान, या घटनेबाबत अधिक माहिती देताना स्थानिक अधिकाऱ्यांनी सांगितलं की, ही 35 वर्षीय व्यक्ती दक्षिणेकडील प्लॅटफॉर्मवर उभी असताना तिच्या पाठीमागं असलेल्या एका अज्ञात व्यक्तीनं काही तरी बडबडत तिला ढकलून दिलं. न्यूयॉर्क पोलीस विभाग (NYPD) त्या अज्ञात गुन्हेगाराचा शोध घेत असून, तो साधारण 20 ते 30 वर्षे वयाची 6 फूट उंच व्यक्ती असून, हल्ल्याच्या दिवशी मास्कसह तिनं हूडी, पँट आणि शूजसह संपूर्ण काळ्या रंगाचा पोशाख घातला होता, अशी माहिती समोर आली आहे. द्वेषविरोधी गुन्हे कृती दलानंही (Anti Hate Task Force) लोकांना या गुन्हेगाराला शोधण्यासाठी मदतीचं आवाहन केलं आहे. ट्विटरवर त्याचा फोटो प्रसारित करत तिला पकडून देणाऱ्यास 3500 डॉलर्सचं बक्षीस जाहीर केलं आहे. प्रवाशांच्या सुरक्षिततेसाठी सर्व ते प्रयत्न करण्यात येत असल्याचं मेट्रो ट्रेन व्यवस्थापनानं (MTA) एका निवदेनाद्वारे जाहीर केलं आहे. हेही वाचा- 'चीनमध्येच कोरोना विषाणूची निर्मिती; वटवाघळाचा फक्त बहाणा'