)
नवी दिल्ली, 29 जानेवारी: काही दिवसांपूर्वी मीडिया आणि सोशल मीडियावर (Social Media Viral Video) एक व्हिडीओ व्हायरल झाला होता. भारत आणि पाकिस्तानच्या फाळणीमध्ये (India Pakistan partition) वेगळे झालेले दोन सख्खे भाऊ पाकिस्तानमधील कर्तारपूर गुरुद्वारामध्ये (Gurdwara Darbar Sahib Kartarpur) एकमेकांना मिठी मारून रडताना दिसत होते. 74 वर्षांनंतर या दोन भावांची एकमेकांशी भेट झाली होती. हा व्हिडीओ व्हायरल झाल्यानंतर पाकिस्तान सरकारनं (Pakistan Government) शुक्रवारी (28 जानेवारी 2022) भारतात राहणाऱ्या भावासाठी व्हिसा (Pakistan Visa) मंजुर केला आहे. यामुळे आता भारतात राहणारी व्यक्ती आपल्या भावाला आणि इतर नातेवाईकांना भेटण्यासाठी पाकिस्तानात जाऊ शकेल. सिका खान आणि मोहम्मद सिद्दिकी, अशी या दोन भावांची नावं आहेत. 1947 मध्ये भारत आणि पाकिस्तानच्या फाळणीच्या वेळी सिका खान भारतात राहिले आणि मोहम्मद पाकिस्तानात गेले. सिका इतके लहान होते की त्यावेळी त्यांना चालतासुद्धा येत नव्हतं. बाल्यावस्थेतच सिका खान यांची त्यांचा मोठा भाऊ मोहम्मद सिद्दिकी आणि कुटुंबातील इतर सदस्यांपासून ताटातूट झाली होती. काही वर्षांपूर्वी ‘पंजाबी लहर’ (Punjabi Lehar) या लोकप्रिय पाकिस्तानी युट्युब चॅनेलनं (Youtube channel) या दोन भावांची गोष्ट हायलाईट केली. त्यानंतर 2019 मध्ये ते व्हिडीओ कॉलद्वारे एकमेकांशी संपर्क साधू शकले होते. हे वाचा- तंत्रज्ञानाचा आविष्कार; रोबोटने केली गुंतागुंतीची शस्त्रक्रिया, डॉक्टरही अवाक दरम्यान, भारत आणि पाकिस्तान सरकारनं एक विशेष कॉरिडॉर तयार केला आहे. ज्याअंतर्गत भारतीय नागरिक शीख समुदायाचं (Sikh community) प्रमुख श्रद्धास्थान असलेल्या कर्तारपूर साहिब गुरुद्वाराला कोणत्याही व्हिसाशिवाय भेट देऊ शकतात. त्यानंतर या वर्षी (2022) जानेवारी महिन्याच्या सुरुवातीस, त्याच युट्युब चॅनेलनं अथक प्रयत्न करून दोन्ही भावांची कर्तारपूर गुरुद्वारामध्ये पुन्हा भेट घालून दिली. दोन भावांचा गुरुद्वारात एकमेकांना मिठी मारून रडतानाचा व्हिडीओ समोर आला. तो व्हिडीओ पाहून दोन्ही देशांतील हजारो लोक भावूक झाले. दोन भावांपैकी सिका खान पंजाबमधील भटिंडा (Bathinda) जिल्ह्यातील फुलेवाला गावात राहतात तर, मोहम्मद सिद्दिकी पाकिस्तानात राहतात. कर्तारपूर गुरुद्वारात आपल्या भावाला भेटल्यानंतर सिका खान यांना आपल्या खरं नावदेखील माहिती झालं. सिका खान यांच्या आई-वडिलांनी त्यांचं नाव हबीब खान असं ठेवलेलं होतं.
Kartarpur Sahib corridor has reunited two elderly brothers across the Punjab border after 74 years. The two brothers had parted ways at the time of partition. A corridor of reunion 🙏 pic.twitter.com/g2FgQco6wG
— Gagandeep Singh (@Gagan4344) January 12, 2022
हजारो नागरिकांना इमोशनल करणारा हा व्हिडीओ उच्चपदस्थ पाकिस्तानी अधिकाऱ्यांपर्यंतसुद्धा पोहचला. शुक्रवारी, नवी दिल्ली स्थित पाकिस्तानी उच्चायुक्तालयानं (Pakistan High Commission) सिका खान यांचा व्हिसा मंजूर केला आहे. जेणेकरून ते आता आपल्या भावाला आणि कुटुंबातील इतर सदस्यांना भेटण्यासाठी पाकिस्तानला जाऊ शकतील. याबाबत पाकिस्तानी उच्चायुक्तांनी एका ट्विटमध्ये म्हटलं आहे की, ‘नोव्हेंबर 2019 मध्ये पाकिस्तानच्या बाजूनं उघडलेला व्हिसा-मुक्त कर्तारपूर साहिब कॉरिडॉर दोन्ही देशांतील लोकांना एकमेकांच्या जवळ आणत आहे, ही बाब दोन्ही भावांच्या गोष्टींतून सिद्ध झाली आहे’. सिका खान यांनी पाकिस्तानी उच्चायुक्तालयाचे प्रभारी आफताब हसन खान (Aftab Hassan Khan) आणि उच्चायुक्तालयातील इतर अधिकाऱ्यांची भेट घेतली. पाकिस्तानी अधिकाऱ्यांनी केलेल्या सहकार्याबद्दल त्यांचे आभारही मानले. हे वाचा- Pakistan Terrorist Attack: बलुचिस्तानमध्ये मोठा दहशतवादी हल्ला, 10 सैनिकांचा मृत्यू; एक दहशतवादी ठार नासीर धिल्लन आणि लव्हली सिंग हे दोन पाकिस्तानी तरुण ‘पंजाबी लहर’ हे युट्युब चॅनल चालवतात. फाळणीच्या वेळी विभक्त झालेल्या दोन्ही देशांतील पंजाब भागातील कुटुंबांच्या कथा समोर आणण्यावर या चॅनलचा भर आहे. फाळणीच्या वेळी या भागातील सुमारे 12 दशलक्ष लोक स्थलांतरित झाले होते. ज्यामध्ये 65 लाखांहून अधिक लोक भारतातून आणि सुमारे 50 लाख लोक पाकिस्तानच्या बाजूनं स्थलांतरित झाले होते. 2019 मध्ये नासीर आणि लव्हली कामानिमित्त पाकिस्तानमधील फैसलाबादजवळच्या बोहरान गावामध्ये गेले होते. त्यावेळी त्यांना सिका खान व त्यांच्या भावाबद्दल माहिती मिळाली होती.
+6
फोटो
