''...त्याचे हात- पायही होते गायब'', अमेरिकेच्या विमानातून पडलेल्या मृत तरुणाच्या कुटुंबियांनी सांगितला भयानक अनुभव

काबूल, 19 ऑगस्ट: दोन दिवसांपूर्वी काबूल विमानतळावरील (Kabul Airport) एक धक्कादायक व्हिडीओ (Video) समोर आला होता. देश सोडण्यासाठी नागरिकांनी विमानतळावर गर्दी केली होती. याचवेळी काबूल विमानतळावरुन उड्डाण घेणाऱ्या विमानात जागा न मिळाल्यानं तीन तरुणांनी विमानाचे टायर पकडले आणि लटकले होते. मात्र ते तिघंही खाली पडले. या घटनेचा व्हिडिओ सोशल मीडियावर (Social Media) व्हायरल झाला होता. आता विमानातून खाली पडणाऱ्या एका मुलाच्या कुटुंबाची माहिती समोर आली आहे. मृत तरुणाचा मृतदेह सापडल्यानंतरचा एक भयानक क्षण सांगितला आहे. काबूल विमानतळावरुन USAF’s च्या C-17A या वाहतूक विमानाने उड्डाण केलं. अफगाणिस्तानातून पळून जाण्यासाठी, या देशातून कसंही बाहेर पडण्यासाठी तरुण थेट विमानाच्या इंजिनवरच बसले. हे तरुण इंजिनवर बसूनच लँडिंग गिअर पकडून होते. काबूलमधून कसंही बाहेर पडण्यासाठी त्यांची ही धडपड होती. परंतु विमानाने उड्डाण करताच लँडिंग गिअर पकडलेले अफगाणी लोक हवेतून खाली पडले. या घटनेचा धक्कादायक व्हिडिओ समोर आला होता.

यातच 17 वर्षीय तरुण खाली पडतानाची घटना कॅमेऱ्यात कैद झाली. या मृत तरुणाच्या कुटुंबियांनी सांगितलं की, त्याचे पाय आणि हात गायब झाले होते. मी स्वतः त्याचा मृतदेह परत आणला. सोमवारी C-17A विमानातून लोकांना पडलेले पाहिलेल्या प्रत्यक्षदर्शींनी त्यांचे अवशेष शोधून काढले आणि काबूलच्या मुख्य विमानतळावरुन हटवले. द सनच्या रिपोर्टनुसार, 17 वर्षीय मृत तरुणाच्या नातेवाईकानं सांगितलं की, ज्यावेळी त्याच्या मोबाईलवर कॉल केला तेव्हा समजलं की काहीतरी गडबड आहे. कारण त्याचा फोन एका अनोळखी व्यक्तीनं उचलला होता. त्यानंतर चितेंत असलेल्या कुटुंबियांनी 17 वर्षीय मृत तरुण आणि त्याचा 16 वर्षीय त्याच्या भावाला शोधण्यासाठी विमानतळावर पोहोचले.

कुटुंबाने सांगितले की, दोन्ही भाऊ तालिबानच्या तावडीतून सुटण्यासाठी इतके हतबल झाले होते की, दोघेही सुरक्षितपणे दुसऱ्या देशात जाण्यासाठी विमानतळावर पोहोचले होते. हेही वाचा-  ‘या’ देशात आता लोकांना घ्यावा लागणार Vaccineचा बूस्टर शॉट भावाचा मृतदेह अद्याप गायब मृत तरुणाच्या 16 वर्षीय भावाचा मृतदेह अद्याप सापडला नाही आहे. आम्ही अस्वस्थ आहोत, कारण आमच्या कुटुंबियातले दोन सदस्य गमावले आहेत. आम्हाला दोघांपैकी एकाचा मृतदेह मिळाला आहे. मात्र दुसऱ्याचा अजूनही बेपत्ता आहे. त्याचा शोध घेण्यासाठी अनेक रुग्णालयांमध्ये जाऊन चौकशी केली. जेणेकरून तो मृत किंवा जिवंत सापडेल. मात्र, आम्हाला अद्याप कोणतीही माहिती मिळालेली नाही.

• Follow us on