• Home
  • »
  • News
  • »
  • videsh
  • »
  • धनुष्यबाण घेऊन गर्दीत पोहोचला हल्लेखोर, बाण सोडल्यानं 5 जण ठार तर अनेक जखमी

धनुष्यबाण घेऊन गर्दीत पोहोचला हल्लेखोर, बाण सोडल्यानं 5 जण ठार तर अनेक जखमी

पोलिसांनी त्याचा पाठलाग करत संशयित हल्लेखोराला ताब्यात घेतलं असल्याची माहिती कोंग्सबर्ग शहर पोलीस दलाचे प्रमुख (Police Chief) ओयिंग आस यांनी पत्रकार परिषदेत दिली.

  • Share this:
युरोप, 14 ऑक्टोबर: पाश्चिमात्त्य देशात माथेफिरू लोकांनी अचानक गोळीबार करण्याच्या घटनांचे प्रमाण अधिक आहे. बहुतांश वेळा असा हल्ला करणारे लोक हे मानसिक रुग्ण असल्याचे आढळले आहे. अमेरिका, युरोपियन देशात हे प्रमाण अधिक आहे. पिस्तूल, बंदुकीसारखी हत्यारं वापरण्याचा परवाना सहज मिळत असल्याचाही हा परिणाम आहे, असं म्हटलं जातं. नॉर्वेसारख्या शांत देशातही नुकतीच अशी घटना घडल्यानं सर्वत्र खळबळ माजली आहे. टीव्ही9 हिंदीने याबाबतचे वृत्त दिलं आहे. नॉर्वेमधील (Norway) कॉंग्सबर्ग (Kongsberg) शहरात बुधवारी संध्याकाळी ही घटना घडली. एका अज्ञात व्यक्तीने धनुष्यबाण घेऊन गर्दीच्या ठिकाणी अचानक हल्ला (Attack)केला. त्याने सोडलेल्या बाणांमुळे (Arrows) अनेक लोकांचा बळी (Death) गेला तसंच अनेक लोक जखमी (Injured) झाले. पोलिसांनी त्याचा पाठलाग करत संशयित हल्लेखोराला ताब्यात घेतलं असल्याची माहिती कोंग्सबर्ग शहर पोलीस दलाचे प्रमुख (Police Chief) ओयिंग आस यांनी पत्रकार परिषदेत दिली. हेही वाचा-  कर्जबाजारी पाकिस्तान दिवाळखोरीच्या वाटेवर; जगातील सर्वात गरीब देशांसारखी झाली परिस्थिती
 या घटनेबाबत अधिक माहिती देताना ते म्हणाले की, नॉर्वेच्या स्थानिक वेळेनुसार संध्याकाळी 6.30 च्या सुमारास ओस्लोच्या दक्षिण-पश्चिमेस 60 किलोमीटर अंतरावरील कोंग्सबर्ग शहराच्या मध्यवर्ती चौकात घडली. संशयित हल्लेखोराने या गर्दीच्या भागात पायी चाललेल्या लोकांवर धनुष्यबाणाच्या सहायाने बाण सोडून हा हल्ला केला. अचानक झालेल्या या हल्ल्याने भांबावलेल्या लोकांची जीव वाचवण्यासाठी पळापळ सुरू झाली. काही लोक जागीच मरण पावले तर काही लोक जखमी झाले. हा आरडाओरडा, गोंधळ सुरू असताना हल्लेखोर इथून दुसऱ्या भागात पळाला. दरम्यान, पोलिसांना या हल्ल्याची खबर मिळाल्यानं त्यांनी तातडीनं घटनास्थळी धाव घेतली आणि संशयित हल्लेखोराचा पाठलाग करण्यास सुरुवात केली आणि अखेर त्याला घटनास्थळापासून 25 किमी अंतरावरील ड्राईमन भागात पकडण्यात पोलिसांना यश आलं. यावेळी त्यानं पोलिसांवरही हल्ला करण्याचा प्रयत्न केला. हल्लेखोराला पकडण्यासाठी पोलिसांनी हेलिकॉप्टर आणि बॉम्ब शोधक पथकेही तैनात केली होती.
हेही वाचा- अरे ही तर Rapunzel! 23 वर्षात एकदाही लावली नाही केसांना कात्री, आता पायापर्यंत पोहोचतात घनदाट केस, पाहा PHOTOS
हल्ला करणारी व्यक्ती एकटीच असल्याचे स्पष्ट झाले असून, हा दहशतवादी हल्ला (Terrorist Attack) आहे की परस्पर वैमनस्यातून झालेला हल्ला याचा शोध पोलिस घेत असल्याचं पोलीस प्रमुख ओयिंग आस यांनी स्पष्ट केलं. या हल्ल्यात मरण पावलेल्या आणि जखमी झालेल्या लोकांची मात्र अद्याप कोणतीही माहिती दिली जाऊ शकत नाही. न्यायमंत्री (Justice Minister) मोनिका मिलँड यांना घटनेची माहिती देण्यात आली असल्याचंही त्यांनी नमूद केलं.
या हल्ल्यानं नॉर्वेसारख्या शांत देशातील वातावरण ढवळून निघालं असून लोकांमध्ये दहशतीचं, भीतीचं वातावरण निर्माण झालं आहे.
Published by:Pooja Vichare
First published: