Russia-Ukraine Crisis: युक्रेनच्या संकटामुळे बिअर कंपन्या का आहेत चिंतेत? हे आहे कारण

मास्को, 23 फेब्रुवारी : रशिया आणि युक्रेन तणावाचा परिणाम जगभरातील व्यापारावर होताना दिसत आहे. भारतातील व्यापरावरही याचा परिणाम दिसून येत आहे. कच्च्या तेलाच्या किमती वाढल्या असून सोनंही महागलं आहे. आता बिअर निर्मिती करणाऱ्या कंपन्याही या दोन देशातील वादामुळे चिंतेत आहेत. उन्हाळा बिअर कंपन्यांसाठी (Beer Companies) फायदेशीर असतो. कारण, या महिन्यांत त्यांची विक्री सर्वाधिक असते. भारतात उन्हाळी हंगाम सुरू होणार आहे. परंतु, यावेळी बिअर कंपन्या आनंदी नाहीत. रशिया-युक्रेन संकटाचा (Russia-Ukraine Crisis) फटका या कंपन्यांना बसू शकतो. बिअर निर्मितीसाठी बार्ली वापर खरंतर, रशिया आणि युक्रेन हे दोन्ही देश गहू (Wheat), बार्ली (Barley) यांसारख्या पिकांचे सर्वात मोठे उत्पादक आहेत. रशिया हा जगातील सर्वात मोठा गव्हाचा निर्यातदार देश आहे, तर युक्रेन चौथ्या स्थानावर आहे. गव्हाच्या एकूण जागतिक निर्यातीपैकी 25 टक्के वाटा या दोन्ही देशांचा मिळून आहे. त्याचप्रमाणे, बार्लीच्या बाबतीत, दोन्ही देश पहिल्या 5 निर्यातदारांमध्ये आहेत. बिअर निर्मितीसाठी बार्लीचा सर्वाधिक वापर केला जातो. यानंतर गव्हाचाही योग्य वापर केला जातो. रशिया आणि युक्रेनमधील तणावामुळे बार्ली आणि गव्हाचा जागतिक पुरवठा खंडित होऊ नये, हीच भीती बिअर कंपन्या आहे. अनेक ठिकाणी सरकार ठरवते दर ET च्या अहवालात प्रीमियम बिअर ब्रँड Bira91 चे मुख्य कार्यकारी अंकुर जैन यांच्या हवाल्याने म्हटले आहे की, रशिया-युक्रेन संकटामुळे बिअर उद्योगातील मार्जिन कमी होऊ शकते. ते म्हणतात, “जवाचे भाव आधीच वाढले आहेत, अल्प आणि मध्यम कालावधीत जागतिक बार्लीच्या किमतींवर  युक्रेनचा निश्चितपणे परिणाम होणार आहे. हा परिणाम कमी करण्यासाठी बिअर कंपन्या लगेच प्रतिक्रिया देऊन किंमत वाढवण्याचा निर्णय घेतात का, हे पाहणे बाकी आहे. काही प्रकरणांमध्ये, किंमत सरकारच्या नियंत्रणाखाली आहे. रशियाला मिळतेय चीनची ताकद, त्यामुळे पाश्चिमात्य निर्बंधांची पर्वा नाही! दोन वर्ष कोरोनाने गेले भारतात 31 कॅफे आणि बार चालवणाऱ्या बीअर कॅफेचे सह-संस्थापक राहुल सिंग म्हणतात की, उद्योग दोन वर्षांच्या दुष्काळात गेला आहे. कोरोना महामारीमुळे लॉकडाऊन आणि इतर निर्बंधांमुळे बिअर उद्योगासाठी मागील दोन हंगाम खराब झाले आहेत. आता या वेळी युक्रेनच्या संकटाने अनपेक्षित धक्का दिला आहे. कॉन्फेडरेशन ऑफ इंडियन अल्कोहोलिक बेव्हरेज कंपनीज (CIABC) चे महासंचालक विनोद गिरी यांनाही या संकटाची काळजी वाटत आहे. ते म्हणतात, ‘आम्ही सतत परिस्थितीचे मूल्यमापन करत आहोत आणि त्याचा भारतातील दारूविक्रेत्यांवर कसा परिणाम होत आहे याचे मूल्यांकन करत आहोत. सध्याचे संकट ओढवले तर ते नक्कीच चिंतेचे कारण बनू शकते. ‘आम्ही घाबरत नाही’ युक्रेनच्या राष्ट्राध्यक्षांची पुतिन यांना स्पष्टोक्ती स्थानिक खरेदी करणाऱ्यांचे नुकसान मोतीलाल ओसवाल यांनी नुकत्याच दिलेल्या एका अहवालात म्हटले आहे की, स्थानिक पातळीवर बार्ली विकत घेणार्‍या मद्यविक्रेत्यांनाही या संकटाचा फटका बसेल. अहवालात म्हटले आहे की युक्रेनच्या संकटामुळे बार्लीचा जागतिक पुरवठा विस्कळीत होईल, ज्यामुळे जागतिक बाजारपेठेत त्याच्या किमती वाढतील. तसे झाले तर साहजिकच भारतातही बार्लीचे भाव वाढतील. असे झाल्यास गेल्या दोन हंगामात कमी विक्रीचा फटका बसलेल्या बिअर कंपन्यांना खर्चात वाढ झाल्यामुळे कमी मार्जिनला सामोरे जावे लागू शकते. बिअर कंपन्यांसाठी हा महिना खास भारतात मार्च ते जुलै या कालावधीत 40 ते 45 टक्के बिअरची विक्री होते. बीअर कंपन्यांनी असा अंदाज व्यक्त केला होता की, सलग दोन खराब हंगामानंतर त्यांची विक्री या वर्षी वार्षिक आधारावर 40 टक्क्यांनी वाढू शकते. कोरोना महामारीशी संबंधित निर्बंधांमुळे गेल्या दोन उन्हाळ्यात रेस्टॉरंट्स, बार आणि क्लब इत्यादी बंद राहिले. येथे सर्वाधिक बिअर विक्री होते. 2020 मध्ये, देशभरात लॉकडाऊन लागू असताना, अनेक दारूविक्रेत्यांना हजारो लिटर बिअर नाल्यांमध्ये ओतण्यास भाग पडले होते.

• Follow us on