अमेरिकेसाठी चीन सर्वात मोठा धोका; ट्रम्प बड्या कारवाईच्या तयारीत

अमेरिकेसाठी चीन सर्वात मोठा धोका; ट्रम्प बड्या कारवाईच्या तयारीत

गेल्या 15 दिवसात डोनाल्ड ट्रम्प यांनी चीनबाबत 9 महत्त्वापूर्ण निर्णय घेतले आहेत

  • Share this:

वॉशिंग्टन, 9 जुलै : अमेरिका आणि चीन दरम्यानचे अंतर दिवसेंदिवस  वाढत असल्याचे दिसून येत आहे. असे म्हटले जात आहे की, राष्ट्राध्यक्ष डोनाल्ड ट्रम्प लवकरच चीनविरूद्ध कठोर कारवाई करणार आहे. ट्रम्पचे प्रेस सचिव कायले मॅकेनी यांनी गुरुवारी सांगितले की, राष्ट्राध्यक्षांपूर्वी मी चीनविरोधातील कारवाईबद्दल काहीही सांगू शकत नाही.

परंतु लवकरच आपण याबद्दल ऐकाल. आपल्याला आमच्या पुढील रणनीतीची प्रतीक्षा करावी लागेल. गेल्या 15 दिवसांत ट्रम्प प्रशासनाने चीनविरूद्ध 9 महत्त्वाचे निर्णय घेतले आहेत. अमेरिकेचे राष्ट्रीय सुरक्षा सल्लागार (एनएसए) ओ ब्रिन यांनी बुधवारी सांगितले की चीनने नवीन सुरक्षा कायदा आणून हाँगकाँग ताब्यात घेतला आहे. ही या दशकातील सर्वात मोठी घटना आहे.

हे वाचा-Explainer : चीनचा मोठा प्लान; भूतानशी सीमा वाद, मात्र भारत लक्ष्य

याशिवाय आता चीन तेथील स्वतंत्र लोकांवर आपली इच्छाशक्ती लादत आहे. याव्यतिरिक्त, फेडरल इन्व्हेस्टिगेशन ब्युरो (एफबीआय) चे संचालक क्रिस्तोफर रे यांनी म्हटले आहे की, अमेरिकेसाठी चीन हा सर्वात मोठा धोका आहे. मंगळवारी वॉशिंग्टनमधील हडसन इन्स्टिट्यूटमध्ये झालेल्या कार्यक्रमात त्यांनी हे सांगितले. ते म्हणाले की अमेरिकेच्या कोरोनाशी संबंधित संशोधनावर चीन परिणाम करू इच्छित आहे. तो जगातील महासत्ता होण्याच्या प्रयत्नात व्यस्त आहे.

हे वाचा-भारत-चीन तणावात अजित डोवाल यांची एन्ट्री; 2 तासांच्या चर्चेअंती ड्रॅगन नरमला

त्यांच्या योजनांमध्ये यशस्वी होण्यासाठी तो चीनमधील अमेरिकन लोकांना त्रास देत आहे. ते म्हणाले की अमेरिकेतील आर्थिक स्थिती, डेटा चोरी आणि बेकायदेशीर राजकीय कार्यात हेरगिरी करण्यात चीनचा सहभाग होता. गेल्या 15 दिवसांत अमेरिकेला उद्देशून आलेली सर्व विधाने आणि निर्णय थेट किंवा अप्रत्यक्षपणे चीनकडून आले आहेत.

 

 

Published by: Meenal Gangurde
First published: July 9, 2020, 3:08 PM IST

ताज्या बातम्या

corona virus btn
corona virus btn
Loading